ટ્રંપનું ટેરિફ યુદ્ધ, બેધારી તલવાર | Sagar Rabari скачать в хорошем качестве

ટ્રંપનું ટેરિફ યુદ્ધ, બેધારી તલવાર | Sagar Rabari

#sagarrabari #trump #modi #gujarat #tarrifs ટ્રંપનું ટેરિફ યુદ્ધ : બેધારી તલવાર! સમૃદ્ધિના શિખરે પહોંચ્યા પછી અમેરિકા પોતાના દેશમાં ઉત્પાદન વધારવા, દેશના ખેડૂતો અને બીજા ઉત્પાદકોને સારા ભાવ અપાવવા, વિદેશોના સસ્તા માલ સામે આયાત વેરો વધારી ઉત્પાદકોને બચાવવા અને પ્રોત્સાહન થકી રોજગાર વધારવા માટે ટેરીફનો ઉપયોગ કરી રહ્યા છે. ખુલ્લા બઝારની મૂડીવાદી અર્થ-વ્યવસ્થાનું દુનિયામાં ઝંડાબરદાર અમેરિકા વિદેશી સસ્તા ઉત્પાદનો સામે પોતાના વેપાર - ઉદ્યોગ ટકાવી નથી શક્યું... ફુગાવો અને બેરોજગારીનો દર વધ્યો છે, અમેરિકાની વેપાર ખાદ્ય 1 ટ્રિલિયન (1,00,000 કરોડ ડોલર)ની થઇ છે. એની અમેરિકાના નાગરિકો ઉપર ઊંડી અસર પડી છે, અમેરિકાના રાજકારણમાં સસ્તા વિદેશી માલ ઉત્પાદકોને કારણે રોજગાર ઘટ્યા છે એવી લાગણી તીવ્ર બની છે. એનો રાજકીય લાભ લેવા માટે કટ્ટર મૂડીવાદી ટ્રમ્પ સમાજવાદી રસ્તે ચાલ્યા છે. અમેરિકામાં સોયાબીન અને મકાઈનું ખુબ ઉત્પાદન થાય છે. એની ખુબ નિકાસ કરે છે, એ ભારતના બઝારમાં સોયાબીન અને મકાઈ ઠાલવી શકે જે પોલ્ટ્રી ફીડ (મરઘાના ખોરાક) તરીકે વપરાય છે. ભારતથી થતી બાસમતી ચોખા, શ્રીમ્પ (કરચલા) ભેંસનું માંસ, હીરા અને તૈયાર કપડાં ની નિકાસ મોઘી થશે. એનાથી સ્થાનિક ઉત્પાદકોને મળતા ભાવ અને રોજગાર ઉપર મોટી અસર પડી શકે. બીજી તરફ, કેનેડા, મેક્સિકો, ફ્રાન્સ, જાપાન જેવા 3-4-5 કરોડની વસ્તીના સુખી દેશો ખુલીને અમેરિકાની સામે પડ્યા છે, ટ્રેમ્પ જેટલા આયાત વેરા નાખે એટલા જ આયાત વેરા એ દેશો નાખશે.. અને અમેરિકાના ઉત્પાદનો એમના દેશમાં મોંઘો કરી પોતાના દેશના ઉત્પાદકોને રક્ષણ અને સબસીડી રૂપી પ્રોત્સાહન આપશે એવી જાહેરાતો, નિવેદનો રોજ રોજ એમના વડાપ્રધાનો, પ્રમુખો કરી રહ્યા છે. અમેરિકાની નિકાસ ઘટે તો ઉત્પાદન ઘટાડવું પડે, તો રોજગાર ઘટે... સરવાળે અમેરિકાને નુકશાન થઇ શકે. આપણા બજારમાં અમેરિકા મકાઈ, સોયાબીન જેવા ખેત ઉત્પાદનો ઠાલવે અને આપણા બાસમતી ચોખા, માંસ, કરચલા, હીરા અને તૈયાર કપડાંની નિકાસ ઘટે તો એની અસર આપણા ઉત્પાદકોને મળતા ભાવ ઉપર પડે. સરકાર આપણા ઉત્પાદકોને કેવી રીતે રક્ષણ આપશે એના ઉપર અમેરિકાના ટેરિફ (આયાત વેરો)ની અસર વર્તાશે. પરંપરાગત હથિયારો વગરના... આ વેપાર યુદ્ધના પરિણામો દુનિયા માટે ઘણા દૂરગામી હશે. જોતા રહીએ ભારત સરકાર શું પ્રતિભાવ આપે છે, પગલાં ભરે છે!! | Sagar Rabari