బలగ మున్సిపల్ హైస్కూల్ పిల్లలతోకలిసి మధ్యాహ్న భోజనంచేసిన జిల్లా కలెక్టర్ స్వప్నిల్ దినకర్ పుండ్కర్ скачать в хорошем качестве

బలగ మున్సిపల్ హైస్కూల్ పిల్లలతోకలిసి మధ్యాహ్న భోజనంచేసిన జిల్లా కలెక్టర్ స్వప్నిల్ దినకర్ పుండ్కర్

కలెక్టర్ గణితం.. విద్యార్థుల సంతోషం! బలగ మున్సిపల్ హైస్కూల్‌లో ఉపాధ్యాయుడిగా మారిన జిల్లా కలెక్టర్ గణితంలో మెళకువలు నేర్పిన జిల్లా అధిపతి పిల్లలతో కలిసి మధ్యాహ్న భోజనం.. ఐఏఎస్ ప్రస్థానంపై స్ఫూర్తి శ్రీకాకుళం, జనవరి 20: జిల్లా కలెక్టర్ స్వప్నిల్ దినకర్ పుండ్కర్ మంగళవారం ఉదయం విద్యార్థిగా మారిపోయారు. బలగలోని మున్సిపల్ ఉన్నత పాఠశాలను సందర్శించిన ఆయన, పదో తరగతి గదుల్లోకి వెళ్లి విద్యార్థులతో ముచ్చటించారు. ముఖ్యంగా ‘రైజింగ్ స్టార్స్’, ‘స్కై స్టార్స్’ గ్రూపులకు చెందిన విద్యార్థులతో సుమారు గంటకు పైగా ఇంటరాక్ట్ అయ్యారు. లెక్కల మాస్టారిగా కలెక్టర్.. స్వతహాగా గణిత విద్యార్థి అయిన కలెక్టర్, కాసేపు ఉపాధ్యాయుడి అవతారమెత్తారు. కఠినమైన లెక్కలను సైతం సులువుగా ఎలా పరిష్కరించాలో విద్యార్థులకు బ్లాక్ బోర్డుపై చేసి చూపించారు. గణితంలో ఉన్న కిటుకులను వివరిస్తుంటే విద్యార్థులు ఆసక్తిగా విన్నారు. అనంతరం విద్యార్థులు అడిగిన పలు సందేహాలను ఆయన ఓపికగా నివృత్తి చేశారు. లక్ష్యం ఉంటే ఏదైనా సాధ్యమే.. “భవిష్యత్తులో మీరు ఏమవ్వాలనుకుంటున్నారు?” అని కలెక్టర్ ప్రశ్నించగా, విద్యార్థుల నుంచి ఉత్సాహభరిత సమాధానాలు వచ్చాయి. ఈ సందర్భంగా ఇంటర్, డిగ్రీ, ఇంజనీరింగ్ తో పాటు వృత్తి విద్యా కోర్సులపై ఆయన దిశానిర్దేశం చేశారు. “మీరు కలెక్టర్ ఎలా అయ్యారు?” అని ఓ విద్యార్థి అడగగా.. తన బాల్యం, ఐఐటీ గౌహతిలో చదువుకున్న రోజులను గుర్తు చేసుకున్నారు. “తొలుత ఐపీఎస్‌కు ఎంపికైనా, పట్టు వదలకుండా శ్రమించి ఐఏఎస్ సాధించాను. నాకు ఇష్టమైన గణితం, ఫిజిక్స్ సబ్జెక్టులే నా విజయానికి తోడ్పడ్డాయి” అని వివరించి విద్యార్థుల్లో స్ఫూర్తి నింపారు. రుచికరమైన భోజనం.. మధ్యాహ్న సమయం కావడంతో కలెక్టర్ విద్యార్థులతో కలిసే కూర్చుని ‘డొక్కా సీతమ్మ’ మధ్యాహ్న భోజనాన్ని ఆరగించారు. భోజనం రుచిగా ఉందా? మెనూ ప్రకారం వడ్డిస్తున్నారా? అని విద్యార్థులను ఆరా తీశారు. పాఠశాల ప్రాంగణం పరిశుభ్రంగా, చదువుకోవడానికి అనువైన వాతావరణంతో ఉండటంపై ఆయన సంతృప్తి వ్యక్తం చేస్తూ పాఠశాల సిబ్బందిని అభినందించారు. ఆదర్శం: తన ప్లేటు తానే కడిగిన కలెక్టర్! మధ్యాహ్న భోజనం ముగిసిన తర్వాత కలెక్టర్ స్వప్నిల్ దినకర్ అందరినీ ఆశ్చర్యపరిచారు. భోజనం చేసిన ప్లేటును అక్కడి సిబ్బందికి ఇవ్వకుండా, స్వయంగా తానే ట్యాప్ వద్దకు వెళ్లి శుభ్రం చేసుకున్నారు. "మనం చేసే పనిలో ఏదీ తక్కువ కాదు.. క్రమశిక్షణ, సొంత పనులు చేసుకోవడం అనేవి విద్యార్థి దశ నుంచే అలవడాలి" అని ఈ చేత ద్వారా ఆయన నిరూపించారు. కలెక్టర్ నిరాడంబరతను చూసి విద్యార్థులు, ఉపాధ్యాయులు అభినందనలతో ముంచెత్తారు.