ما سيحدث لدماغك إذا توقفت عن الإباحية لمدة 70يوما 🤔 هادشي لي غا يوقع ليك بالضبط إذا حبستيها 70 يوم скачать в хорошем качестве

ما سيحدث لدماغك إذا توقفت عن الإباحية لمدة 70يوما 🤔 هادشي لي غا يوقع ليك بالضبط إذا حبستيها 70 يوم

حتى لواحد النهار تلاحيت فالفراش ننعس و أنا كا نتصفح الأنستغرام ديالي، خرجات ليا صورة مثيرة هيجات الغريزة ديالي، و حفزاتني نزيد نبحث فمزيد من صور المؤثرات المفلترات شويا الصور ما بقاوش مقنعيني دزت للفيديوهات ... ثم تطور الأمر فجأة من بعد ما بقاش دماغي مقتانع بالكمية لي كا يتم إفرازها من هرمون المكافأة و المتعة و اللذة الدوبامين .. بالفضول قلت أرا نزيد نبحث في ما يلبي غريزتي و شهوتي أكثر و أكثر، حسيت براسي بحال إلى كا نضرب طاكوس ناشف ... قلت أرا نزيد المايونيز و كيتشوب و سوس ألجيريان و كوكا ... و بهاد الطريقة تطور الأمر حتى لقيت راسي خاشي عيني فالأفلام الإباحية، حال فمي، مرفوع، منتاقل لعالم إفتراضي و مستاغل السذاجة ديالي دماغي لي ما كا يفرقش بين اللذة الصحية و اللذة الضارة ... حسيت بدماغي فديك اللحظة بحال إذا كا نتفرج ففيلم دراما حزين البطل ديالي غاديي يتقتل فالنهاية، و أنا كا نبكي و دموعي تخلطو ليا مع خنونتي و كأن المشهد حقيقي ... عقلي الواعي فاهم أن داكشي غير تمثيل و الممثل لي لعب دور البطل مازال حي، إلا أن عقل اللاواعي تأثر بحال إذا المشهد بصح ... نفس الشيء وقع ليا ملي طحت فالطارو ديال زبل الإباحية ... دماغي كا يشوف دوك المشاهد و عند بالو راه بصح، و الإثارة غادا و كا تزيد حتى كا يتطور الأمر للممارسة العادة الخبيثة - الإستمناء - مباشرة من بعد بلوغ قمة النشوة و الوصول للفانتازم ... نضت غتاسلت و صليت جوج ركعات ديال التوبة بكيت فيها على ممارسة الخطيئة، و دازت سيمانة بالحساب فإذا بحليمة تعُود إلى عادتها القديمة ! مشيت لمدة شهر بمشاهدة الأفلام الإباحية و العادة الخبيثة مرة فالأسبوع، الشهر الثاني تطور الأمر لجوج مرات فالأسبوع ثم ثلاثة، حتى وليت كا نتفرج فيها ثلاث مرات يوميا ... فقدت السيطرة على حياتي خويا feynbert و كانحس براسي ما بقيتش قادر تحكم فشهوتي، فكل لحظة كا نتعرض للإستثارة من طرف صورة مثيرة كا نفكر فين نتخبى و نتفرج و نمارس العادة اللعينة ... حياتي تقلبات رأسا على عقب، و تحولت من تلميذ متفوق إلى تلميذ عادي، كا يجيب 14 من بعد ما كنت ما كا نهبطش على 18 ... طلعت للثانوية و إدمان الإباحية زاد تطور، و فنفس الوقت التقدير الذاتي و الثقة ديالي براسي بدات كا تنقص، و الذاكرة ديالي بدات كا تضعاف وليت كا نسا بالزربة، و دماغي ولا عامر غير بالمشاهد الإباحية ... السانكيام نجحت غير بالسيف و جبت المعدل و كنت على شفا حفرة من الرسوب، تخيل معايا واليديا ما فهمو والو، كولشي ولا كا يقول واش هذا هو عبد الغفور ؟ لي كان متفوق فالدراسة ديالو ؟ الواليدة ديالي ولات تقول ليا بحال إذا هزيتي واحد وحطيتي واحد آخر ... ضعافيت فصحتي بزاف بسبب فقداني للشهية دالماكلة ... و بداو كا يجيوني أفكار الإنتحار ... و هادي هي قصة عبد الغفور بكل اختصار ... و بالمناسبة هادي ماشي غير قصة عبد الغفور بوحدو، و لكن هاذي قصتنا كاملين 😢 كانت هادي رسالة تلقيتها فماسانجر من فوكونط بإسم مزيف عبد الغفور، إلى يومنا هذا مازال ما عرفتش الهوية ديالو الحقيقية ، و ما بغيتش نعرفها حفاظا على الخصوصية ديالو، وكتمانا للسر ديالو ... بكثرة ما أثرات فيا الرسالة حاولت ناخد بيد عبد الغفور و نوقف معاه حتى يتحسن و يرجع للطبيعة ديالو و يرجع حسن من لي كان ... أول حاجة نصحتو بيها هي يمشي عند طبيب نفسي ، لأنهُ ماكاينش لي غا يفهمو و يعالجو كتر و حسن منو ... للأسف عبد الغفور ملي طرح الموضوع على واليديه ما تفهموش الأمر و بداو كا يحكرو معاه علاش بالسلامة طبيب نفسي مالك حمق ؟ شنو ضارك ؟ عبد الغفور شاف راسو إذا زاد معاهوم فالهضرة غادي يعتارف، و إذا عتارف ليهوم بالإدمان ديالو، ما غا يتفهموهش و غا يطيح من عينين واليديه و خوتو، و قرر أنهُ يقلب الموضوع و يكمدها لعضامو و يرجع لعندي يعاود ليا أنهُ ما يمكنش ليه، فهنا قررت أنا شخصيا نستاشر مع أصدقاء متخصصين فعلم النفس، و نعرض عليهوم الحالة ديال عبد الغفور ، الحمدُ لله ستافدت منهوم بزاف، و أي حاجة ستافدتها كنت ندير أبيل أوديو معاه نشرح ليه شنو هو إدمان الإباحية و كيفاش يتخلص منها، و فكل نهار كنت كا نحس بيه كا يتحسن و كا يرجع للطبيعة ديالو، و الصراحة ما كنتش غا نزعم أنني نبارتاجي معاكوم هاد المقال لولا أن التجربة ديالي مع عبد الغفور فإخراجو من القاذورات الإباحية و العادة اللعينة نجحات ، الفضل كا يرجع لله سبحانه و تعالى لي وفقني نتعرف على عالم النفس جوردن بيترسن و العديد من الأطباء و الخبراء فعلم النفس و لكتاب Your Brain on Porn: Internet Pornography and the Emerging Science of Addiction للكاتب الرائع و العظيم Gary Wilson و كتاب عادات ذرية atomic habit للكاتب جيمس كلير و أيضا كتاب قوة العادات the power of habit للكاتب تشارلز دوهيك فهاد المقال، غادي نبارتاجي معاك كاع النويطات و التطبيقات لي تبعت بيها عبد الغفور لمدة ستة أشهر، و لي بتوفيق من الله خلاتو يسترجع القوة و العزيمة و الإرادة و التفوق الدراسي ديالو، و يولي حسن من لي كان ... فهاد الفيديو غادي نخليك تسافر معايا فرحلة للمستقبل غا تشوف فيها دماغك من بعد 70 يوم بلا إباحية كيفاش غا يولي ، و بالتالي صحتك النفسية و العقلية و العلاقات ديالك و القراية ديالك و الفورمة ديالك، بصفة عامة غا تشوف حياتك قدام عينيك من بعد سبعي ( و بالمناسبة هذا الجزء الثاني ، لي مزال ما شاف الجزء الأول ها هو الرابط ديالو على فيسبوك ) : 🟡    • أتحداك أن تستمر في مشاهدة الأفلام المثيرة ...   و الأصدقاء لي كانو متوقعين مني نهضر على إدمان الهاتف، راني فايت هضرت عليه فهاد الفيديو : 🟡    • كيف تتخلص من إدمان الهاتف 📱 و مواقع التفاخ...   خطبة عدنان إبراهيم الذي يعتبر أفضل واحد تطرق لموضوع الإباحية 🟡    • الدكتور عدنان إبراهيم l الإباحية .. فخ إبل...   فيديو أوساجي عن الإباحية كذلك ينصح بمشاهدته ‪@ossagi‬ 🟡    • شنو غايوقع ليك إلا حبستي العادة سرية و الأ...   المصادر المعتمدة في الفيديو : https://neurosciencenews.com/neurosci...