စစ်ရှောင် မြစ်ကူးဆိပ်တွေ ဗုံးကြဲခံရမှု သေဆုံးသူ ဘယ်လောက် များသလဲ скачать в хорошем качестве

စစ်ရှောင် မြစ်ကူးဆိပ်တွေ ဗုံးကြဲခံရမှု သေဆုံးသူ ဘယ်လောက် များသလဲ

မန္တလေးတိုင်း၊ သပိတ်ကျင်း၊ စဉ့်ကူးနဲ့ မတ္တရာမြို့နယ်တွေကနေ ဧရာဝတီမြစ်ကို ဖြတ်ကူးကာ စစ်ကိုင်းတိုင်း ခင်ဦး၊ ရွှေဘိုနဲ့ ကန့်ဘလူနယ်ဘက် စစ်ဘေးရှောင်တဲ့ ပြည်သူတွေကို စစ်အုပ်စုက လိုက်လံ ဗုံးကြဲသတ်ဖြတ်နေပါတယ်။ ဒီဇင်ဘာ ၁၆ရက်နဲ့ ၁၇ ရက်က ခင်ဦးမြို့နယ်ဘက်ခြမ်းရှိ ဧရာဝတီ မြစ်ကူးဆိပ်တွေဖြစ်တဲ့ ကျောက်ကြီးနဲ့ ချောင်းသလဲ မြစ်ကူးဆိပ်တွေကို စစ်အုပ်စုက လေကြောင်း တိုက်ခိုက်ခဲ့ရာမှာ စစ်ဘေးတိမ်းရှောင်လာတဲ့ ပြည်သူတွေ အများအပြား သေကြေပျက်စီး၊ ဒဏ်ရာရခဲ့ပါတယ်။ တော်လှန်ရေးတပ်တွေ တစ်နှစ်ကျော်ကြာ သိမ်းပိုက်ထားတဲ့ မတ္တရာ၊ စဉ့်ကူးနဲ့ သပိတ်ကျင်း မြို့နယ်တွေကို ပြန်ရရေး စစ်အုပ်စုက လေကြောင်းအားကိုးနဲ့ ထိုးစစ်ဆင်နေတာ ဖြစ်ပြီး မြေပြင်စစ်ကြောင်းတွေ မရောက်မီ မြို့၊ရွာတွေကို လေကြောင်းဗုံးကြဲ၊ လက်နက်ကြီး ပစ်ခတ်တာကြောင့် ထောင်သောင်းချီတဲ့ ပြည်သူတွေဟာ ဘေးလွတ်ရာကို ထွက်ပြေးနေကြရပါတယ်။ စစ်အုပ်စုကတော့ အဲ့ဒီလို စစ်ဘေးရှောင်ထွက်ပြေးတဲ့ ပြည်သူတွေကိုပါ PDF အဖြစ် သတ်မှတ်ကာ လိုက်လံ ဗုံးကြဲ တိုက်ခိုက်နေတာ ဖြစ်ပြီး မတ္တရာ၊ စဉ့်ကူးနဲ့ သပိတ်ကျင်းနယ်က ပြည်သူတွေကို အဓိက ပစ်မှတ်ထားတဲ့ လေကြောင်းတိုက်ခိုက်မှုတွေကို လွန်ခဲ့တဲ့ ဇူလိုင်လက စတင်ကာ အရှိန်မြှင့် လုပ်ဆောင်နေတာ ဖြစ်ပါတယ်။ ဒီဇင်ဘာ ၁၆ရက်နဲ့ ၁၇ရက်က သပိတ်ကျင်းနယ်ကနေ ဧရာဝတီမြစ်ကို ဖြတ်ကူးကာ ခင်ဦးမြို့နယ်ဘက် စစ်ဘေးရှောင်တဲ့ ပြည်သူတွေကို စစ်အုပ်စုက တိုက်လေယာဉ်တွေနဲ့ အကြိမ်ရေ ဒါဇင်နဲ့ချီ လိုက်လံ ဗုံးကြဲခဲ့ပါတယ်။ ဧရာဝတီမြစ်ကို ဖြတ်ကူးနေတဲ့ ဇက်တွေ၊ မော်တော်တွေနဲ့ ရေယာဉ်တွေပေါ်က ပြည်သူတွေကို စစ်အုပ်စုက တိုက်လေယာဉ်နဲ့ ဗုံးကြဲရုံမက စက်သေနတ်နဲ့ပါ ပစ်ခတ်တာကြောင့် မြစ်အတွင်းနဲ့ မြစ်ဆိပ်တွေမှာ ပြည်သူ အများအပြား သေဆုံးသလို ဒဏ်ရာရသူလည်း အများအပြား ရှိတယ်လို့ ကိုယ်တိုင် ကြုံတွေ့ခဲ့ရသူတွေက MFP ကိုပြောပါတယ်။ အဲ့ဒီ ဗုံးကြဲတိုက်ခိုက်မှုတွေ ကိုယ်တိုင် ကြုံခဲ့ရပြီး အသက်ဘေးက လွတ်မြောက်လာသူတွေကို MFP က မေးမြန်း တင်ဆက်ထားပါတယ်။ MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ တယ်လီဂရမ်မှာလည်း ကြည့်နိုင်ပါတယ်။ #Mandalay_Free_Press_MFP #အညာ #စစ်ကိုင်း #မန္တလေး #မကွေး (Mandalay Free Press – MFP သည် လွတ်လပ်၍ အမှီအခို ကင်းသော သတင်းဌာနဖြစ်ပြီး မန္တလေးနှင့် စစ်ကိုင်းတိုင်း သတင်းများကို အထူးပြုတင်ဆက်လျှက် ရှိပါသည်။) Mandalay Free Press – MFP မှ တင်ဆက်သောသတင်းများကို ဖတ်ရှုနိုင်ရန် အောက်ဖော်ပြပါ Channel များကို Follow (သို့မဟုတ်) Subscribe လုပ်ထားနိုင်ပါသည်။ Facebook:   / mandalayfreepress   YouTube:    / @mandalayfreepressmfp   #MFP #MandalayFreePress #မန္တလေး #တော်လှန်သော #သပိတ် #မိခင်