Masallıda F.Xancanov adına Musaküçə kənd tam orta məktəbində Zəfər tədbiri keçirildi. скачать в хорошем качестве

Masallıda F.Xancanov adına Musaküçə kənd tam orta məktəbində Zəfər tədbiri keçirildi.

MASALLIDA F.Xancanov adına Musakücə kənd tam orta məktəbində Zəfər tədbiri keçirildi. FOTO-VİDEO 5 may 2021-ci ildə Masallı rayonu Fayəddin Xancanov adına Musaküçə kənd tam orta məktəbində Ümummilli lideri Heydər Əliyevin anadan olmasının 98-ci ildönümünə və qələbə ilə bitən 44 günlük Vətən müharibəsinə həsr olunmuş tədbir keçirilmişdir. Cənubunsəsi.az xəbər verir ki, tədbir karantin və pandemiya qaydalarına tam uyğun olaraq keçirilmiş və iştirakçılar arasında sosial məsafə gözlənilmişdir.. Tədbirdə iştirak edənlər tibbi maskadan istifdə etmişlər. Tədbir Azəbaycan Respublikasının dövlət himni ilə açılmışdır. Daha sonra 44 günlük Vətən müharibəsində qazanılan şanlı qələbəmiz barədə qısaca məlumat verilmiş və vətən uğrunda şəhidlik zirvəsinə ucalmış Şəhidlərimizin xatirəsi bir dəqiqəlik sükutla yad edilmişdir. Tədbiri giriş sözü ilə açan məktəbin tarix müəllimi Quluzadə Maya vətənimizin tarixi haqqında çıxış etmişdir.. Sonra həm şəhid Fayəddin Xancanovun qardaşı, həm də məktəbin tərbiyə üzrə direktor müavini Rzayev Rizvan çıxış edərək qazandığımız zəfərdən və "9 may" qələbə bayramından danışmışdır. Sonra məktəbimizin V (a) sinif şagirdi Həsənova Fizzə ümumimilli lider Heydər Əliyev haqqında şeir söyləmişdir. Tədbirə Musaküçə kəndindən olan qazilərimiz və vətən müharibəsində iştirak etmiş döyüşçülərimiz də dəvət olunmuşdur. Məktəbin direktoru və kollektivi şagirdlərin hazırladığı Zəfər Sərgisi ilə yaxından tanış olmuş və şagirdlərə sərgi ilə bağlı məlumatlar verilmişdir. Sonda tədbir iştirakçıları şagirdlərin əl işlərindən ibarət olan sərgi ilə tanış olublar. Cənubunsəsi.az xəbər portalına məlumat verən məktəbin direktor müavini Əliyeva Aytən bildirmişdir ki, pandemiyadan öncə məktəbimizdə geniş şəkildə tədbirlər keçirilmişdir. Hal-hazırda COVİD-19 pandemiyasın nəzərə alaraq və karantin qaydalarına uyğun olaraq tədbirlərmizi silsilə şəklində keçirtməyə çalışırıq. Tədbirdə Qarabağ Müharibəsi Əlilləri, Veteranları və Şəhid Ailələri İctimai Birliyinin Masallı rayon filialının sədri Nahid Rəhimov, Cənubunsəsi.az xəbər portalının baş redaktoru Mərhəmət Lələyev və Masallı rayon Göyəçöl kənd tam orta məktəbin direktoru Əsmər Əzimzadə iştirak etmişdirlər. Ümumimilli lider Heydər Əliyevin 98-ci ildönümünə və qələbə ilə bitən 44 günlük Vətən Müharibəsinə həsr olunmuş tədbir F.Xancanov adına Musaküçə tam orta məktəbinin müəllimləri Əliyeva Aytən, Kərimov Eldəniz, Rzayeva Günay və Məmmədova Şahnisə tərəfindən təşkil olunmuşdur. Hazırladı Orxan Əlizadə Cənubunsəsi.az Foto-Video Adəm Abuşov Cənubunsəsi.az xəbər portalından məlumatlardan istifadə edərkən istinad etmək zəruridir..!