排灣族語聖經katjecaquanan a kai箴言1章20-33節1120731(一) скачать в хорошем качестве

排灣族語聖經katjecaquanan a kai箴言1章20-33節1120731(一)

1120731(一) katjecaquanan a kai箴言1章20-33節 別像愚蠢的人 20.Langda-u, azua ti puvarungan tjarautjautjaw (qarauqauqaw) a djemaladjalan, 21.tjemautjautjaw (qarauqauqaw) a pasiqaca i cacavalj. katua i kakaqepuan nua taqaljaqaljan a mayatucu: 22. Timun a mangulju a caucau, uri patje nungida a nu nguljuan? Uri patje nungida a nu sisan nekan tua caquan? Uri namayatucu mun a inika napulingalingaw? 23. Langda-u tusa ku sinipakipapaulingaw; uri temulu aken tjanumun, sa ku pasemalavi mun tua ku kinljang. 24 .Pai tjemautjautjaw (qarauqauqaw) aken, ljakua inika mun a kilangda; djemaudjaulj aken, ljakua inika mun a semumavan. 25. Inika nu sinan anema a ku pazazekati a penuljat; inika mun a tjenglai a ku tuluan. 26-27Manasika nu djaljunen mun nua siselapai, uri ku sikapedjeli mun; nu secevung mun tua kapaula, a maru nareminkutj a raljiz a paselapai tjanumun, sa nu ka selapai aravac, ki ku nu sikapedjeli. 28. Pai nu tuazua ki mun a qarauqaw anga a kiqaung tjanuaken, ljakua inika ken a uri semumavan tjanumun; uri kipakim mun tjanuaken, ljakua inika mun a uri makadjumak. 29.Timun namasengac mun sakamaya tua caquan; inika mun a napaqaljai uta tua MALAILAING. 30. Inika mun a naseman pazangal tua ku pakipapaulingaw, naseman neka tua ku sinitulu. 31. Manasika, uri gemaugaw mun tua vangalj nua nu kinudan, sa nu kipaula a masa nu kinudan. 32. A malucuq a caucau macai a masa suqelaman tua caquan. A mangulju a caucau maqulip a masa kinipatjinguaqan. 33.Ljakua a caucau a nakilaing tjanuaken tjara nasuljivatj; tjara namasasa, saka neka nuri kinarekutjan."