Kan Khamhnak A Tlau Lo - Rev. Hoi Cung Tum скачать в хорошем качестве

Kan Khamhnak A Tlau Lo - Rev. Hoi Cung Tum

2004 Thanghnak a phak hlan, ramdang caah cun 2014 hin kan lak lai, 2014 hin tthanghnak biatak tein a phan ve. Mah hlan cu pianthar timi biafang hi mi tampi nih kan cohlang kho lo i, capo nak le mi nihsawhnak ah hman peng a rak si. Zapi pianthar cu 2004 hnu hin a si. Ramdang caah 2014 in. Mah hlan ahcun a cikpak tete lawng in rak pianthar a si. A ruang cu pianthar an rak kham caah a si. Laitlang ahcun pianthar a rak um lo. Cucu al awk a ttha lomi zapi nih cohlan awk a ttha mi bia a si. Khamhnak a tlau a timi lawng te hi tam bik kan rak si. Bawipa vel hi kanmah tuahsernak he fonh chih peng in thawngtha a aupi mi le a zummi kan rak si. Laitlang biakinn ngan deuh paohpaoh ahcun khamhnak a tlau ti a zummi lawng te kan rak si. Khamhnak a tlau ti a zummi vialte kha van an kai lai lo ti cu a fiang tuk mi a si. Kan chim ngam le chim ngam lo lawnglawng a si. Khamh a tlau lo ti hi faak bik cem in a dirpi mi cu Saya Cung, Saya Rual Uk le CEF pawl hi an rak si. Mi tampi cu an aupi ngam lo nain piangthar lo Khrihfa bu tu kha an chuah tak ve. Cucaah Laitlang ah bu tthen a tam tuk nak cu a si. Nihin ahcun ramchung zong ramleng zong thawngtha kan theih khawh dih caah khamhnak kan co ning aa thleng ngaingai cang. Khamhnak a tlau ti a zummi hmanh hi hmunhma tin lo phan lai an ttih caah an chim ngam tilo. Khamhnak a tlau an ti ahcun member pawl nih an chuah tak dih hna lai. Mah cucu an ttih ve cang. Cucaah an chim ngam tilo. Pianthar lo zongah piangthar phun in um kha an thiam ve cang. Cun a piangthar mi Pastor zong tampi an hung um cang. Cucu lawmh a um ngaingai. Kan khamhnak hi a tlau lo. A ruang - khamhnak cu Pathian ta a si. Piangthar lo khamhnak a tlau ee an timi cu khamhnak hrimhrim an ngei rih lo. A ceih awk hrimhrim an ngeih rih lo caah an ruahnak le an hmuhnak an chimmi le an aupi mi tu khi a si. Piangthar kan khamhnak hi sual ah kan tluk sual ruangah a tlau kho lo. Pathian nih a kut in a hum ko. Pakhat belte khamhnak a co lomi hi tam bik rih dawh kan si. Piangthar bantuk tu in kan i um ter dih sawhsawh. Cucaah khamhnak thawngtha chim le biatak dirpi ding hi rian nganpi kan ngei rih.