Tragjedia e fundit e Otrantos ende pa një fajtor - (28 Gusht 2002) скачать в хорошем качестве

Tragjedia e fundit e Otrantos ende pa një fajtor - (28 Gusht 2002)

Lajme Arkiva - TV Klan 2002 Tragjedia e fundit në Otranto, e ndodhur në 22 Korrik të këtij viti, ka mbetur ende pa një fajtor të shpallur zyrtarisht. Një gomone ku udhëtonin 36 persona, u përmbys pas një përplasje ende pa zbardhur dita me një motovedetë italiane të Guardia di Finanzas. Dy persona humbën jetën dhe një prej tyre humbi në ujërat e Otrantos, ndërsa të gjithë të mbijetuarit e tjerë, u plagosën për shkak të goditjes së fuqishme. Brenda në gomone ndodhen ende rrobat e klandestinëve të cilët u bënë dëshmitarë të një ngjarje, e cila për fat të keq për shqiptarët përsëritet për të disatën herë. Jashtë kamerës, ekspertët që kanë kryer hetimet menjëherë pas ngjarjes thonë, se përgjegjës për të, ka qenë motovedeta italiane e Guardia di Finanzas. Goditja ka qenë aq e fuqishme sa përveç çarjes në vendin ku ajo ka ndodhur është hapur edhe vendi pranë timonit të gomones. Sipas marrëveshjes së të dy vendeve mjetet lundruese të Guardia di Finanzas, kanë të drejtën e patrullimit gjë që u ndalon atyre t’u afrohen mjeteve të tjera më shumë se 15 metra distancë. Emigrantja:- “Ne po iknim për në Itali, motovedeta italiane na lëshoi një dritë të gjatë, ne bëmë ca manovrime, por ajo e fiku dritën dhe menduam se ajo u nda nga ne dhe vazhduam të ecnim prapë, por ajo vinte me dritë fikur pas nesh, kur ne e pamë atë marrim një kthesë shumë shpejt dhe nisemi për të ikur dhe ajo vjen shumë shpejt drejt nesh nga ana e majtë e motorit dhe pastaj s’mbaj mend se kam rënë pa ndjenja”. Megjithatë autoritetet shqiptare ende nuk konfirmojnë fajtorin e kësaj ngjarje. Prokurori i përgjithshëm Theodhori Sollaku, deklaroi se mbajnë përgjegjësi të dyja palët, por fjala e fundit do të thuhet në përfundim të hetimeve. Theodhori Sollaku:- “Edhe kjo çështje është nën hetim, ka përgjegjësi nga skafistët shqiptarë është duke u hetuar përgjegjësia e autoriteteve italiane, ndërkohë ne jemi duke studiuar edhe pozitën e tyre juridike, sepse ata janë këtu mbi bazën e disa marrëveshjeve ndërkombëtare dhe me finalizimin e të gjitha veprimeve, ne do të kemi një mendim konkret”. Filmimi i kësaj gomoneje, e cila është bllokuar në cilësinë e provës materiale është i pari që shfaqet pas tragjedisë së 22 Korrikut. Ai është bërë dje, ndërsa ishulli i Sazanit vizitohej nga krerët më të lartë të qeverisë. Megjithatë, askush nuk mori me vete ndjesinë e keqe që të krijon dëshmia e një tragjedie. Njerëzit që kanë humbur të afërmit në ujërat e Otrantos që nga viti 1997, e deri sot dhimbja nuk i lë të harrojnë atë që ka ndodhur, ndërsa për çdo shqiptar tragjedia e radhës, lë shijen e hidhur të injorimit të identitetit kombëtar, sa herë që shkaktari i tragjedisë mbetet pa emër./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/