元朗南新發展區 — 十八鄉交匯處新連接路正式開通 скачать в хорошем качестве

元朗南新發展區 — 十八鄉交匯處新連接路正式開通

小編「工程獅」🦁好高興同大家分享一個好消息，元朗南新發展區正式迎嚟新里程碑！ 🚗 十八鄉交匯處往博愛交匯處嘅新連接路已經正式通車啦！現時車輛可以由十八鄉路直接左轉駛往博愛交匯處，令十八鄉交匯處一帶於繁忙時間行車更加暢順。 🏗️ 元朗南新發展區一直秉持「基建先行」原則，加大交通基建容量，不單只配合元朗南未來嘅發展，更先讓元朗居民受惠。今次新連接路與大棠路及大旗嶺路口優化工程相輔相成，由鳳翔路及大旗嶺路可以更快、更直接經3號幹線出市區，減輕元朗市中心及大棠區交通壓力。 ✨值得一提，工程團隊喺興建新連接路路堤時應用咗創新「高延性輕質複合混凝土」(Low-Density Engineered Cementitious Composites)(LD-ECC)。呢項「世一」物料取代咗大型混凝土結構去建造路堤，施工期縮短咗5個月! 「世一」創新物料「高延性輕質複合混凝土」技術突破亮點包括： • 抗壓強度比輕質混凝土之填土物料高3倍 • 具有高延性及自行修復裂縫嘅能力 • 裂縫控制能力及耐疲勞能力比輕質混凝土高出最少一倍 🤝 今次工程能夠順利推展同開通新連接路，除咗土木工程拓展署元朗南工程團隊嘅努力，實在有賴元朗區議會、十八鄉鄉事委員會及屏山鄉鄉事委員會以至多個政府部門(包括路政署、運輸署、警務處等)嘅協調同支持，充分體現社區與各部門同心協力嘅精神，值得大家畀個讚！👍🏻 另外，工程團隊喺道路開通前更安排香港工程師學會土木、岩土及材料三個分部會員實地考察, 又為香港工程師學會岩土分部舉行實體和網上專業技術分享會,與業界分享和交流「世一」創新物料「高延性輕質複合混凝土」嘅最新設計和施工資訊。 👉 歡迎大家睇片了解新連接路嘅走線同通車後帶嚟嘅改善情況，一齊見證元朗南道路交通發展踏入新里程，共建宜居嘅藍綠新家園🤝🏻❤️！ #土木工程拓展署 #CEDD #工程獅 #IrLeo #艾奕康 #AECOM #中國中鐵聯營 #CRECJV #永輝混凝土 #元朗南新發展區 #十八鄉交匯處新連接路 #基建先行 #高延性輕質複合混凝土 #LDECC #創新科技 #元朗區議會 #十八鄉鄉事委員會 #屏山鄉鄉事委員會 #香港工程師學會 #HKIE