有一種成功叫鄧兆尊｜日薪四萬你使唔使得晒｜稱職嘅富二代｜邊個發明了返工｜後宮管理哲學｜日日等出糧｜冇乜嘢需要緊張｜每日瞓醒就有四萬蚊｜記得早啲瞓｜唔係晏左起身嗰日就洗唔晒 скачать в хорошем качестве

有一種成功叫鄧兆尊｜日薪四萬你使唔使得晒｜稱職嘅富二代｜邊個發明了返工｜後宮管理哲學｜日日等出糧｜冇乜嘢需要緊張｜每日瞓醒就有四萬蚊｜記得早啲瞓｜唔係晏左起身嗰日就洗唔晒

大家好，又係我宗旨仁。嗱各位朋友，就嚟過年嘞！ 我宗旨仁喺度同大家先拜個早年，祝大家馬年行個大運，平平安安。最緊要係乜？ 係身體健康之餘，最好就緊係日日都四萬咁口啦！ 講起四萬，好似我今日要講嘅呢位富二代主角咁，大家仲記唔記得嗰張圖？「鄧兆尊每日瞓醒就有四萬蚊洗」。 雖然佢事後澄清過話冇呢條個數，哈哈，定係唔止先？ 早前阿叻接受訪問時，被問到佢有錢啲定鄧兆尊有錢啲。即時煞有介事話：就算鄧兆尊真係咁有錢，都只係佢老豆叻，唔係佢叻，佢就靠自己咁話。你識唔識聽中文㗎。人哋問你哋邊個有錢啲喎。我真係聽到啲「酸」汁流晒出嚟。喂！阿叻哥，唔使咁肉緊喎，不停解畫自己幾有錢。之後，佢仲交帶啲後生仔唔好諗住發達，要勤力、要奮鬥。喂！你又搵笨實嘞？ 要勤力、要奮鬥，但唔好諗發達？ 我就話你份人真係on99食罐頭呀。你咪只係一隻靠黐嘅菠蘿雞，淨係識擦有錢佬鞋？以故林振強講得冇錯，有你嘅場合就一定變得業餘。有事你又聽唔到睇唔見，有冇乜分析能力？淨係識死淨把口。 其實大家想做鄧兆尊，唔係因為想懶，而係因為佢活出咗一種我哋呢啲凡夫俗子一直做唔到嘅「境界」。佢講過：「如果奮鬥係為咗變富有，咁我一出世已經贏咗到終點，噉點解仲要返工受氣？」 大家睇吓，呢句真係哲學到冇人有嘅說話。嗱嗱嗱，大把有錢佬係睇唔透㗎，有一億就要二億，十億就想廿億，但突然一日就咁bye咗。上唔上天堂就唔知，但就留低錢係銀行，仲要後人個個爭餐死。所以話，鄧兆尊真係富二代同二世祖嘅典範。 大家咪以為鄧兆尊一開始就係躺平始祖。想當初，娛樂新聞眼介紹鄧兆尊出場，瘦掹掹著住件鯊魚裝玩風帆：嘩！條友仔乜料？ 營養不良咁款都諗住入娛樂圈。可能佢諗住天生我材必有用呢個道理，最後都喺入咗 TVB，仲要演出咗好耐 皆大歡喜添。貴為新馬師曾個仔，入行嗰陣真係由低做起㗎。 我唔欣賞，真係好唔欣賞。佢喺片場一係做路人甲、一係硬滑稽做諧星、俾人笑又比人小。最虐心嘅一次係電影國產零零漆做個打靶仔，真係比人打靶嗰隻。仲傳比導演周星馳叫佢同梁思浩不停喊不停叫，玩足八個鐘。唉！咁又可必呢？不過，就係喺娛樂圈浸咗一排，令佢睇透咗好多嘢。冇錯，就係無論佢幾努力，佢發現人哋只會叫佢做「祥哥個仔」。 呢度帶出一個好哲學問題：係咪人唔返工就代表冇用？我哋自細被教育教育「勤力用功好學生」，但其實「返工」呢樣嘢，本質上係社會設計出嚟嘅騙局。佢俾咗一個「勤力返工你會變有錢」嘅希望你，令你心甘情願貢獻青春。但個事實係，入到職場，99.9%嘅人返工係為咗生存，而唔係生活。鄧兆尊最通透嘅地方係，佢發現自己根本唔需要呢份「希望」，所以佢決定做返個「稱職嘅富二代」。 講到鄧兆尊，又點可以唔講佢嗰啲女朋友？Carmen、Cherry 同埋依家嗰位陳小姐。 好多人喺網上鬧佢「物化女性」、「唔道德呀」。但老實講，嗱！男觀眾你哋問心講句：係真係覺得佢唔啱先？ 定只係又葡萄又妒忌？當然我宗旨仁唔係鼓吹呢種風氣。之但係，鄧兆尊最強嘅地方唔係佢有幾多錢，幾多女黐埋身，而係佢有乜符 fit 可以令三個女人同場出現都唔「開片」嗰吓好嘢吖嘛。 佢有自己一套嘅「後宮管理哲學」： 1. 唔結婚、唔生仔： 咁就冇爭產問題，大家地位平等。 2. 分配公平：一星期每人分兩晚，星期日就係「me time」。 3. 金錢透明：佢供養得起，亦俾到足夠嘅安全感。呢個相信大家都吹佢唔脹，亦掹佢唔長 佢成日形容自己係被動嗰個，係啲女人唔肯走咋。喂！呢句嘢聽落大家係咪想郁佢先，哈哈哈！但其實背後係一種極高嘅情緒價值。佢唔係要搵Model級嘅靚女，佢只係搵「相處得舒服」嘅人。呢種生活，其實真係好多男人心目中「唔敢講出口嘅夢想嚟」。唔玩地下情，唔偷食，光明正大一拖三，呢份坦蕩蕩，其實好過好多背妻偷食嘅偽君子。 睇樣，鄧兆尊絕對唔係「林峯」或者「陳冠希」嗰隻。佢以前瘦得嚟弱雞，依家叫發福咗但又有啲腫，外觀略帶小小頹廢， 甚至可以用「殘」嚟形容。但呢個就係佢最有魅力嘅地方：佢就係完全唔介意人點睇。 富二代要顧形象，出入著老西、揸靚車落夜場、飲紅酒識飲識食。呢啲係一般人對富二代印象。鄧兆尊就會去銅鑼灣食茶餐廳，著件背心踢拖出街。佢冇勉強自己要點做。 我敢講，佢係生活得好真實。佢知自己唔靚仔，所以唔扮型。喺個個都開Filter戴假面具嘅年代，佢嗰份：「我係咁㗎喇，吹咩」嘅堅持，其實係一種非常高級嘅自信。 最後，大家最關心嘅問題：就係佢究竟有幾多身家？ 想當初「鄧家爭產案」鬧到滿城風雨，祥哥留低嘅遺產，估計當時市值近六億。 但大家要記得，嗰個係90年代嘅六億！ 宜家鄧兆尊手上嘅資產包括： 永祥大廈嘅股份： 雖然當年賣咗一部分，但佢哋家族依然持有物業。 西貢地皮：祥哥當年留低唔少地，依家升咗幾多倍先？ 個人投資：鄧兆尊唔係敗家仔，佢話過自己有買基金、執下物業。 我好奇咁問吓Ai ，九十年代嘅銅鑼灣物業，到今日2026年，平均升幅大約三至五倍不等。我攞個中位數四倍嘞，即保守估計，佢嘅身家超過「廿億」。我就當你放銀行收息一厘，都有二千萬一年，即每日有五萬五蚊息喎，哈哈。咁，鄧兆尊每日瞓醒咪有四萬蚊？對佢嚟講真係堅嘅，哈哈。所以佢唔使返工係：啱嘅。 正所謂：日日等出糧，冇乜嘢需要緊張。歌都有得你唱啦！ 好喇，講咗咁耐，其實我想講係，鄧兆尊係一個好正面嘅「參考」。嗱，人生唔一定只有「努力向上」一條路。萬一你咁好彩屋企有咁好嘅資源留比你，唔好又要做地產大王，乜乜大亨嘞。喺唔傷害人、唔犯法嘅情況下，活得最開心、最真實，先係最難嘅學問。如果每日瞓醒就有四萬蚊，記得早啲瞓，唔係晏左起身嗰日就洗唔晒嘞 哈哈。以上嘅話題，笑吓就算，唔好咁認真。 新嘅一年，祝大家返工唔使太辛苦，得閑早啲瞓，發返個橫財夢。 #鄧兆尊 #富二代 #香港YouTuber #廣東話 #talkshow #香港娛樂 #棟篤笑 #陳百祥 #阿叻 #祥哥 #新馬師曾 #祥嫂 #爭產 #一拖三 #3C女友 #躺平 #財富自由 #被動收入 #身家 #返工 #奮鬥 #生存與生活 #人生哲學 #農曆新年 #馬年運程 #拜年 #發達 #橫財 #2026