Пекин олимпиадасының жүлдегері әкімдік уәде еткен пәтерді ала алмай жүр скачать в хорошем качестве

Пекин олимпиадасының жүлдегері әкімдік уәде еткен пәтерді ала алмай жүр

Белгілі боксшы Еркебұлан Шынәлиев біздің редакцияға осындай бейнеүндеуін жолдады. Ол Олимпиада ойындарынан кейін Шымкент қаласының билігі уәде еткен пәтерді 15 жылдан бері ала алмай жүргенін, ендігі кезекте өзіне тиесілі баспананы бермесе құзырлы органдарға шағымданатынын айтады. Ал, әкімдіктегілер болса спортшыға пәтер сыйлауға уәде бермедік деп отыр. Бұл қазақтың былғары қолғап шебері Еркебұлан Шынәлиевтің Бейжіңдегі олимпиада ойындарындағы жұлдызды сәті. Төрт жылда бір өтетін жарыста қола медаль алған спортшы елге оралған соң, атқамінерлер қомақты қаржылай сыйлықтарын табыстап, тіпті пәтер кілтін берген. Сол кезде болашақ баспанасының қайда орналасқанын да көрсетіпті. Тек құрылыс жұмыстары аяқталған соң «Нұр сәт» мөлтек ауданындағы үйіңізге кіре аласыз деп, кейін өз сөздерінен айнып қалғандарын айтады. ЕРКЕБҰЛАН ШЫНӘЛИЕВ, Пекин олимпиадасының қола жүлдегері: – Сөйтіп сәл документ тура болма жатыр екен құрылыстың деді. Күтіп жүрдік. Кейін в общем 1 жарым миллион теңге ме осыған пәтер аласың деп құтылды ғой. Әкімшілік. Ол кезде ОҚО қарайтын Шымкент қаласының әкімі Арман Жетпісбаев деген жігіт еді. Қазір басында баспанасы жоқ спортшы алты жылдан бері жұмыссыз отыр екен. Қайда жұмыс сұрап барсам да, кезінде айқара ашылған есіктердің бәрі алдымнан тарс жабылған дейді. Ал қалалық спорт басқармасы Еркебұланмен үнемі байланыста екенін, жұмысқа орналастыру жағын қарастыратынын хабарлады. Бірақ әкімшілік спортшының бас қайғыға айналған баспанасын алып бере алмайтынын деп кесіп айтты. БАУЫРЖАН ТҰМАНБАЕВ, Шымкент қаласы дене шынықтыру және спорт басқармасының басшысы: – Елдің көзінше берілді деген ешқай жерде әңгіме жоқ. Мен ол Еркебұланның өзімен де сөйлестім. Ондай әңгіме болмаған. Үй берді деген. Үй береміз деп айтқан. Оның кім айтқанын. Ол демеушілер тарапынан ба? Ол жағын мен білмедім. Ал мәдениет және спорт министрлігі өкілдерінің айтуынша, Олимпиада жеңімпаздары мен жүлдегерлеріне пәтер беру туралы заң былтыр ғана бекітілген. Сондықтан 15 жыл бұрын болған жағдайдың өтірік-шынын ажырату қиын дейді. Бірақ жаттықтырушылық жұмыспен айналысуға ешкім кедергі емес деп отыр. АЙГҮЛ БЕКТЕНОВА, ҚР Мәдениет және спорт министрлігінің комитет төрағасының орынбасары: – Көптеген елдерде біздегідей жағдай жасамайды. Онда бала кезінде мемлекет есебінен дайындығына қаржы бөлінгендіктен біздікі сияқты жүлде қорын да бермейді. Ол бізде және СНГ елдерінде ғана бар. Тіпті, 20 жыл стаж болса өмір бойына жалақы алады бізде. Ал спорт сарапшысы Бек Төлеуов бұл осы саланың былыққа батып тұрғанын білдіреді дейді. Айтуынша, он жыл бұрын Бақыт Сәрсекбаев, 5 жыл бұрын ауыр атлет Айдар Қазов та тиесілі жүлделерін ала алмай сергелдеңге түскен. БЕК ТӨЛЕУОВ, спорт сарапшысы: – Пекин Олимпиадасы 2008 жылғы осындай шулар көп те. Бақыт Сәрсекпаев та алтын алған. Екі боксшымыз осы. Бақыттың да үйі осындай шумен аяқталғанын жақсы білесіз. + Қазақстанда ондай ол құйтырқылық, әккілік жаңалық емес. Өйткені жемқорлық, алдау, арбау кездеседі қай салада болсын. Сондай-ақ, спорт сарапшысы мемлекет спорттан кеткен азаматтарды өмір бойына қамқорлығына алуға міндетті емес. Өйткені олар карьерасын аяқтағанымен, жаттықтырушылық қызмет атқаруға не болмаса, басқа салада ел қатарлы еңбек етуіне әбден болады деген пікірде. Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал