Բանակցում ենք լուրջ ուժերի, նաև` Սամվել Կարապետյանի հետ. Զուրաբյան скачать в хорошем качестве

Բանակցում ենք լուրջ ուժերի, նաև` Սամվել Կարապետյանի հետ. Զուրաբյան

ՀԱՐԳԵԼԻ ՕԳՏԱՏԵՐ Հայաստանի հանրային ռադիոյում խոսքի ազատությունը չի սահմանափակվում և չի կարող սահմանափակվել նաև Հայ ազգային կոնգրեսի ներկայացուցիչների ու կառույցի փոխնախագահ Լևոն Զուրաբյանի պարագայում: Ասվածի վկայությունն է, որ հրավիրել էինք ընդդիմադիր գործչին՝ ներկայացնելու քաղաքական անցուդարձի վերաբերյալ իր դիրքորոշումները։ Չի եղել մտադրություն «ջնջելու» հարցազրույցը, քանի որ այդ դեպքում կհեռացվեին նաև անոնսային կտորները (reels): Այդուհանդերձ, մեր թողարկումներում չի կարող լինել վիրավորական խոսք որևէ մեկի հասցեին՝ իշխանական, թե ընդդիմադիր։ Հարցազրույցում մեկ խիստ անպարկեշտ բառ հեռացվել է մոնտաժի եղանակով: Խոսքը ՄԵԿ ԲԱՌԻ ՄԱՍԻՆ Է: Այդ որոշումն անձամբ ես եմ ընդունել: Այն, որ հարցազրույցի առաջին տարբերակում պահպանվել Է այդ խոսքը, մեր բացթողումն է, և հաղորդման հեղինակը ենթարկվել է կարգապահական խիստ տույժի։ Դիմում ենք բոլոր քաղաքական գործիչներին. Հանրային ռադիոյի առաքելությունն Է արտահայտվելու հնարավորություն ընձեռել բոլորիդ, բայց եթե վիրավորանք հնչի, առանց վարանելու կհեռացնենք, եթե, իհարկե, խոսքն ուղիղ, ասել Է թե, չվերահսկվող եթերի մասին չԷ: Մոտենում են ընտրությունները, որոնք ենթադրաբար դյուրին չեն լինի. թող բոլորը գան՝ ներառյալ ՀԱԿ ներկայացուցիչները: Եկեք խոսեք, միայն թե իրար ՄԻ՛ ՎԻՐԱՎՈՐԵՔ: Հանրային ռադիոն մեր ժողովրդինն Է. մեր ժողովուրդը վիրավորանքը մերժում Է: Հարգանքով՝ Արմեն Քոլոյան Հանրային ռադիոյի գործադիր տնօրեն