SUPRĀTKYS ROGOVKĀ скачать в хорошем качестве

SUPRĀTKYS ROGOVKĀ

Itūreiz „Kolnasātys” rodūšuo komanda beja otkon nūbraukuse iz suprātkom aba vakariešonu, kab kluotīnē sasatyktu ar vītejim īdzeivuotuojim kaidā nu Latgolys pogostu i pasaronuotu par dzeivi, tradicejom i volūdys sovpateibom ite. Aiz tuo itūreiz aicynojam jius īpasazeit ar Rēzeknis nūvoda Nautrānu pogosta centru – Rogovku i iteinis ļaudim. Naapšaubami par Rogovku daudzi nūteikti ir dzierdiejuši kai saisteibā ar popularū teicīni – „Troks voi nu Rogovkys”, tai ari ar daudzajim literatim, kulturys i sabīdryskajim darbinīkim, kurim itei puse ir dzymtuo – Pīters Miglinīks, Andryvs Jūrdžs, Anna Rancāne, Pīters Jurceņš, Ontons Kūkuojs i daudzi cyti. Nu kurīnis rogovkīšūs taids spors, spāks i patriotismys, klausīs raidejumā. Suprātkuos Rogovkā pīsadola: Sovvaļnīks aba muzikis Ingars Gusāns, Nautrānu pogosta kulturys pasuokumu organizatore Inga Vigule, Rogovkys etnografiskuo ansambļa izveiduotuoja i vadeituoja Anna Garanča, Nautrānu vydsškolys literaturys i kulturviesturis školuotuoja, nūdybynuojuma „Latgalīšu volūdys, literaturys i kulturys viesturis školuotuoju asociaceja” vaļdis prīšksādātuoja Veronika Dundure, Nautrānu pogosta Dekteru amaterteatra dybynuotuoja, kas ilgus godus tū ari vadejuse, niu pensionare i muojsaimineica Lūcija Rancāne, kartografe i nūvodpietneica Andra Zubko-Melne, Gaigalovys pamatškolys latvīšu volūdys i literaturys školuotuoja, teatra muokslys pasnīdzieja i Dekteru amaterteatra vadeituoja, režisore Ērika Bozoviča, uorsta paliegs, Rogovkys teatra vadeituoja Maruta Miščenko. https://lr1.lsm.lv/lv/raksts/kolnasat...