هل اتعبك الحنين للذكريات الاماكن والاصدقاء ؟! ما هو سبب الحنين الى الماضي ( النوستالجيا ) скачать в хорошем качестве

هل اتعبك الحنين للذكريات الاماكن والاصدقاء ؟! ما هو سبب الحنين الى الماضي ( النوستالجيا )

من فترة وقعت بايدي صورة لمدرستي الثانوية.. فجأة اخدني الحنين سرقني سرقة و للحظة انفصلت عن الواقع تقريبا ورجعت سنين لورا لمقعدي بالمدرسة..قضيت ساعتين وانا عم دور عصور اضافية او اي شي متعلق بهديك الفترة لغوص اكثر بهالحالة بصير معكون هيك اكيد هي هي النوستالجيا يلي معظمكم بيعرفها .. او الحنين الى الماضي بس ليش بصيبنا وايمتا وهل هو مفيد ام.. لا.. ما هي النوستالجيا ؟ مشاعر شوق لسنين مضت ..بتصير معنا لما نشوف صورة قديمة نشم ريحة عطر .. غنية قديمة .. لما نفوت عمكان معين .. الحنين الى الوطن في حال كنت مغترب. هاد الشوق حلو ومر بنفس الوقت.. حلو لأنه بيسمحلنا نستعيد افتراضيا لحظات حلوة من زمان مضى ..ومر لانو بخلينا ندرك أنو هالاوقات الحلوة لا يمكن انها ترجع. بس في حقيقة: الماضي يلي منحنلو ومنعتقد انه مثالي ورائع نستبعد منه اللحظات السلبية .. و ممكن تكون ايامنا الحالية اكثر استقرار وانجاز من هداك الزمن ومع هيك نشعر بالحنين الو .. بمعنى ان الحنين للماضي لا يرتبط بالضرورة بكون ما مضى كان جميلًا بالفعل. لذلك بالاوقات يلي بتشعر فيها بالفتور النفسي .. الفراغ العاطفي.. تلجا لالبومات الصور .. للمسلسلات الي كنت تشوفوها بشبابك المبكر ..تبحث في اليوتيوب عن اغاني التسعينات الثمانيات.. بالغربة بتصرو على خلق اجواء معينة في الاعياد.. كل هالشي حالة استدعاء واستحضار لزمن كنت تشعر بانه دافئ نسميه الزمن الجميل .. علمياً ما هو سبب النوستالجيا؟ النوستالجيا الية دفاعية في وجه الغربة الروحية بتصير معنا خلال فترات الانتقال من مرحلة لاخرى عمريا .. مكانيا.. خلال الحروب.. التقدم التكنولوجي كله ممكن يسبب حنين للماضي. غالبا النوستالجيا بتخلينا نحن للايام يلي مرَّينا فيها بالعمر بين 15 – 30 .. ليش هالفترة تحديدا لانو هالمرحلة فيها وهج عقلي ومرتبطة بسنين السعادة والانطلاق والتجارب المختلفة والادرينالين .. الاثارة اول حب او عمل و تحدي .. اول صداقة . يعني حتى لو عشنا ايام صعبة ..الذاكرة بتقنعنا أنها كانت أفضل سنين حياتنا.. ولكن لو عادت غالبا سنكرهها.. هل النوستاجيا جيدة ام سيئة : جيدة اذا اقتصرت على التامل في ذاك الزمن 1- بتخليك تحس بالرضا لانك عشت ايام حلوة حتى لو كنت تتوهم ذلك. 2- بتخليك تحن ترجع للعش القديم وتصون العشرة.. وما تطول الغيبة . 3- تمنحك وقت مستقطع للانفصال عن واقعك الثقيل . 4- تحميك من الشعور بالوحدة وغياب من يفهمك 5- الدراسات بتقول انو الاشخاص الميالين اكثر للحنين اقل انانية ..لانو عندهم تقدير اكبر للمشاركة لانو ذكرياتهم دائما جماعية. ايمتا بتصير النوستالجيا مؤذية؟؟؟ اذا تحولت الى محاولة لاحياء ذك الزمان لذلك لاحظو معي احساس الحنين حلو لانو بخليك تشعر بدفا هديك الايام وبصير مر لما بتصير تشعر انك مستحيل ترجعها وهون ممكن يصبك مغص وممكن تتطور الامور اكثروتصاب بما يعرف بالحنين المفرط الي ممكن يتسبب بانخفاض الأداء أو مشاكل التركيز أو الأرق أو الاكتئاب . ممكن يسبب الحنين الادمان عليه وتصير بحاجة الى جرعة الحنين يلي اعتدت عليها بس ما عم تلاقيها فيصبح كل شي يغرقك في حنين لا تعرف ملامحه و تدخل في حالة انا عندي حنين ما بعرف لمين ؟؟ اذا هاجمك الحنين خود وقتك واسمتع وتذكر ..ترحم عهديك الايام بس لا تعطيه وقتو لانو بتعبك انا ما بدي افسد عليك متعة حنينك الى الماضي لكن لا بد لك ان تعرف ان الأمور الي حصلت معك فيما مضى لا يمكن ان تتذكرها كلحظة وقوعها.