መልክአ ውዳሴ ዘሠሉስ በግዕዝ ዜማ በመልአከ ሕይወት ፍሥሐ ድንበሩ скачать в хорошем качестве

መልክአ ውዳሴ ዘሠሉስ በግዕዝ ዜማ በመልአከ ሕይወት ፍሥሐ ድንበሩ

#amen_tube_አሜን_ቲዩብ # መልክአ_ውዳሴ_ዘሠሉስ#_በግዕዝ_ዜማ መልክአ ውዳሴ ዘሠሉስ በግዕዝ ዜማ አክሊለ ምክሕነ አንቲ እንተ ኃጣእኪ መምሰለ ዘወለድኪ ለነ ዘእግዚአብሔር ቃለ ማርያም ገነት ዘትፀዉሪ አስካለ ጊዜ ንዴትየ አጥረይኩኪብዕለ ወጊዜ ድካምየ ካዕበ ረሰይኩኪ ኃይለ፡፡ ዐብይ ዉእቱ ስብሐተ ድንግልናኪ ፪ኤ፤ እንዘ ዕብል እሴብሕ በቃለ ግናይ ወጽዋዔ፤ ማርያም ድንግል ማርያም ምክሐ ጉባዔ፤ ጊዜ ድቀትየ ሶበ ኃግዕኩ ረዳኤ፤ በቃለ ዚአኪ እሴፎ ትንሣኤ፡፡ አንቲ ዉእቱ ዕፀ ጥበብ ወልቡና፤ ሙሴ ነቢይ ዘርእየኪ በደብረ ሲና፤ ማርያም ዑጽፍት ወኁብርት በቅድስና፤ ሀብኒ እሙ ከመ ኢይርአይ ሙስና፤ መጽሐፈ ብርሃናዌ ወኅቡአ መና፡፡ አንቲ ዉእቱ ገራህተ ንጉሥ ሰማያዊ፤ ዘእምኔኪ ሠረቀ ሕያው ወማኅየዊ፤ ማርያም ድንግል ወለተ ይሁዳ ወሌዊ፤ በትንብልናኪ አንቀጸ ምንዳቤ ዕጽዊ፤ ወለምሕረትኪ አንቀጸ አርኅዊ፡፡ ተፈሥሒ ኦ ወላዲተ እግዚእ ኃሤቶሙ ለመላእክት፤ ተፈሥሒ ንጽሂት ዜና ነቢያት፤ ማርያም ስብሕት ማርያም ቡርክት፤ እምኅሩያንኪ ኢተሸፍልጥኒ ንግሥት፤ ወኢትኅድግኒ በሕይወት ወሞት፡፡ ተፈሥሒ ማርያም ዘተሰመይኪ ድልወ፤ ከመ ትለዲ ፀሐየ ወኮከበ ሰማይ ሥርግወ፤ ማርያም ድንግል አሠ ጥበኪ ጠበወ፤ እምከናፍርኪ ሀሊበ ሞገስ ተክዕወ፤ ላዕለ ሕጻንኪ ዘይምዕዝ አፈወ፡፡ ኦ ድንግል ከመ ትለዲ ንጉሠ፤ እም ኀበ እግዚአብሔር ልዑል እስመ ረከብኪ ሞገሰ፤ ማርያም ድንግል ዘትፌጽሚ ማኅሠሠ፤ ዝክረ ስምኪ ጸገዎሙ ለሕሙማን ፈዉሰ፤ ወለዕሩቃን ከደኖሙ ልብሰ፡፡ ቃለ አብ ሕያዉ ዉስተ ደብረ ሲና ዘወረደ፤ ሥጋኪ ንጹሀ አመ ረሰየ ማኅፈደ፤ ማርያም ድንግል ዘታቀልሊ ክበደ፤ ከመ ታጽድቂ ኃጥአነ ብኪ መፍቀደ፤ ወከመ ታጥብቢ ዘከማየ አብደ፡፡ ዉእቱኬ ቃለ አብ እግዚአብሔር፤ ሥጋኪ ተዓፀፈ በመንክር ምሥጢር፤ ማርያም ድንግል ወላዲተ ክርስቶስ ክቡር፤ ክዕወ ኮነ ወርቀ ስብሐት ከመ ኆፃ ዘባሕር፤ በጊዜ ፈለስኪ ሰማየ እምድር፡፡ ዕበይኪ ድንግል ኢይትከሃል ለተነግሮ፤ በነቢብ ወበፈክሮ፤ ማርያም ዘኮንኪ ለእግዚአብሔር ማኅደሮ፤ እምአእምሮትኪ ክፍልኒ አዕምሮ፤ ከመ ዓለም ኢይዴግን ፍቅሮ፡፡ ዘዉእቱ ዕብን ወልድኪ ዋሕድ፤ ዘተበትከ እምደብር ነዋኅ ዘእንበለ ዕድ፤ ማርያም ድንግል ዘሞገሰኪ ፍድፉድ፤ እምኲሉ ቀዳማዊ ወደኃራዊ ትዉልድ፤ ለዝክረ ስምኪ ይደሉ ሰጊድ፡፡ ኮንኪ አጽቀ ሕይወት ኦ እግዝእትነ፤ ርትዕት ሃይማኖቶሙ ለቅዱሳን አበዊነ፤ ማርያም ድንግል ዘትትዓጸፊ ብርሃነ፤ ነሲአ ነፍስነ አርጋኖነ ኲሎ ዘመነ፤ ለልደትኪ ታበውእ ቁርባነ፡፡ አንቲ እሙ ለዐብይ ብርሃን፤ ዘዉእቱ ቃል ዘኢይትረአይ ለዓይን፤ ማርያም ድንግል ተስፋ ቅቡፃን፤ ባርክኒ እግዝእትየ ከመ ለብሐዊ ምእመን፤ በከናፍርኪ ፍሱሐት እምወይን፡፡ ዓይ ልሳን ዘይክል ነቢበ፤ ውዳሴኪ ኲሎ ዘውስተ መጽሐፍ ተዘግበ፤ ማርያም ድንግል ዘታቀልሊ ዕፀበ፤ በየዋሃትኪ ተመሰልኪ ርግበ፤ በንጽህናኪ ድንግለ ጠባበ፡፡ ተፈሥሒ ማርያም እም ወአመት፤ እስመ ለዘውስተ ሕጽንኪ ይሴብሕዎ መላእክት፤ ማርያም ክብርት ማርያም ልዕልት፤ በየማነ ንጉሥ ዘትነብሪ ንግሥት፤ በእንቲአኪ ዘመረ ዳዊት፡፡