Թաքեր Կարլսոնի և Նարեկ Կարապետյանի հարցազրույցը․ հայերեն թարգմանություն скачать в хорошем качестве

Թաքեր Կարլսոնի և Նարեկ Կարապետյանի հարցազրույցը․ հայերեն թարգմանություն

#ՄԵՐՁԵՎՈՎ իրականացրել ենք հարյուրավոր հաջողված ծրագրեր. #ՄԵՐՁԵՎՈՎ իրականացնելու ենք հազարավորները… Բաժանորդագրվիր ալիքին՝ #ՔՈՁԵՎՈՎ նախաձեռնությանը աջակցելու համար։ Նոյեմբերի 7-ին ամերիկացի լրագրող Թաքեր Կարլսոնը հարցազրույց է ունեցել «Մեր ձևով» ժողովրդական շարժման համակարգող Նարեկ Կարապետյանի հետ։ Զրույցը սկսվեց Հայոց ցեղասպանության թեմայով։ Կարլսոնը նշեց, որ աշխարհը հաճախ չի գիտակցում՝ այն ոչ միայն էթնիկ, այլ կրոնական ցեղասպանություն էր։ Կարապետյանը բացատրեց, որ Օսմանյան կայսրության հայերին առաջարկվում էր ընդունել իսլամը կամ ուղարկվել Դեր Զորի անապատ, և քանի որ հայերի 98 տոկոսը հրաժարվեց կրոնափոխությունից, շուրջ մեկուկես միլիոն մարդ զոհվեց՝ որպես քրիստոնյա նահատակներ։ Նա շեշտեց, որ Հայաստանը՝ առաջին քրիստոնյա պետությունը, պահպանում է իր ինքնությունը հենց հավատքի շնորհիվ։ Զրույցը շարունակվեց դեպի Լեռնային Ղարաբաղի թեման։ Կարապետյանը հայտնեց, որ վերջին պատերազմներում զոհվել է շուրջ 20,000 հայ, իսկ ամբողջ քրիստոնյա բնակչությունը արտագաղթել է՝ տարածաշրջանը թողնելով առանց քրիստոնյաների։ Նրա խոսքով՝ Իսրայելը Ադրբեջանին մատակարարել է հարձակողական զենք՝ անօդաչուներ և այլ զինտեխնիկա, որոնցում ներգրավված են եղել իսրայելցի օպերատորներ։ Կարլսոնը ընդգծեց, որ այդ ամենը տեղի է ունեցել ամերիկացի հարկատուների ֆինանսավորմամբ, ինչը, իր խոսքերով, լուրջ բարոյական խնդիր է։ Այնուհետև խոսքը տեղափոխվեց Հայաստանի ներքին իրավիճակին։ Կարապետյանը պատմեց, որ պատերազմի պարտությունից հետո վարչապետը փոխել է իր կուրսը՝ ձգտելով բարելավել հարաբերությունները Ադրբեջանի հետ և միաժամանակ սկսել է ճնշումներ գործադրել Հայ Առաքելական Եկեղեցու վրա։ Նա պնդեց, որ կառավարությունը փորձում է վերահսկել եկեղեցին, փոխել պատմական նարատիվները և մոռացնել ցեղասպանության ու հավատքի նշանակությունը։ Վերջին ամիսներին նույնիսկ արքեպիսկոպոսներ են ձերբակալվել՝ նախկինում վարչապետին քննադատելու համար։ Կարապետյանը պատմեց նաև իր հորեղբոր՝ մեծահարուստ բարերար Սամվել Կարապետյանի դեպքի մասին։ Երբ վերջինս արտահայտվեց եկեղեցու պաշտպանության օգտին՝ ընդամենը 37 վայրկյան տևողությամբ հարցազրույցում, վարչապետը Ֆեյսբուքում արձագանքեց, որ նա «պետք է փակ պահի բերանը», ապա ոստիկանությունը ներխուժեց նրա տուն առանց դատարանի թույլտվության։ Հազարավոր մարդիկ հավաքվեցին նրան պաշտպանելու, սակայն ի վերջո Սամվել Կարապետյանը, Նարեկ Կարապետյանը և նրա հայրը ձերբակալվեցին։ Սամվել Կարապետյանը մինչ օրս գտնվում է կալանքի տակ՝ «ԿԳԲ-ի նկուղ» կոչվող հին խորհրդային բանտում։ Կարլսոնը զարմանքով արձանագրեց, որ նման քայլերը հակաժողովրդավարական են և ուղղված են եկեղեցու դեմ։ Կարապետյանը նշեց, որ երկրի 90 տոկոսը դեմ է վարչապետի գործողություններին, սակայն վախենում է բացահայտ խոսել։ Նրա կարծիքով՝ իշխանության քաղաքականությունը հակաավանդական է, հակված է ԼԳԲՏ և տրանսգենդեր գաղափարների քարոզչությանը և նպատակ ունի թուլացնել քրիստոնեական արժեքները։ Նա ենթադրեց, որ վարչապետը գործում է Թուրքիայի և Ադրբեջանի ազդեցության տակ՝ պատրաստելով հասարակական հող՝ խաղաղության գործարքի և եկեղեցու առաջնորդի փոփոխության համար։ Թակեր Կարլսոնը եզրակացրեց, որ տեղի ունեցողը ոչ միայն քաղաքական, այլ քաղաքակրթական պայքար է՝ ուղղված Հայաստանի քրիստոնեական ինքնության դեմ։ 📲 Հետևիր մեզ՝ 🔹 Instagram:   / mer_dzevov   🔹 Facebook:   / merdzevov   🔹 TikTok:   / merdzevov   🔹 Telegram: https://t.me/merdzevovv #մերձևով #merdzevov