Psalm 139 in Konkani | Keerthan 139 | ಕೀರ್ತನ್ 139 ದೇವ್ ಸರ್ವ್ ಜಾಣಾರ್ скачать в хорошем качестве

Psalm 139 in Konkani | Keerthan 139 | ಕೀರ್ತನ್ 139 ದೇವ್ ಸರ್ವ್ ಜಾಣಾರ್

Psalm 139 in Konkani | Keerthan 139 | ಕೀರ್ತನ್ 139 ದೇವ್ ಸರ್ವ್ ಜಾಣಾರ್ 139:1 ಸರ್ವೆಸ್ಪರಾ, ತುವೆಂ ಮ್ಹಜಿ ಪರಿಕ್ಷಾ ಕೆಲ್ಯಾಯ್ ಆನಿ ತುಂ ಮ್ಹಾಕಾ ಒಳ್ಕತಾಯ್, 139:2 ಹಾಂವ್ ಕೆದ್ನಾ ಬಸ್ತಾಂ ಆನಿ ಕೆದ್ನಾ ಉಟ್ತಾಂ, ತೆಂ ತುಂ ಜಾಣಾಂಯ್, ಪಯ್ಸ್ ಥಾವ್ನ್ ಮ್ಹಜಿಂ ಚಿಂತ್ನಾಂ ತುಕಾ ಕಳಿತ್ ಆಸಾತ್. 139:3 ಹಾಂವ್ ಚಲ್ತಾಂ ಕಿ ಆಡ್ ಪಡ್ತಾಂ, ತೆಂ ತುಂ ಪಳೆತಾಯ್, ಸಗ್ಳ್ಯೊ ಮ್ಹಜ್ಯೊ ಕರ್ಣ್ಯೊ ತುಕಾ ಕಳಿತ್ ಆಸಾತ್. 139:4 ಮ್ಹಜೆ ಜಿಬೆರ್ ಉತರ್ ಆಜುನ್ ನಾ ತರೀ, ತುಂ , ಸರ್ವೆಸ್ಪರಾ, ತೆಂ ಸಾರ್ಕೆಂ ಜಾಣಾಯ್. 139:5 ಪಾಟ್ಲ್ಯಾನ್ ಆನಿ ಮುಕ್ಲ್ಯಾನ್ ತುಂ ಮ್ಹಾಕಾ ವೆಡೊ ಘಾಲ್ತಾಯ್, ತುಜೊ ಹಾತ್ ತುವೆಂ ಮ್ಹಜೆರ್ ದವರ್ಲಾಯ್. 139:6 ಅಸಲಿ ವಿಸ್ಮಿತ್ ಜಾಣ್ವಾಯ್ ಮ್ಹಜ್ಯಾ ಗಿನ್ಯಾನಾ ಭಾಯ್ರ್, ತಿ ಇತ್ಲಿ ಊಂಚ್, ಮ್ಹಜ್ಯಾನ್ ತಿ ಆಟಾಪುಂಕ್ ಜಾಯ್ನಾ. 139:7 ತುಜ್ಯಾ ಆತ್ಮ್ಯಾ ಥಾವ್ನ್ ಹಾಂವ್ ಖಂಯ್ ಮ್ಹಣ್ ವಚುಂ? ತುಜೆ ಮುಕ್ಲೊ ಹಾಂವ್ ಖಂಯ್ ಮ್ಹಣ್ ಪಳಾಪಳ್ ಘೆಂವ್? 139:8 ಸರ್ಗಾರ್ ಹಾಂವ್ ಚಡನ್ ಜಾಲ್ಯಾರ್, ಥಂಯ್ ತುಂ ಆಸಾಯ್, ಪಾತಾಳಾಂತ್ ಹಾಂವ್ ಆಡ್ ಪಡನ್ ಜಾಲ್ಯಾರ್, ಥಂಯ್ ತುಂ ಆಸಾಯ್. 139:9 ಫಾಂತ್ಯಾಚೆ ಪಾಕಾಟೆ ಲಾವ್ನ್ ಹಾಂವ್ ಉಬನ್ ಜಾಲ್ಯಾರ್, ದರ್ಯಾ ಪಲ್ತಡಿ ವಚುನ್ ಹಾಂವ್ ವಸ್ತಿ ಕರಿನ್ ಜಾಲ್ಯಾರ್ 139:10 ಥಂಯ್ಸರ್ಯೀ ತುಜೊ ಹಾತ್ ಮ್ಹಾಕಾ ಚಲೊವ್ನ್ ವ್ಹರ್ತಲೊ ಆನಿ ತುಜೊ ಉಜ್ವೊ ಹಾತ್ ಮ್ಹಾಕಾ ಘಟ್ ಧರ್ತಲೊ. 139:11 "ಕಾಳೊಕ್ ಮ್ಹಾಕಾ ಲಿಪೊವ್ನ್ ದವರುಂ ಆನಿ ರಾತ್ ಮ್ಹಾಕಾ ವೆಡೊ ಘಾಲುಂ" ಆಶೆಂ ಹಾಂವ್ ಸಾಂಗಿನ್ ಜಾಲ್ಯಾರ್, 139:12 ತೊ ಕಾಳೊಕ್ ಲೆಗುನ್ ತುಕಾ ಕಾಳೊಕ್ ನ್ಹಯ್, ಆನಿ ರಾತ್ ದಿಸಾ ಪರಿಂ ಪರ್ಜಳ್ತಾ. 139:13 ಮ್ಹಜೆಂ ಅಂತರಂಗ್ ತುವೆಂ ಘಡ್ಲಾಂಯ್, ಮ್ಹಜೆ ಆವಯ್ಚೆ ಉದರಿಂ ತುವೆಂ ಮ್ಹಾಕಾ ವಿಣ್ಲಾಯ್. 139:14 ತುವೆಂ ಮ್ಹಾಕಾ ಅಧ್ಬುತ್ ಆನಿ ವಿಚಿತ್ರ್ ರಿತಿನ್ ರಚ್ಲೊಯ್, ದೆಕುನ್ ಹಾಂವ್ ತುಕಾ ಅರ್ಗಾಂ ದಿತಾಂ. ವಿಸ್ಮಿತ್ ತುಜಿಂ ಕೃತ್ಯಾಂ, ಹೆಂ ಹಾಂವ್ ಖರೆಂಚ್ ಜಾಣಾಂ. 139:15 ಗುಪ್ತಿಂ ಮ್ಹಜಿ ಆಕಾರ್ಣಿ ಜಾಲಿ ತೆದ್ನಾ, ಪೃಥ್ವೆಚೆ ಗುಂಡಾಯೆಂತ್ ಮ್ಹಜೆಂ ವಿಣಪ್ ಜಾಲೆಂ ತೆದ್ನಾ ಮ್ಹಜಿ ಘಡಾವಳ್ ತುಕಾ ಗುಪಿತ್ ನಾತ್ಲಿ. 139:16 ಆಕಾರಾವೀಣ್ ಆಸ್ಲಲ್ಯಾ ಮ್ಹಾಕಾ ತುಜ್ಯಾ ದೊಳ್ಯಾಂನಿ ದೆಕ್ಲೊ, ಸಗ್ಳೆ ಮ್ಹಜೆ ದೀಸ್ ತುಜ್ಯಾ ಪುಸ್ತಕಾಂತ್ ಬರೊವ್ನ್ ಆಸ್ಲೆ. ತಾಂಚೊ ಆರಂಭ್ ಜಾಂವ್ಚೆ ಆದಿಂಚ್ ತೆ ನಿರ್ಧಾರಿತ್ ಕೆಲ್ಲೆ. 139:17 ತುಜಿಂ ಚಿಂತ್ನಾಂ ಮ್ಹಜ್ಯಾ ಗಿನ್ಯಾನಾಕ್ ಕಿತ್ಲಿಂ ಕಠಿಣ್? ತಿಂ ಕಿತ್ಲಿಂ ಅಗಣಿತ್! 139:18 ಹಾಂವ್ ತಿಂ ಮೆಜಿನ್ ಜಾಲ್ಯಾರ್, ತಿಂ ರೆಂವೆ ಪ್ರಾಸ್ ಚಡ್ ಆಸಾತ್; ಶೆವಟಾಕ್ ಹಾಂವ್ ಪಾವನ್ ಜಾಲ್ಯಾರ್ ಯೀ, ತುಜೆ ಸವೆಂಚ್ ಹಾಂವ್ ಆಸ್ತಲೊಂ 139: 19 ಖೊಟ್ಯಾ ಮನ್ಶಾಂಕ್ ತುವೆಂ ಜಿವ್ಶಿಂ ಮಾರ್ ಲ್ಲೆಯ್ ಜಾಲ್ಯಾರ್ ಕಿತ್ಲೆಂ ಬರೆಂ ಜಾತೆಂ! ಜುಲುಮಿ ಮನ್ಶಾಂನೊ, ಮ್ಹಜೆ ಸರ್ಶಿಲೆ ಪಯ್ಸ್ ಸರಾ! 139:20 ವಿಕಟಾಯೆನ್ ತೆ ತುಜೆ ವಿಶಿಂ ಉಲಯ್ತಾತ್, ಆನಿ ತುಜ್ಯಾ ಯೆವ್ಜಣ್ಯಾಂಚಿ ತೆ ಪರ್ವಾ ಕರಿನಾಂತ್. 139:21 ತುಜೊ ದ್ವೇಶ್ ಕರ್ತಲ್ಯಾಂಚೊ ಹಾಂವ್ ಯೀ ದ್ವೇಶ್ ಕರ್ತಾಂ ನ್ಹಂಯ್? ತುಜೆರ್ ಉಪ್ರಾಟ್ತಾತ್ ತಾಂಚೊ ಮ್ಹಾಕಾ ಕಾಂಟಾಳೊ ಯೆತಾ ನ್ಹಂಯ್? 139:22 ಭಿರಾಂಕುಳ್ ದ್ವೆಶಾನ್ ಹಾಂವ್ ತಾಂಚೊ ದ್ವೇಶ್ ಕರ್ತಾಂ, ತೆ ಮ್ಹಜೆಯ್ ದುಸ್ಮಾನ್ ಮ್ಹಣ್ ಲೆಖ್ತಾಂ. 139:23 ದೆವಾ, ಮ್ಹಜಿ ಪರೀಕ್ಷಾ ಕರ್ ಆನಿ ಮ್ಹಜೆಂ ಕಾಳಿಜ್ ವಳ್ಕುನ್ ಘೆ, ಮ್ಹಜಿ ತಪಾಸ್ಣಿ ಕರ್ ಆನಿ ಮ್ಹಜಿಂ ಚಿಂತ್ನಾಂ ವಳ್ಕುನ್ ಘೆ. 139:24 ಹಾಂವ್ ವಾಂಕ್ಡೆ ವಾಟೆನ್ ಚಲ್ತಾಂ ಕಿ ಮ್ಹಣ್ ಪಳೆ, ಆನಿ ಸಾಸ್ಣಾಚ್ಯಾ ಜಿವಿತಾಚೆ ವಾಟೆನ್ ಮ್ಹಾಕಾ ಚಲೊವ್ನ್ ವ್ಹರ್. ಆಮೆನ್ ●