karmala विधानपरिषद सभापती प्रा. राम शिंदे यांच्याकडून जुन्या आठवणींना उजाळा скачать в хорошем качестве

karmala विधानपरिषद सभापती प्रा. राम शिंदे यांच्याकडून जुन्या आठवणींना उजाळा

#karmala #ram_shinde #karjat #jamkhed #vidhanparishad #sabhapati #pothare पोथरेतील सन्मान आठवणीत राहणारा: प्रा. राम शिंदे --- करमाळा - पोथरे हे मामाचे गाव आहे. बालपणी तीन वर्षे येथील प्राथमिक शाळेत होतो. पाच वर्षे इथे राहिलो आहे. या गावाने माझ्या जीवनाला चांगली दिशा दिली. आज ४५ वर्षानंतरही येथील अनेक आठवणी सोबत आहेत. येथे झालेला सन्मान ऊर्जा देणारा तसेच आठवणीत राहणारा आहे. असे मत विधान परिषदेचे सभापती प्रा. राम शिंदे यांनी व्यक्त केले. करमाळा तालुक्यातील पोथरे येथे महाराष्ट्र विधानपरिषदेच्या सभापतीपदी निवड झाल्याबद्दल प्रा. शिंदे यांच्या सन्मानाचे आयोजन करण्यात आले होते. त्यावेळी ते बोलत होते. याप्रसंगी आ. नारायण पाटील, गटविकास अधिकारी डॉ. अमित कदम, पोलिस निरीक्षक विनोद घुगे, ऍड. राहुल सावंत, सरपंच अंकुश शिंदे, पोलिस पाटील संदीप शिंदे-पाटील, भाजपचे जिल्हा सरचिटणीस गणेश चिवटे, विठ्ठल शिंदे, शशिकांत पवार, नितीन झिंजाडे आदि उपस्थित होते. प्रा. शिंदे यांचे पोथरे हे आजोळ असून ते लहानपणी पोथरे या गावी वास्तव्यास होते. त्यांचे प्राथमिक शिक्षण पोथरे जिल्हा परिषद प्राथमिक शाळेत झाले आहे. या पार्श्वभूमीवर पोथरे ग्रामपंचायत, जिल्हा परिषद प्राथमिक शाळा आणि ग्रामस्थांच्या वतीने प्रा. शिंदे यांचा सन्मान करण्यात आला. यावेळी पोथरेकरांच्या वतीने विविध क्षेत्रात उल्लेखनीय योगदान देणाऱ्या मूळ पोथरे येथील असणाऱ्या व्यक्तींना प्रा. शिंदे यांच्या हस्ते पुरस्कार देवून सन्मानीत करण्यात आले. त्यामध्ये पत्रकार किशोरकुमार शिंदे यांना पत्रकारीता रत्न पुरस्कार देवून गौरविण्यात आले. याशिवाय भाऊसाहेब झिंजाडे (कृषि रत्न), आकाश ठोंबरे (शिक्षण रत्न), प्रमोद झिंजाडे (समाजसेवा रत्न), सुधीर झिंजाडे (उद्योग रत्न), हरिभाऊ हिरडे (साहित्य : काव्यरत्न), उषा आढाव (स्वावलंबी महिला रत्न), गौतम शिंदे (क्रीडा रत्न) यांना गौरविण्यात आले. प्रा. शिंदे पोथरेत आल्यानंतर सुरुवातीला त्यांनी शनी मंदिरात जावून दर्शन घेतले. यावेळी आ. पाटील त्यांच्यासोबत होते. पुढे बोलताना प्रा. शिंदे यांनी, येथील शनी मंदिर परिसर विकासासाठी स्वतः लक्ष घालीन. रिटेवाडी उपसा सिंचन योजना मार्गी लावण्यासाठी ठोस प्रयत्न करीन. आपल्या दालनात त्या संदर्भात बैठक लावू. असे सांगत स्थानिक विकास, ग्रामविकास योजना आणि जनकल्याण या विषयांवर ग्रामस्थांसोबत संवाद साधला. यावेळी आ. पाटील यांनी मनोगत व्यक्त केले. कार्यक्रमाचे सूत्रसंचलन शिक्षक हरिश कडू यांनी केले. प्रास्ताविक सरपंच अंकुश शिंदे यांनी केले. तर आभार नितीन झिंजाडे यांनी मानले. यावेळी रामभाऊ ढाणे, नितीन झिंजाडे, डॉ.मुरूमकर, अंगद देवकते, काका सरडे, बाळासाहेब कुंभार, हरिभाऊ झिंजाडे, भाऊसाहेब खरात, हरिष कडू, प्रमोद झिंजाडे, अक्षय ठोंबरे, हरिभाऊ हिरडे, सचिन खटके, बबनराव कडू, बिभीषण खरात, यांच्यासह पोथरे, निलज, माळवाडी, ढेकळेवाडी, घारगाववस्ती तसेच परिसरातील ग्रामस्थ मोठ्या संख्येने उपस्थित होते.