Қызылордалық акушер мыңнан аса сәбидің кіндік анасы скачать в хорошем качестве

Қызылордалық акушер мыңнан аса сәбидің кіндік анасы

Қызылордадағы перзентханада 40 жылдан бері жұмыс істейтін Қарлығаш Ибраева қазір мыңнан аса сәбидің кіндік анасы. Қазақ дәстүрінде абыройлы міндет болып бағаланатын "қызметке" тәжірибелі маманды жүкті әйелдер кейде арнайы шақырады. Өйткені акушердің қолы жеңіл. Әрі өмірін осы салаға арнаған әйелдің тағдыр жолы жұғысты болса екен деп ырымдайды. Қазақ халқында кіндік кесетін әйелді таңдаудың өзіне аса мән береді. Яғни текті, өмір жолы үлгілі адамның “кіндік шеше” болғанын қалайды. Ал перзентханада 40 жылдан бері акушер болып жұмыс істейтін Қарлығаш Ибраева талай келіншекті босандырған. Оның ішінде мыңнан аса сәбидің кіндік анасы атандым деп отыр. Тәжірибелі маман көбіне жүкті келіншектердің өзі ұсыныс жасайды дейді. ҚАРЛЫҒАШ ИБРАЕВА, "АНА МЕН БАЛА" перинаталды орталығының акушері: -Кейбіреулерімен туысқан сияқты болып араласып кеткенбіз. Қызылорда кішкентай ғой. Даже туысқанымыздан жақын болып кеткендері бар. Қонақ қылып шақырады, балалардың мектепке барғанында, тұсау кесерінде. Біздің жұмысымыздың ең қызығы сол деп ойлаймын. Бүгін де 58 жастағы акушер тағы бір келіншекті босандырып, шақалағының кіндігін кесті. Шекесі торсықтай ұлды дүниеге әкеліп, аман-есен бауырына басқан әйелдің қуанышында шек жоқ. АҚБӨПЕ ӨМІРЗАҚ, Қызылорда қаласының тұрғыны: Қарлығаш апайға көп рақмет. 11 жарымда келгенбіз, бір сағаттың ішінде аман-есен босандырып алды. Өте жеңіл болды. Кәсіби маман, өз ісінің маманы екеніне көзім жетті. Мен де балама кіндік шеше ретінде осы адамды таңдаймын. 62 тамырын идіріп, сәбиге жаңа өмір сыйлайтын нәзік жандарға күтім жасау, олардың босануына көмектесу жеңіл жұмыс емес дейді Қарлығаш Ибраева. Алайда қолы жеңіл маман өз қызметін жақсы көреді. Әрі осы саладан зейнеткерлікке шықсам деп армандайды. #Информбюро #31арна #БастыЖаңалықтар #Новости #31канал