Ürək xəstəliyi yaradan 6 səbəb скачать в хорошем качестве

Ürək xəstəliyi yaradan 6 səbəb

Kanalımızda sizlərə faydalı olacaq reseptlər, tibbdə baş verən yeniliklər, bir çox xəstəliklərin yaranma səbəbi və onların müalicə üsulları ilə gündəlik olaraq paylaşılan videolarda tanış ola bilərsiniz. Diqqət! Bu məlumat sizə informasiya məqsədi ilə verilir! Videoda göstərilən texnikaları, ənənəvi müalicəçilərin təcrübəsi, həmçinin qidaların toplanması və s. həkimlə məsləhətlətləşdikdən sonra tətbiq edin. Bu videoda göstərilən bütün təcrübələr, məsləhətlər, reseptləri, özünüzün şəxsi iradəsi altında öz üzərinizdə tətbiq olunur və məsuliyyəti tam sizə aiddir. Təklif və iradınızı, eləcə də reklam yerləşdirmək üçün bizə yazın. #baxbele #baxbelə --- Siqaret, piylənmə və hərəkətsizliyin ürək xəstəliyinə səbəb olması məlumdur. Lakin buna gətirib çıxaran başqa səbəblər də ola bilər. Ümumdünya Səhiyyə Təşkilatının (WHO) məlumatına görə, ürək-damar xəstəlikləri dünyada ölümlə nəticələnən xəstəliklər arasında birinci yerdədir. Bu xəstəliyin geniş məlum olan səbəblərilə yanaşı, az məlum olanları da var. 1. Dişlərin sapla təmizlənməməsi Dişlərimizlə ürəyimiz arasında əlaqə düşündüyümüzdən daha sıxdır. Keçirilmiş bir neçə araşdırmanın nəticələrinə əsasən, ağzından pis qoxu gələn insanlar arasında ürək-damar xəstələklərinin faizi daha yüksək olur. Damağın qanaması və ya iltihabı ağızdakı bakteriyalara qana keçmək imkanı verir. Həmin bakteriyalar damarlarda piy ərplərinin əmələ gəlməsinə və damarların iltihabına gətirib çıxarır. İltihab son nəticədə ürəktutmaya və ya insulta səbəb olur. Çıxış yolu? Dişləri sapla vaxtaşırı təmizləmək və diş həkiminə vaxtı-vaxtında baş çəkmək. 2. Rəisinizə nifrət Bu, zarafat deyil - rəisinizə nifrət etmək ürək damarlarınızın sağlamlığını təsirləndirə bilər. 10 il ərzində İsveçdə aparılmış və nəticələri Britaniya Tibbi Jurnalında dərc olunmuş tədqiqata əsasən, işdə rəhbərliklə gərgin münasibətlər ürək xəstəliklərinin yaranması riskini 40 faiz artırmış olur. "İşlə əlaqədar yaranan stres ürəktutmaya səbəb ola bilər", - ABŞ, Orlando-da yerləşən Ürək Sağlamlığı İnstitutunun kardioloqu Vijay Kumar deyir. 3. Travmatik hadisə Ailədə kiminsə vəfat etməsi kimi qəfil travmatik hadisə sözün əsil mənasında ürəyinizi qıra bilər. ABŞ həkimlərinə görə, üç və ya daha çox travmatik hadisələrlə üzləşən qadınların qan damarları belə hadisələrlə üzləşməyən qadınlarla müqayisədə daha pis işləyir. Kardioloq Jackie Eubany deyir ki, stres insanda adrenalinin qana ifrazını kəskin artırır. Bu isə ürəkdöyünmələrini və qan təzyiqini qaldırır. 4. Tənhalıq hissi Britaniya Tibbi Jurnalında dərc olunmuş digər bir tədqiqatın nəticələrinə əsasən, dost-tanışı daha az olan insanlarda ürək xəstəliyinin yaranması riski 29 faiz, ürəktutma riski isə 32 faiz daha artıq olur. Oxford Universiteti tərəfindən keçirilmiş və 2014-cü ildə dərc olunmuş tədiqatın nəticələrinə əsasən, tənha qadınlarla müqayisədə partnyorla yaşayan qadınların ürək xəstəliyindən ölmək riski 28 faiz aşağıdır. 700.000 qadının iştirak etdiyi həmin tədqiqat 8 il ərzində aparılıb. 5. Depressiya Amerika Ürək Assosiasiyasının bildirdiyinə görə, ABŞ-da ürək xəstəliklərinə tutulanların 33 faizi depressiyadan da əziyyət çəkənlərə aid edilə bilərlər. New York-dakı Qadın Sağlamlığı Mərkəzinin tibbi direktoru Nieca Goldberg qeyd edir ki, depressiyada olan insan üçün sağlam pəhriz tutmaq və ya spirtli içkiləri məhdudlaşdırmaq çətin bir məsələyə çevrilə bilər. "Depressiyada olan insan, ilk növbədə, özünü rahatlamağın yolunu axtarır. Həmin yolun sağlam olub-olmaması onu az düşündürür", - həkim izah edir. 6. Menopauza Qadınlarda menopauzadan sonra əmələ gələn hormonal dəyişikliklər ürək-damar sisteminə təsir edə bilər Menopauzadan sonrakı illərdə qadınlarda ürək xəstəliyinə tutulma ehtimalı daha yüksək olur. Bu, onların orqanizmində estrogen hormonun azalması ilə əlaqəli ola bilər. Güman olunduğuna görə, estrogen damarların daxili divarlarına müsbət təsir göstərərək onların elastikliyini təmin edir. Kardioloq Jackie Eubany qeyd edir ki, yaşlanma qan damarlarını sərtləşdirir, bu isə nəticədə, qan təzyiqinin artmasına gətirib çıxarır. Lakin yaxşı pəhriz və mütəmadi idman onun təsirlərini azalda bilər.