SUSPEK SA RENT-TANGAY -SANGLA MODUS, NADAKPAN SA DUMAGUETE CITY MGA SAKYANAN NABAWI скачать в хорошем качестве

SUSPEK SA RENT-TANGAY -SANGLA MODUS, NADAKPAN SA DUMAGUETE CITY MGA SAKYANAN NABAWI

SUSPEK SA RENT-TANGAY -SANGLA MODUS, NADAKPAN SA DUMAGUETE CITY MGA SAKYANAN NABAWI Negros Oriental -Dakong kalampusan ang natala sa Provincial Highway Patrol Team o PHPT Negros Oriental human ilang madakpan ang usa ka suspek sa carnapping ug makarekober og daghang kawatanong sakyanan sa Dumaguete City. Nahitabo ang operasyon mga alas 2:10 sa kaadlawon, Martes, Pebrero 10, 2026, atol sa gipahigayon nga hot pursuit operation sa Barangay Taclobo, Dumaguete City, ubos sa Regional Highway Patrol Unit – Negros Island Region. Ang operasyon gipangulohan ni Police Executive Master Sergeant Aurelio L. Bodo, ubos sa pagdumala ni Police Lieutenant Colonel Ma. Delia M. Pedrezuela, Acting Regional Chief sa RHPU–NIR. Ang nadakpan giila nga si alyas “Jethro,” 25 anyos, residente sa Pamplona, Negros Oriental. Nadakpan siya samtang aktwal nga nagmaneho sa gikawat nga sakyanan—usa ka Mitsubishi Xpander GLS 1.5, kolor Quartz White Pearl, nga may plate number GBM 3572—didto sa Purok Katubhan, Barangay Bajumpandan. Ang rehistradong tag-iya ug complainant nga si John Rey B. Enlagada, positibong miila sa nakarekober nga sakyanan. Gipahibalo dayon ang suspek sa hinungdan sa iyang pagdakop ug sa iyang mga katungod sumala sa Konstitusyon, sa pinulongang iyang masabtan. Sumala sa inisyal nga imbestigasyon, gigamit sa suspek ang “rent–tangay–sangla” modus. Nasuta nga nakapahulam na kini og unom ka sakyanan ug usa ka motorsiklo, nga iyang gisangla gamit ang peke nga Certificate of Registration nga gipangalan sa iyang kaugalingon. Padayon pa ang follow-up operations aron marekober ang ubang sakyanan nga naapil sa maong ilegal nga kalihokan. Sa laing operasyon, lima pa ka sakyanan ang nakarekober sa Basay, Negros Oriental, pinaagi sa koordinasyon sa Basay Municipal Police Station nga gipangulohan ni Police Captain Roderick S. Mahipus. Lakip sa mga narecover ang duha ka Toyota Vios, usa ka Mitsubishi XForce, usa ka Hyundai Creta, ug usa ka MG ZS Trophy. Sa pagkakaron, ang suspek temporaryong gibilanggo sa Dumaguete City Police Station samtang giandam ang kasong ipasaka batok kaniya. Ang mga nakarekober nga sakyanan gi-impound alang sa macro-etching examination. Nagpahayag ang RHPU–NIR nga magpadayon sila sa lig-on ug walay undang nga kampanya batok sa carnapping aron masiguro ang kaluwasan sa kadalanan ug maprotektahan ang mga motorista sa tibuok Negros Island Region.