Situata mes refugjatëve kosovarë (30 Mars 1999) скачать в хорошем качестве

Situata mes refugjatëve kosovarë (30 Mars 1999)

Arkiva - Tv Klan 1998-2012; Pamje naten nga qendra sportive e Tiranës ku janë vendosur refugjatët kosovarë. Gazetarja interviston refugjatët nëpër çadra, komandantin e regjimentit për situatën. Gazetarja: Zoti Komandant sa njerëz flenë sonte këtu dhe çfarë masash janë marrë për sigurinë e tyre dhe probleme të tjera që kanë lindur? Komandanti i Regjimentit: Këtu sonte kemi rreth 1950 të ardhur nga Kosova, i kemi sistemuar nëpër çadra, me dyshekë, batanije dhe probleme të tjera që mund të kenë, kemi dhe një qëndër shëndetësore. Ndërsa për ruajtjen Policia Ushtarake ka hyrë në veprim në drejtim të ruajtjes së kampingut. Deri tani s'kemi pasur asnjë problem në drejtim të ruajtjes ose probleme të tjera. Tani jemi në momentin e verifikimit të listave, verifikimit të çadrave. Është ora 10 e ca. Besoj se kjo punë deri në mëngjes, do të punojmë gjithë natën dhe deri në mëngjes bashkë me stafin, bashkë me oficeret, edhe me ushtarët do të vazhdojmë punën për pastrime, për rregullime, për ndonjë mangësi të vogël që mund të kemi lënë gjatë ditës. Gazetarja: Ndërkohë ka njerëz që vijnë ende në këtë orë të vonë. Komandanti i Regjimentit: Para pak ishin dy njerëz që erdhën tani do i sistemojmë dhe këto, ishalla sonte të mos kemi, në kuptimin e kësaj që është vonë. S'e besoj të kemi më sonte njerëz. Por dhe po na erdhën në besoj do të marrim masa që t'i rregullojmë. Gazetarja: Ju falenderojmë. Gazetarja: Na falni që ju shqetësojmë është pak vonë, ne vijmë nga Televizioni Klan, në çfarë ore keni ardhur këtu? Vajza: Ketu kemi ardhur në orën dy. Nga Peja. Gazetarja: Po kushtet?, me ushqimin? Vajza: Mirë, mirë është. Veç babën s'e kena këtu. S'jena bashku me të. Gazetarja: Si ja keni kaluar jeni lodhur? Nje zonje: Kemi ardhur nga Peja. Mirë, veç djali 19 vjeç më ka mbetur në Pejë. Kurrfarë lajmi s'kam marrë. Gazetarja: Nëna si erdhët deri këtu jeni lodhur? Një zonjë: Mirë shumë mirë jemi. Ishalla do bëhet më mirë, do të bëhet mirë. Gazetarja: Shpreson të kthehesh në Kosovë shpejt? Një zonjë: Shumë. Kemi ardhur gjithë familja. A bën me u lajmëru djali? Kurrgje tjetër nuk du, krejt në rregull i kam, veç për djalin jam shumë e shqetësume Një zonjë: Kemi ardhur dje nga Peja, sot jam vendosur këtu. Me bashkëshortin nuk jam pa hiç. Prej Peje kam ardhur veç me fëmijët dhe me motrën dhe djalin e motrës. Gazetarja: Si u shkëputët? Një zonjë: Unë kam qënë tek baba, më vdiq baba. Ai ka qënë tek nëna e vet. Si erdhi policia na qitën përjashta s'na lanë me u bashku. Më thanë është në Kukës. Gazetarja: Si e ka emrin? Nje zonje: Shaban Berisha. Gazetarja: Nëpërmjet valëve të TV Klan ju dëgjon. Një zonjë: Tmerri na ka marrë, shumë kemi hequr rrugës tu ardhë.Na kanë mbyt. Këtu në Shqipëri jemi shumë mirë, mjekimet, mi kanë fotografu këmbët në Spitalin Ushtarak. Këtu mirë shumë metanat, fëmijët m'i kontrolluan. Jemi ma të qetë veç bashkëshortin me pas. Gazetarja:Mirëmbrëma vij nga Televizioni Klan: Një zotëri: Jemi nga Peja. Ne çfarë kushte kemi kaluar derisa kemi arritur këtu, këto janë shumë të mira. Por shpresojmë le të bëhen dhe më të mira dhe do të kthehemi ndoshta. Gazetarja: Keni ardhur e gjithë familja? Një zonjë: Po e gjithë familja. Sa kemi mujtur me ardhë këtu. Fëmijët na kanë mbetë nga pjesa e Malit të Zi. Besoj se do të na vijnë edhe ata. Gazetarja: Keni njerëz në Kosovë? Një zotëri: Familja jonë jo, veç të afërmit e të njohurit të qytetit që s'kanë pasë kohe me u evoku, me ikë, me bo, dhe flitet se për një numër afro 15 mijë vetë kanë mbetë si peng në qytetin e Pejës, s'i lënë me bo lëvizje askund. Gazetarja: Ndërkohë keni pasur lidhje me Pejën, me të afërmit e tu atje? Nje zotëri: Sot jemi ndëgju. Unë direct jo, disa shokë kanë bisedu. Ndizet i tëri qyteti është në flakë, këto pengjet që i kanë zënë i mbajnë nëpër salla sporti që kanë mbetë pa u djegë dhe dy tri depo uzinash, përndryshe lagjet të cilat kanë qënë banuar nga shqiptarët të gjitha janë të rrenume. Gazetarja: I kërcënohet jeta? Një zotëri: Po atë kemi frike më së shumti. Shumica nuk janë të njofshëm direkt ose të lidhun drejt me ne por ata janë tanët, janë pejanë si na. Kemi frikë mund të ndodhë një e ligë e keqe./tvklan.al Gazetare : Ornela Bego