Bongbong Marcos at Leni Robredo, magkikita скачать в хорошем качестве

Bongbong Marcos at Leni Robredo, magkikita

Nakatakdang magpulong sina Pangulong Bongbong Marcos at Naga City Mayor Leni Robredo sa Sabado, February 21, 2026. Kinumpirma ni Presidential Communications Undersecretary Claire Castro na bibisita ang Pangulo sa balwarte ni Robredo para umano pag-usapan ang “Oplan Kontra Baha” program sa lungsod. “Busy po ngayon ang kawani ng DPWH para linisin ang mga kanal, estero at ang ilog sa Naga City. ‘Yan po ang bibisitahin ng ating Pangulo, totoo po na bibisita po siya at makakasama niya po ang Mayor Leni Robredo ng Naga City,” saad niya sa press briefing nitong Huwebes, February 19, 2026. Nang tanungin kung posible bang maging magka-alyado sina Robredo at Marcos kasunod ang pagdeklara ni VP Sara Duterte na tatakbo siya sa pagka-pangulo, hindi pa raw ito natatalakay ayon kay Castro. “Wala po kasi talagang napag-uusapan tungkol sa pangangampanya o kung sinuman ang magiging kandidato sa 2028,” dagdag niya. Matatandaang dalawang beses naging magkatunggali sina Marcos at Robredo para sa dalawang pinakamataas na posisyon sa bansa. Una, bilang bise presidente noong 2016, kung saan nanalo si Leni. At sa ikalawang beses, sa pagkapangulo nitong 2022, kung saan naluklok si Marcos sa pwesto.