මාධ්‍ය ආවර්ජනා/Media Memories පුරෝගාමී මාධ්‍යවේදිනිය සිබිල් වෙත්තසිංහ Sybil Wettasinghe Part 2 of 2 скачать в хорошем качестве

මාධ්‍ය ආවර්ජනා/Media Memories පුරෝගාමී මාධ්‍යවේදිනිය සිබිල් වෙත්තසිංහ Sybil Wettasinghe Part 2 of 2

#MediaHistoryLK #MediaMemoriesLK #SybilWettasinghe #MagicOfStorytelling සිබිල් වෙත්තසිංහ වඩාත් ප්‍රකට විශිෂ්ට ගණයේ ළමා කතා ලේඛිකාවක සහ චිත්‍ර ශිල්පිනියක හැටියට. අපූරු පරිකල්පනයකින් යුතුව ළමයින්ට කතා ලියන සහ ඒ පොත්වලට චිත්‍ර අඳින ‘සිබිල් නැන්දා’ පරම්පරා කිහිපයක ලාංකිකයන්ගේ ඉමහත් ආදරය සහ ගෞරවය දිනා ගෙන සිටිනවා. එහෙත් සිබිල් වෙත්තසිංහ ශ්‍රී ලංකාවේ ජනමාධ්‍ය ඉතිහාසයේ පුරෝගාමී චරිතයක් ද වනවා. සිංහල ජාතික පත්තරයක කර්තෘ මණ්ඩලයේ පූර්ණ කාලීන සේවයට බැඳුණු පළමුවන කාන්තාව ඇයයි. ටයිම්ස් ඔෆ් සිලෝන් සමාගම අලුතෙන් අරඹා තිබූ ලංකාදීප පත්තරයට 1948 වසරේ බැඳෙන විට ඇගේ වයස අවුරුදු 20යි. 1928 පානදුරේ ඉපිද, දකුණු පලාත ගින්තොට ගම්මානයේ ළමා කාලය ගත කළ සිබිල් ද සිල්වා දැරිය, වයස අටේදී කොළඹට ආවේ සිය දරුවන්ට හොඳ ඉංග්‍රීසි අධ්‍යාපනයක් ලබා දීමට ඇගේ දෙමව්පියන්ට උවමනා වූ නිසා. කුඩා කාලයේ පටන්ම චිත්‍ර අඳින්නත් කතන්දර ගොතන්නත් සිබිල්ට අසාමාන්‍ය කුසලතාවක් තිබුණා. සිබිල් ගෘහ නිර්මාණ ශිල්පිනියක් වනවා දකින්න මවට ආසාවක් තිබුණත්, සිබිල්ට ඕනෑ වුණේ පුවත්පතක වැඩ කරන්න. ඩී බී ධනපාල සූරීන් යටතේ පත්‍ර කලාවේ මූලික හරයන් ප්‍රගුණ කළ සිබිල්, එක් බසකට සීමා නොවී එම සමාගමේ Times of Ceylon පත්‍රයට ද චිත්‍ර ඇන්දා. ටයිම්ස් සමාගමේ චිත්‍ර ශිල්පිනියක් ලෙස ඇය තමන්ටම ආවේණික චිත්‍ර සම්ප්‍රදායක් ගොඩ නගා ගත්තා. මුල් වසර කිහිපයේ ඇයට බාර වුණේ පත්‍රයේ විවිධ ලිපිවලට චිත්‍ර නිර්මාණය කිරීම සහ ළමා පිටු සම්පාදනය කිරීමයි. 1953දී ලේක්හවුස් ආයතනයේ අලුතෙන් ඇරඹූ ‘ජනතා’ පත්‍රයට බැඳුණු සිබිල්, ඊළඟ වසර 20 තුළ එහි සිංහල සහ ඉංග්‍රීසි පුවත්පත් ගණනාවක සේවය කළා. ලේක්හවුස් ආයතනයේම පුවත්පත් කතුවර ධර්මපාල වෙත්තසිංහ සමග විවාහයෙන් පසු සිබිල් වෙත්තසිංහ ලෙස ප්‍රකට වූ ඇය, ළමයින් වෙනුවෙන් කතා ලිවීම ඇරඹුවේ ‘ජනතා’ පත්‍රයෙන්. චිත්‍ර ඇඳීමට අමතරව, ළමයින් වෙනුවෙන් අලුත් කතන්දර ලියන ලෙස යෝජනා කළේ ජනතා ආරම්භක කර්තෘ ඩෙන්සිල් පීරිස්. 1954දී ජනතා පත්‍රයේ පළ වූ ඇගේ මුල්ම ළමා කතාව ‘කුඩ හොරා’ නම් වුණා. එය පසුව ළමා කතා පොතක් ලෙස ද කෙරුණු අතර, ඉනික්බිති අපූරු ළමා කතා රාශියක් ඇය නිර්මාණය කළා. දුවන රැවුල, උඩ ගිය බබා, වෙසක් පහන, කිරි හාමි, කැවුම් යෝධයා ඇතුළු පොත් සිය ගණනක් ඒ අතර තිබෙනවා. ළමයින් වෙනුවෙන් කතා ලියන සෙසු ලේඛකයන්ට වඩා සිබිල් සුවිශේෂ වන්නේ ඇය ඒ කතාවවලට චිත්‍රද අඳින නිසායි. එසේ කිරීමේ කුසලතාවය ඇති ලේඛකයන් ඉතා දුර්ලභයි. 1960 දශකයේදී ‘සිළුමිණ’ පත්තරේ සූත්තර පුංචා නම් දඟකාර කොලු ගැටයාගේ චරිතය හඳුන්වා දුන්නා. සූත්තර පුංචා ඇතුළු ඇගේ බොහෝ කතාවල හාස්‍ය රසය මනාව ඉස්මතු කරනවා. එසේම ළමයින්ගේ ලෝකයට පිරිස ඔවුන්ගේ කෝණයෙන් ලෝකය දකින්නට සිබිල් සමත් වීම ඇගේ කතා අතිශයින් ජනප්‍රිය වීමට ප්‍රධාන හේතුවක්. හැබැයි ටික දෙනෙකුට සිබිල් ගේ නිර්මාණ දිරවගන්න බැරි වුණා. ළමා වියේ අහිංසක දඟකාරකම් ගැන සිබිල් ලියන කතාවලින් ‘ලංකාවේ දරුවන් නරක් වනවා’ යැයි 1960 දශකයේ වරෙක කොළඹ සරසවියේ ඇදුරන් කිහිප දෙනෙක් ලේක්හවුස් ආයතනයට පැමිණිලි කළා. ඒ ගැන ලේක්හවුස් පරිපාලකයන් පැවැත්වූ සාකච්ඡාවේදී සිබිල් සරසවි පණ්ඩිතයන්ගේ ඇහුවෙ එකම එක ප්‍රශ්නයයි: “ඔය මහත්තුරුන්ටත් ළමා කාලයක් තිබුණද?” පැමිණිල්ල එතනින් ඉවරයි! 1973 ලේක්හවුස් ආයතනය රජයට පවරා ගත් පසු වෙත්තසිංහ යුවළටම රැකියා අහිමි වුණා. ඉන්පසු සිබිල් පූර්ණකාලීනව ලේඛිකාවක සහ චිත්‍ර ශිල්පිනියක ලෙස අද දක්වාත් සක්‍රීයව සිටිනවා. 1980 දශකයේ ‘විජය’ ළමා පුවත්පතට නිදහස් මාධ්‍යවේදිනියක් ලෙස සම්බන්ධ වූ ඇය, පසුව උපාලි පුවත්පත් සමාගම කුඩා දරුවන් සඳහා ආරම්භ කළ ‘බිංදු’ පුවත්පතේ මුල්ම කතුවරිය ලෙසත් වසර තුනක් ක්‍රියා කළා. මාධ්‍ය ආවර්ජනා සාකච්ඡාවේ දෙවැනි කොටසෙන් සිබිල් වෙත්තසිංහ වෘත්තීය පත්‍ර කලා ජීවිතය ගැන මෙන්ම ඇය ස්වාධීන ලේඛිකාවක් ලෙස අඩ සියවසක පමණ කාලයක් නිර්මාණකරණයේ යෙදීම ගැනත් කතා කරනවා. ඇගේ පරිකල්පනයෙන් මතුව ආ ළමා කතා රාශියට අමතරව, ජාතීන් අතර සමගිය, ළමා අයිතිවාසිකම් සුරැකීම ආදී සමාජයීය වශයෙන් වැදගත් පණිවුඩ ළමයින් අතර ප්‍රවර්ධනය කරන්නට ළමා පොත් නිර්මාණය කළ හැටි ආවර්ජනය කරනවා. බෞද්ධයකු වන ඇය, ළමයින් සඳහා ලියැවුණු සිංහල බයිබලයට චිත්‍ර නිර්මාණය කළ හැටි ගැන ඇය සිහිපත් කරනවා. එමෙන්ම ඇගේ මුණුපුරා සමඟ එකතු වී මෑත කාලයේ ළමා කතන්දර නිර්මාණය කරපු හැටි ගැන ඉතා රසවත් අත්දැකීම් ඇය බෙදා ගන්නවා. වයස 92දී සිබිල් නැන්දා තවමත් දිනපතාම ලියනවා සහ අඳිනවා. මේ දිනවල ඇගේ දින චරියාව කොහොමද? අලුතෙන් කර ගෙන යන නිර්මාණ මොනවද? අද කාලේ ළමයි ලියන කතා සහ අඳින චිත්‍ර ගැන ඇය සිතන්නේ කුමක්ද? ළමයින්ට පොත් ලියන ලේඛකයන්ට ඇගේ අවවාද මොනවාද? මෙවැනි ප්‍රශ්න රාශියක් සාකච්ඡාවේ අගට අප ඇයගෙන් විමසනවා. සිබිල් වෙත්තසිංහ ජීවිත කාලය පුරා ලැබූ දෙස් විදෙස් සම්මාන සහ යන්න ගැනත් අපි ටිකක් කතා කරනවා. සිබිල් ගේ කතා පොත් ජපානයේ දරුවන් අතර මේ තරම් ජනප්‍රිය ඇයි? සිබිල් ගේ පොත් මිලට ගන්නට ඇත්තේ කොහේද? සිබිල් වෙත්තසිංහ සමඟ නාලක ගුණවර්ධන කරන මෙම සංවාදයේ මුල් කොටසින් ඇගේ ළමා කාලය සහ පාසල් කාලය ගැන මතකයන් හසු කරගත්තා එය මෙතනින් නරඹන්න:    • මාධ්‍ය ආවර්ජනා/Media Memories: ළමා ලේඛිකාව...