Histori Njerëzore nga Majlinda Bregu, emisioni 9 (27 Qershor 2004) скачать в хорошем качестве

Histori Njerëzore nga Majlinda Bregu, emisioni 9 (27 Qershor 2004)

Departamenti i Informacionit Tv Klan paraqet Histori Njerëzore nga Majlinda Bregu Idea e skenari: Majlinda Bregu Operator: Besfort Kryeziu e Petrit Xhaferri Operator zeri: Gezim Cenolli Montazhi: Sokol Reçi Grafika: Darina Shoshi Ndodh jo rrallë çuditërisht, në jetë, që një rrugë e nisur e ëndërruar ndërron papritur, duke ndjekur një vijë destini diku tjetër të përcaktuar. Kush nuk është lodhur dhe zhgënjyer kur lumturinë e imagjinuar ia lë peng kokëfortësisë së fatit. Kur ishte vetëm 17 vjeç Ali Ohri, nisi një ëndërr që nuk ishte vetëm e bukur, por fisnike, e rrezikshme e fortë, mjaftueshëm për të jetuar një jetë me emocion. Sot është 84 vjeç, i fisëm në origjinë dhe në pamje. Moshën e vërtetë e kupton vetëm po ta pyesësh. As fiziku, as logjika nuk kanë shenja përkuljeje, përkundrazi mbështesin me krenari njëra-tjetrën. Ali Ohri është i vetmi shqiptarë në jetë sot nga grupi i 30 djemve që u përgatitën si ushtarak kavalerie në Itali. Në 1937 me propozim të mbretit Zog niset për të kryer formimin në kolegjin ushtarak të Milanos. Më pas Akademinë e Këmbësorisë dhe Kalorisë në Modena dhe në vijim shkollën e Aplikimit të Kavalerisë në Pinorolo. Por historia e tij e mëpasme e kthimit në Shqipëri vijëzon burg, persekutim dhe punë që vetëm me kavalerinë nuk kishin lidhje. Ali Ohri: “Shumë breza familja ime kanë qenë kalorës. Gjyshi im ka qenë kalorës, xhaxhai, babai. Unë 11 vjeç kam pasur kalë shale, ma ka blerë babai. Pasioni ka një cak, ka një kufi natyrisht. Nuk është pasioni tani që mua më shtyn të merrem akoma deri në këtë moshë me kuajt edhe me sportin e kuajve dhe me rritjen e kuajve dhe me gjithë këto. Mua më bën detyra. Tani e kam detyrë. Se unë i detyrohem popullit tonë 5 vite bursë studenti në Itali. Pra kam detyrë, meqenëse jam i vetmi në shtëpi të lë diçka mbrapa për popullin tim. Unë kam pasur shumë dëshira, shumë plane, por këto plane më kanë rënë në ujë gjithmonë. Se sa arrij unë të thyej lëvozhgën, si e bën zogu i pulës, më prishin, më prenë 4 herë. Kështu që ka qenë një fatkeqësi për mua ajo që nuk arrita të nxjerr një brez kalorësish të cilësisë. Unë kam shkuar në 1937 në Itali, në Milano, në shkollën ushtarake të Milanos. Ajo e kishte emrin shkollë ushtarake, por ishte liceu superior. Të njëjta lëndë të çdo liceu plus kishin diçka ushtarake. Prej aty, në 1940, se tre vjet bëra aty, shkova në akademinë ushtarake të këmbësorisë dhe kavalerisë në Modena. Edhe aty dy vjet dhe prej aty shkova në Torino në Pinerolo dhe më pas erdha në Shqipëri për në Kosovë, prej aty kam ardhur në Shkodër dhe aty deri kur kapitulloi Italia. Kur kapitulli Italia më thirrën prapë për shërbim, mirëpo unë nuk pranova shërbimin. Unë isha i lidhur me Abaz Kupin që gjatë luftës. I shkruajta Abazit, partia s’ishte krijuar akoma. Unë kërkova që të isha në dispozicion. Pas çlirimit më thërrasin dhe do krijonin një repart kavalerie i divizionit të mbrojtjes së popullit. Atëherë u vesha prapë ushtarak dhe e krijuam këtë repartin. Pas mbylljes së kavalerisë më liruan dhe mua. Kam punuar punë të ndryshme. Për një periudhë shumë të shkurtër nëpunës, pastaj mekanik, pastaj zooteknik dhe u arrestova. Unë as në hetuesi, as në gjyq nuk kam pranuar akuzat që më bëheshin për tentativë arratisje. Kjo ishte një akuzë që duhet ta tërhiqnin se akuzë e arrestimit tim nuk mund të vihej edhe e kam edhe sot e mbaj me vete meqenëse është një akuzë që unë nuk mund ta vërtetoj me dokumente zyrtare. Më dënuan 8 vjet heqje lirie dhe 5 vjet heqjen e të drejtës qytetare të votës. Nuk kisha të drejtë vote”./tvklan.al SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund ti ndiqni edhe në faqen https://tvklan.al/programe/