İmam Əlinin (r.ə) həyatı - 4K скачать в хорошем качестве

İmam Əlinin (r.ə) həyatı - 4K

Peyğəmbərimizin (s.ə.v) əmisi Əbu Talibin oğlu hz. Əli (r.ə) kiçik yaşlarında İslamı qəbul edən ilk müsəlmanlardan olub. Həmçinin Peyğəmbərimizin (s.ə.v) kürəkəni və Əhli Beytindəndir. Hz. Məhəmmədin (s.ə.v) evində və himayəsi altında böyümüşdü. Heç vaxt bütlərə ibadət etməmiş, yalnız Allaha səcdə etmişdir. Buna görə də onun adı xatırlandıqda “Kərəmullahu vəchəh” (Allah onu şərəfləndirsin) deyilir. Hz. Əli (r.ə) uşaqlıqdan Peyğəmbərimizin (s.ə.v) yanında köməkçilərindən olmuş və vəfatına qədər onun yanından ayrılmamışdır. Hicrətdən təxminən 23 il əvvəl Məkkədə anadan olan Hz. Əli Quran əxlaqına görə yaşamış nümunəvi İslam xəlifəsidir. İslam tarixinin ən gözəl dövrlərindən olan dörd xəlifə dövrünün son xəlifəsi olmuşdur. Hz. Məhəmməd (s.ə.v) tək qızı hz. Fatiməni hz. Əli ilə evləndirərək, onu özünə kürəkən seçmişdir. Hz. Əlinin hz. Fatimədən Həsən, Hüseyn və Muhsin adlı üç oğlu, Zeynəb və Ümmu Gülsüm adlı iki qızı olmuşdur. Peyğəmbərimizin (s.ə.v) nəsli hz. Əli və hz. Fatimənin oğulları hz. Həsən və hz. Hüseyndən davam etmişdir. Hz. Əlinin Rəsulullaha (s.ə.v) olan sevgisi və itaəti Məhəmməd ibn Zərrə ət-Tabəri Həzrət Əlinin belə buyurduğunu nəql etmişdir: Rəsulullah (s.ə.v) məni yanına çağırdı və belə buyurdu: “Ya Əli! Allah-Təala yaxın qohumlarımı xəbərdarlıq edib qorxutmağımı əmr edib. Sən bizə yemək hazırla, sonra Əbdülmütəllibin oğullarını bir yerə topla ki, onlara xəbərdarlıq edim.” Mən də Rəsulullahın əmrini yerinə yetirərək onları bir araya gətirdim. Rəsulullah onlara belə buyurdu: “Allah-Təala sizi Ona dəvət etməyə məni mükəlləf etmişdir. Aranızdan kim mənim qardaşım, qəyyumum və xəlifəm olmaq istəyir? Oradakıların hamısı susdu. Onlardan kiçik olmağıma baxmayaraq, “Ya Rəsulullah! Mən sənin köməkçin olmaq istəyirəm” dedim. Rəsulullah (s.ə.v) əlini çiynimə qoyaraq belə buyurdu: “Bu şəxs, mənim qardaşım, qəyyumum və xəlifəmdir. Sözünü dinləyin və əmrlərinə tabe olun.” (Tarih-i Taberi, 2-ci cild, səh. 62) Elmi ilə örnək olan İslam xəlifəsi Hz. Əliyə xas olan əsas xüsusiyyətlərdən biri də Allahın ona lütf etdiyi elm olmuşdur. Təkcə fiqh məsələləri və hökm mövzusunda deyil, eyni zamanda riyaziyyat və ona yaxın elm sahələrində də dövrünün qabaqcıllarından olmuşdur. Peyğəmbərimiz (s.ə.v) hz. Əlinin bu əsas xüsusiyyətlərini bir hədisində belə tərif etmişdir: “Mən elmin şəhəri, Əli (r.ə) isə onun qapısıdır.” (Deyləmi) Hz. Əli uşaqlığını Peyğəmbərimizin yanında keçirmiş, Quran əxlaqını və Qurandakı hökmləri ondan öyrənmiş, ona gələn vəhylərin katibliyini öz üzərinə götürmüşdür. Hz. Əli Əsabi-kiramın ən böyük fiqhi alimlərindəndir. “Mən Allah Rəsulundan eşitdiyim hər şeyi mütləq əzbərləyər və əsla unutmazdım.” (Biharül-Envar, 35-ci cild, səh. 329) Hz. Əlinin (r.ə) nümunəvi cəsarəti Hz. Əlini digər insanlardan fərqləndirən bir xüsusiyyəti də çox cəsarətli olması idi. Hz. Əli Allahdan başqa heç kimdən qorxmadan, çəkinmədən hər şəraitdə Quran əxlaqına uyğun davranmaqda qətiyyət göstərmişdir. Bütün döyüşlərdə bayraqdar vəzifəsini öz öhdəsinə götürmüş, təkcə Təbuk səfərinə Peyğəmbərimiz (s.ə.v) əmr etdiyi üçün qatılmamış və Mədinədə qalmışdır. Bədr döyüşü zamanı hələ 25 yaşı var idi. Və islamiyyəti qoruyanların önündə gedib 70 dəfə yaralanmasına baxmayaraq, son nəfəsinə qədər Peyğəmbərimizlə (s.ə.v) birlikdə döyüşlərdə iştirak etdi. Ühüd döyüşündə hz. Məhəmmədi (s.ə.v) qorumaq məqsədilə müşriklərlə vuruşarkən qılıncı qırılmış, Peyğəmbərimiz (s.ə.v) də əlindəki Zülfüqar adlı məşhur qılıncını ona vermişdi. Xəndək döyüşündə ərəblərin məşhur pəhləvanı Əmr ibn Əbdüvədi bir zərbə ilə yerə sərmişdi. Hz. Əlinin bu uğuru Xəndək döyüşü nəticəsində mühüm rol oynayır. Hz. Əli Xeybər müharibəsi zamanı Xəybər qalasının qapısını əli ilə qırmış və bu qapıdan özü üçün qalxan kimi istifadə etmişdir. Məkkə fəth ediləndə hz. Məhəmmədlə (s.ə.v) birlikdə Kəbəyi-müzəmmənin ətrafında olan bütləri qırdılar. İçərisinə girib ordakı bütləri yerindən söküb çıxardılar. Daha yüksəkdəki bütlərin qırılması üçün hz Məhəmməd (s.ə.v) hz. Əliyə: “Ya Əli, çiyinlərimə çıx, onları da aşağı endirib qır!” deyə buyurmuşdur. Hz. Əli Peyğəmbərimizin (s.ə.v) dediyi kimi edərək bütləri endirmişdi. Həmin an hiss etdiyi dərin Allah eşqindən bəhs edərək belə buyurmuşdu: “Mənə elə gəldi ki, diləsəydim göyə də çıxa bilərdim.” Hz. Əlinin xarici görünüşü və gözəlliyi Hz. Əli qarabuğdayı, yaşıl göz, gur saqqallı, gülərüz, enlikürəkli və heybətli görkəmə sahib idi. Hz. Əlinin (r.ə) bəzi ləqəbləri Şiri-yezdan (Allahın aslanı), Qurani Natiq (Danışan Quran), Heydər (Aslan), Heydəri-Kərrar (Qəhrəmanlıqla düşmənə təkrar təkrar hücum edən), Mürtəza (Allah rizasına nail olan), Şahi-vilayət (Vəlilərin şahı), Əmirəlmöminin (Möminlərin əmiri), Əsədullah (Allahın aslanı), Şahi-mərdan (Mərdlərin şahı), Seyfullah (Allahın qılıncı), Sultan-ül-əshiya (Comərdlərin sultanı), Əbu Türab (Torpağın atası).