ഏകാദശിത്തലേന്ന് ഗുരുവായൂരില്‍ കൊമ്പന്‍ ദാമോദര്‍ദാസ് ഇടഞ്ഞോടി скачать в хорошем качестве

ഏകാദശിത്തലേന്ന് ഗുരുവായൂരില്‍ കൊമ്പന്‍ ദാമോദര്‍ദാസ് ഇടഞ്ഞോടി

ഗുരുവായൂര്‍: ഗുരുവായൂരില്‍ ആനയിടഞ്ഞു. ദാമോദര്‍ദാസ് എന്ന കൊമ്പനാണ് ഇടഞ്ഞത്. ഇന്ന് രാവിലെ പടിഞ്ഞാറെ നടയിലാണ് സംഭവം. ഗുരുവായൂര്‍ കേശവന്‍ അനുസ്മരണത്തിന് എത്തിച്ച് മടങ്ങും വഴിയാണ് ആന ഇടഞ്ഞത്. സമീപത്തെ സിസി ടിവി ക്യാമറയടക്കം കൊമ്പന്‍ നശിപ്പിച്ചു. ഭക്തര്‍ പരിഭ്രാന്തരായി. മുകളില്‍ ഇരുന്ന പാപ്പാന് താഴെ ഇറങ്ങാന്‍ കഴിഞ്ഞില്ല.  ഇതിനിടെ ആനയെ ക്ഷേത്രത്തിന്റെ തൂണില്‍ ബന്ധിച്ചു. എങ്കിലും കൊമ്പന്‍ ശാന്തനാകാതെ ചങ്ങല പൊട്ടിച്ച് ഓടാന്‍ ശ്രമിച്ചുകൊണ്ടിരുന്നു ഒടുവില്‍ ഏറെ നേരം നീണ്ടുനിന്ന പരിശ്രമങ്ങള്‍ക്കൊടുവില്‍ ഇടഞ്ഞ കൊമ്പന്‍ ശാന്തനായതോടെയാണ് ഭക്തരുടെ  ഭീതിയൊഴിഞ്ഞത്. അടുത്തിടെ വിവാഹ ഫോട്ടോഷൂട്ടിനിടെ ഇടഞ്ഞ ആനയാണ് ദാമോദര്‍ദാസ്. അന്ന് ഇടഞ്ഞ ആന പിന്നോട്ട് തിരിഞ്ഞ് പെട്ടെന്ന് അക്രമാസക്തനാവുകയായിരുന്നു. ചുറ്റുമുണ്ടായിരുന്നവര്‍ ഉടന്‍ തന്നെ വശങ്ങളിലേക്ക് ഓടിമാറി. ഒപ്പമുണ്ടായിരുന്ന പാപ്പാനെ ആന ആക്രമിക്കാന്‍ ശ്രമിച്ചെങ്കിലും വസ്ത്രം മാത്രം തുമ്പിക്കയ്യില്‍ കിട്ടിയതോടെ പാപ്പാന്‍ ഭാഗ്യം കൊണ്ട് രക്ഷപെടുകയായിരുന്നു.