Па шляху 31-й духоўна-асветніцкай экспедыцыі “Дарога да святыняў”. Брэстчына. Дарога да святыняу скачать в хорошем качестве

Па шляху 31-й духоўна-асветніцкай экспедыцыі “Дарога да святыняў”. Брэстчына. Дарога да святыняу

Нас сустракае Брэстчына. Каравай прымае ўдзельнік экспедыцыі Анатоль Трафімчык - супрацоўнік Цэнтра даследаванняў беларускай мовы, культуры і літаратуры Нацыянальнай акадэміі навук. Тут, нечаканая сустрэча з яго былым вучнем - Юрый Генадзьевіч Бушык, загадчык аддзела ідэалагічнай работы і па справах моладзі Пінскага райвыканкама суправаджае нас у дарозе. Аўтобус мінае гістарычныя месцы баеў Першай сусветнай вайны. Благадатны Агонь сустракаюць у храме святога Мікалая вескі Галева. Гэта прадмесце Пінска і адсюль пачынаецца хрэсны ход. Больш за гадзіну натоўп крыжаходцаў, па жнівеньскай спякоце, рухаўся да храма Пятра і Фяўроніі, дзе нас вітаў настаяцель Аляксандр Сыцэвіч. Храм святых Пятра і Фяўроніі на ўскрайку лесу ў пінскім мікрарайоне Радужны прыхажане завуць “шатром”. Гэта вялізная скінія-палатка, ў якой сэрца замірае ад прыгажосці ікон, кветак, святла і добразычлівага благадатнага цяпла. Галоўны храм яшчэ будуецца, а на невялікім кавалачку зямлі рукатворнае райскае хараство. Для сем'яў з дзеткамі сапраўдная радасць для душы. Пляцоўка, на якой адбываецца сустрэча з пінчукамі - яшчэ адно дзіва - вялікая зала пад адкрытым небам, дзе праходзяць рэспубліканскія злёты праваслаўнай моладзі. Паэтычнае слова лаўрэта Дзяржаўнай прэміі Генадзя Пашкова. Ад гаспадароў вітае мужчынская група Архіерэйскага хору Пінскай епархіі. Надпіс над сцэнай з Евангелля ад Іаана : “Бог есть любовь, и пребывающий в любви, пребывает в Боге, и Бог в нём” - той запавет, па якім імкнецца жыць гэты прыход пад покрывам ахоўнікаў сям'і - Пятра і Фяўроніі. Пад вечар мы ў Іванаве. Частка экспедыцыі застаецца на сустрэчы, а наша мабільная група скіроўваецца ў Дастоева- мясціну, адкуль пайшоў род Дастаеўскіх. Тутэйшая школа носіць імя славутага пісьменніка. Нас сустракае Валянціна Уладзіміраўна Пацукевіч- захавальніца фондаў школьнага музея. Ля школы прыгажун Траецкі храм ў промнях заходзячага сонца…Ен збудаваны у памяць знішчанага храма Сімяона Стоўпніка. Пра гісторыю тутэйшай страчанай і адноўленай святыні расказвае настаяцель Траецкага храма Сяргей Шаляговіч. У школьным музеі шмат экспанатаў, звязаных з гісторыяй Дастоева. Штосьці знойдзена ў зямлі, іншыя скарбы хаваліся на гарышчах. У асобным пакоі трагічныя сведчанні Вялікай Айчыннай вайны. Валянціна Уладзіміраўна паказвае прабітую куляй салдацкую кніжку выпускніка школы Мікалая Якушыка, які загінуў у Афганістане. А было яму 20 гадоў. На школьнай сцяне - магутнае дрэва рода Дастаеўскіх. Есць тут карта расійскіх гарадоў, з якімі звязана жыццё пісьменніка - Пецярбург,Омск, Сяміпалацінск, Цвер, Табольск, Старая Руса, Зарайск, з ім Дастоева пабрацім. Дастоеўскую школу добра ведаюць у Расіі і вядуць перапіску. Захавальніцу музея -Валянціну Пацукевіч - запрашаюць на Дні Дастаеўскага ў Опцінай Пустыні. Не аднойчы пабывалі тут нашчадкі Дастаеўскага, пакінулі сямейныя рэліквіі. Нажаль, 4 верасня 2024 года пайшоў з жыцця праўнук пісьменніка Дзмітрый Андрэвіч. У напамін засталася яго кніга “Нота бэне майго жыцця” пра тое, што памятаў аб родзе і пра сябе.