លោក គីម ជុនអ៊ុន បន្តក្តាប់អំណាច និង ពង្រឹងកម្មវិធីនុយក្លេអ៊ែរ • RFI ខេមរភាសា / RFI Khmer скачать в хорошем качестве

លោក គីម ជុនអ៊ុន បន្តក្តាប់អំណាច និង ពង្រឹងកម្មវិធីនុយក្លេអ៊ែរ • RFI ខេមរភាសា / RFI Khmer

ដោយគ្មានមានការភ្ញាក់ផ្អើល លោក គីម ជុងអ៊ុន ត្រូវជ្រើសតាំងសារជាថ្មី ដោយឯកច្ឆន្ទ ឱ្យបន្តកាន់តំណែងជាប្រមុខដឹកនាំកំពូលនៅកូរ៉េខាងជើង​ នៅក្នុងឱកាសមហាសន្និបាតបក្ស កាលពីថ្ងៃ អាទិត្យ ទី ២២ ខែ កុម្ភៈ ឆ្នាំ ២០២៦ ។ ការបោះឆ្នោតថ្មីនេះ បញ្ជាក់ឱ្យឃើញកាន់តែច្បាស់ថែមទៀត អំពីការក្ដោបក្ដាប់អំណាចទាំងស្រុងរបស់បុរសផ្តាច់ការរូបនេះ ដែលពង្រឹងយុទ្ធសាស្ត្រអាវុធនុយក្លេអ៊ែរ ផ្គើននឹងការរិះគន់ ទិតៀន ពីសំណាក់ប្រទេសបស្ចិមលោក ។ ក៏ប៉ុន្តែ នៅពីក្រោយការបង្អួតបង្ហាញអនុភាពខាងលើ ការពិតជាក់ស្តែង មានសភាពខ្មៅងងឹតជាងនេះ។ យ៉ាងណាមិញ កូរ៉េខាងជើង កំពុងរងទណ្ឌកម្មអន្តរជាតិ យ៉ាងតឹងតែងបំផុត ស្ទើរតែរើបម្រាស់ខ្លួនពុំរួច ។ លោក គីម ជុងអ៊ុន ខ្លួនឯងផ្ទាល់ ធ្លាប់បានសន្យាថា នឹងលើកកម្ពស់កម្រិតជីវភាពរបស់ប្រជាជន ខណៈពេលដែល កង្វះខាតស្បៀងអាហារ នៅតែជាវិបត្តិដ៏រ៉ាំរ៉ៃ ។ ដើម្បីមានដង្ហើមដក មេដឹកនាំ កូរ៉េខាងជើង ពឹងផ្អែកលើសម្ព័ន្ធមិត្តប្រវត្តិសាស្ត្រ ជាពិសេស គឺ ចិន និង រស្ស៊ី ដែលជានិច្ចកាល តែងគាំទ្រកូរ៉េខាងជើង ក្នុងវិស័យនយោបាយការទូត និង សេដ្ឋកិច្ច ។ ចំណុចដែលគួរឲ្យចាប់អារម្មណ៍មួយទៀត នៅក្នុងពិធីតែងតាំងខាងលើ គឺវត្តមានរបស់កូនស្រីលោក គីម ជុងអ៊ុន ឈ្មោះ គីម ជូ អេ ។ មានអាយុត្រឹម ១៣ ឆ្នាំ ការបង្ហាញខ្លួនជារឿយៗ នៅក្បែរឪពុករបស់នាង បានធ្វើឱ្យមតិសាធារណៈយល់ថា គឺក្មេងស្រីម្នាក់នេះឯង ដែលនឹងក្លាយជាអ្នកបន្តវេននៃរបប ក្រុងព្យុងយ៉ាង នាពេលអនាគត ៕ 🔔 Please subscribe: https://rfi.my/YTkm 🌍 ទទួលព័ត៌មាននៅជុំវិញពិភពលោកដោយផ្ទាល់ https://www.rfi.fr/km/ ភ្ជាប់ជាមួយហ្វេសប៊ុករបស់យើង https://rfi.my/FBkm ទទួលព័ត៌មានពីយើងតាម X https://rfi.my/Xkm ទទួលព័ត៌មានតាមអ៊ីនស្តាក្រាម https://rfi.my/IGkm ទទួលព័ត៌មានតាមតេឡេក្រាម https://rfi.my/TGkm និង WhatsApp https://rfi.my/WAkm ទទួលព័ត៌មានតាមទិកតុក https://rfi.my/TKkm