വിശുദ്ധ സെബസ്ത്യാനോസ് സഹദായുടെ 526-ആം തിരുനാൾ ദിവ്യബലി скачать в хорошем качестве

വിശുദ്ധ സെബസ്ത്യാനോസ് സഹദായുടെ 526-ആം തിരുനാൾ ദിവ്യബലി

വലപ്പാട് സെയ്ന്റ് സെബാസ്ററ്യൻസ് ദൈവാലയത്തിൽ വിശുദ്ധ സെബാസ്ത്യാനോസ് സഹദായുടെ 526-ാം അമ്പ് തിരുനാൾ സാഘോഷം കൊണ്ടാടി. 2026 ജനുവരി 30 വെള്ളിയാഴ്ച വൈകീട്ട് 6:40-ന് ഇടവകയിലെ കുടുംബകൂട്ടായ്മകളുടെ നേതൃത്വത്തിലുള്ള പകലമ്പുകൾ ദൈവാലയത്തിൽ പ്രവേശിച്ചു സമാപിച്ചു. 6:45-ന് ഇടവക വികാരി റവ. ഫാ. ജെൻസ് തട്ടിലിന്റെ കാർമ്മികത്വത്തിലുള്ള വേസ്പര ശുശ്രൂഷക്ക് ശേഷം തിരുസ്വരൂപങ്ങൾ എഴുന്നള്ളിച്ചു. രാത്രി 10:30-ന് കുടുംബകൂട്ടായ്മകളുടെ നേതൃത്വത്തിലുള്ള രാത്രി അമ്പ് ദൈവാലയത്തിൽ പ്രവേശിച്ചു സമാപിച്ചു. 31 ശനി രാവിലെ 10:30-നുള്ള ആഘോഷമായ തിരുനാൾ ദിവ്യബലിക്ക് റവ. ഫാ. രാജു അക്കര - ഡയറക്ടർ, സെയ്ൻറ് ജോസഫ് ഹോം പുല്ലഴി - മുഖ്യ കാർമികത്വം വഹിച്ചു. കത്തോലിക്കാ സഭ മാസിക ഡയറക്ടർ റവ. ഫാ. ബിൽജു വാഴപ്പിള്ളി തിരുനാൾ സന്ദേശം നൽകി. ഇടവക വികാരി റവ. ഫാ. ജെൻസ് തട്ടിൽ സഹകാർമ്മികനായിരുന്നു. തുടർന്ന് ക്ഷണിക്കപ്പെട്ട അഥിതികൾക്ക് സ്നേഹവിരുന്ന് നൽകി. വൈകീട്ട് 5:30-ന് തിരുനാൾ പ്രദക്ഷിണം ദൈവാലയ അങ്കണത്തിൽ നിന്നും ആരംഭിച്ച് രാത്രി 7 മണിയോടെ ദൈവാലയത്തിൽ പ്രവേശിച്ചു സമാപിച്ചു. AD 1498-ൽ പോർച്ചുഗീസുകാർ വഴി വലപ്പാട് എന്ന് ഇന്ന് അറിയപ്പെടുന്ന ഇടവകയിൽ ആകസ്മികമായി എത്തിച്ചേർന്നെന്ന് വിശ്വസിക്കപ്പെടുന്ന ഫ്രാൻ‌സിൽ നിർമ്മിച്ചതെന്ന് കരുതപ്പെടുന്ന വിശുദ്ധ സെബാസത്യാനോസിന്റെ തിരുസ്വരൂപമാണ് ഒരു ദശാബ്ദത്തിനു ശേഷം വലപ്പാട് ഇടവകയുടെ 525-ാം ജൂബിലി സമാപന വേളയിലുള്ള ഈ വർഷത്തെ 526-ാം അമ്പ് തിരുനാൾ പ്രദക്ഷിണത്തിന് എഴുന്നള്ളിച്ചത്. വികാരിയച്ചൻ റവ. ഫാ. ജെൻസ് തട്ടിലിന്റെ ആശീർവാദത്തോടെ കൈക്കാരന്മാരായ ജോൺ എ. എൻ. പി. ,ജിജോ ജോസ്, ഡെൻസൻ ഫ്രാൻസിസ്, തിരുനാൾ ജനറൽ കൺവീനർ ഷിജോ പുത്തൂർ, ജോയിൻറ് ജനറൽ കൺവീനർമാരായ ആൻറണി എ. എ., ഡൽഫി ജോയ്, ഇടവക പി.ആർ.ഒ. ജോസഫ് റാഫേൽ വിവിധ കമ്മിറ്റി കൺവീനർമാരായ സെബി ജോർജ്, ജോസ് ആലപ്പാട്ട്, പോൾ ചാലിശ്ശേരി, ജെയ്സ് കെ. ടി., വിൻസെന്റ് പല്ലിശ്ശേരി, ജെയിംസ് ചിറയത്ത്, ഷാജി ചാലിശ്ശേരി, ഫെന്നി ഫ്രാൻസിസ്, സിബി ഡേവിസ്, ഡേവിസ് വാഴപ്പള്ളി, നെൽസൺ എലുവത്തിങ്കൽ, സിജോ ഡേവിസ്, ക്ലിൻസ് പോൾസൺ, വിനീത് വിൻസൻറ് എന്നിവരുടെ നേതൃത്വത്തിലാണ് തിരുനാൾ ആഘോഷങ്ങൾ ഏകോപിപ്പിച്ചത്.