دەنگی ناسری ڕەزازی لەسەر سووکایەتی کردنی بە ئایینی ئیسلام: скачать в хорошем качестве

دەنگی ناسری ڕەزازی لەسەر سووکایەتی کردنی بە ئایینی ئیسلام:

ڤیدیۆیەکی دەنگی ناسری ڕەزازی لەسەر سووکایەتی کردنی بە ئایینی ئیسلام و وڵامدانەوەی مامۆستایەکی ئایینی لە خوتبەی هەینی لە ڕۆژهەڵاتی کوردستان: ئەو کەسانەی کە جودایی دەخەنە نێو وڵاتێکی فرە ئایینی و فرە نەتەوەییەوە، دەبێ بدرێنە دادگا. ئێمەی کورد لە هەموو لایەکەوە لێمان قەوماوە، ئەوجا کەسانێکیش پەیدا دەبن و بەناوی ئازادی و دیمۆکراسییەوە دێن و ڕێکلام بۆ کەمینە ئاینییەکان دەکەن و دینێکی گشتگیر پێشێل دەکەن، ئەویش تەنیا لەبەر خۆ دەرخستن. لە کوردستاندا شتێک بەناوی لەناوبردنی کاکەی و یارسان و مەسیحی و جوولەکە و…..هتد ڕووینەداوە لە سەر دەستی کوردێکی سوننە مەزهەب، ئەم کلتووری دڵ فراوانیە لە ناو کوردی سوننە مەزهەبدا هەیە کە دەڵێ، دینی خۆت بۆ خۆت و دینی خۆم بۆ خۆم. قەولێکی کوردی هەیە کە دەڵێ، “کابرا بە کەرەکە نەدەوێرا کۆپانەکەی دەدڕاند”، ئێستا ئەم کەسانەش بە دوژمنانی کورد ناوێرن دێن و ماڵی کورد لەوەی کە هەیە وێرانتری دەکەن. ئەوجا ئەو ماڵ وێرانی و دوواکەوتن و نەبوونی دەوڵەتی کوردی و داگیر کردنی کوردستانە، بۆ دەخەنە ئەستۆی کوردی موسڵمان و ئیسلام؟ مێژوو ئەمە دەسەلمێنێت کە کوردی سوننە مەزهەب و ئیسلامییەکان چۆن لە هەموو شۆڕشێکی کوردیدا بەشداریان کردووە. ئێستاش کە ئێستایە هیچ وڵاتێکی جیهان ئیللا تاک و تووک نەبێت لەگەڵ دامەزراندنی دەوڵەتی کوردستاندا نین و هەموو ئەم ماڵوێرانی کوردەش بە دەستی وڵاتانی زلهێزی جیهان هاتووە بە سەر نەتەوەی کورددا. هیچ ئایەتێک یان حەدیسێک پەیدا ناکرێت کە ئیسلام و موسڵمانان دژی دامەزراندنی دەوڵەتی کوردی بن. ئەو کاتەش کە ئیسلام هاتە ناو خاکی کوردستانەوە، کورد ژێر دەستەی ئیمپراتۆریەتی ساسانی بوو، ئەگەر پێکدادانێک یا شەڕێک ڕوویدابێت لە کوردستان، تەنیا شەڕی (ساسانیەکان و سوپای ئیسلام) و (شیعە خەواریجەکان و سوپای ئیسلام) بووە ئەویش تەنها ڕاوەدوونانی سوپای ساسانی بووە لە خاکی کوردستان و مەداین نەک داگیر کردنی کوردستان بە زەبری شمشێر. شتێکی بەناوی سیغە یان موتعەش لە ناو ئیسلاما بوونی نییە ئیللا ئەو کاتەی کە پێش ئیسلام بوونی هەبووە و پاش هاتنی ئایەتەکان و تێگەیشتن لەو بابەتە بەتەواوەتی لابراوە و ئێستا شیعەکانی ئێران بەڕووی ئەو خورافاتەی پێش ئیسلامەوە دەڕۆن و بەسەر هەموو ئیسلامییەکاندا شکاوەتەوە. ------------------------------------------------------------------------------------------------------------------------- بۆ دیتنی بابەتەکە وەک خۆی سەردانی تێلێگرامی کوردزانست بکە: https://telegram.me/kurdzanistnet ------------------------------------------------------------------------------------------------------------------------- Kurdzanist is a scientific and social site کوردزانست، ماڵپەڕیکی زانستی و کۆمەڵایەتییە https://kurdzanist.net   / kurdzanist.n.  .   / kurdzanist   https://telegram.me/kurdzanistnet   / kzanist   tiktok.com/@kurdzanist