Videoreportaj: Do‘stlik tumanining Navro‘z mahallasida obodonlashtirish ishlari jadal davom etmoqda скачать в хорошем качестве

Videoreportaj: Do‘stlik tumanining Navro‘z mahallasida obodonlashtirish ishlari jadal davom etmoqda

Do‘stlik tumanining Navro‘z mahalla fuqarolar yig‘inida aholi uchun munosib turmush sharoitlarini yaratish, infratuzilmani yaxshilash hamda hudud qiyofasini zamonaviylashtirishga qaratilgan keng ko‘lamli ishlar amalga oshirilmoqda. Mahalladagi ichki ko‘chalarni ta’mirlash aholi murojaatlarida ko‘p bor ko‘tarilgan masalalardan biri edi. Shu bois joriy yil rejasiga muvofiq, jami 6,1 kilometr ichki ko‘chani shag‘allashtirish belgilangan. Ayni paytda 2 kilometr masofadagi yo‘llarga shag‘al to‘kilib, maxsus texnikalar yordamida tekislash ishlari olib borilmoqda. Qolgan hududlarda ham ishlar bosqichma-bosqich davom ettiriladi. Ushbu tadbirlar transport harakatini yengillashtirish, yomg‘irli va qorli mavsumlarda yuzaga keladigan qiyinchiliklarni bartaraf etishga xizmat qiladi. Shuningdek, tez tibbiy yordam va boshqa xizmatlarning mahallaga bemalol kirib borishi uchun qulay sharoit yaratilmoqda. Mahalla faollari va aholi vakillari ham obodonlashtirish ishlarida faol ishtirok etmoqda. Bu esa hududda yanada ozoda, qulay va xavfsiz muhit shakllantirishga zamin yaratmoqda. 📹 Batafsil videolavhada tomosha qiling.