046-E-śrīviṣṇusahasranāmab­hāṣya-S14-N8-S15-N12 скачать в хорошем качестве

046-E-śrīviṣṇusahasranāmab­hāṣya-S14-N8-S15-N12

bhūtātmā bhūtānāmātmāntaryāmīti bhūtātmā 'eṣa ta ātmāntaryāmyamṛtaḥ ' (bṛ. u. 3।7।3-22) iti śruteḥ । bhūtāni bhāvayati janayati vardhayatīti vā bhūtabhāvanaḥ ॥ 14॥ pūtātmā paramātmā ca muktānāṃ paramā gatiḥ । avyayaḥ puruṣaḥ sākṣī kṣetrajño'kṣara eva ca ॥ 2॥ bhūtakṛdādibhirguṇatantratvaṃ prāptaṃ pratiṣidhyate pūtātmā iti, pūta ātmā yasya sa pūtātmā, karmadhārayo vā 'kevalo nirguṇaśca' (śve0 u0 6।11) iti śruteḥ । guṇoparāgaḥ svecchātaḥ puruṣasyeti kalpyate । paramaścāsāvātmā ceti paramātmā kāryakāraṇavilakṣaṇo nityaśuddha-buddhamuktasvabhāvaḥ । muktānāṃ paramā prakṛṣṭā gati-rgantavyā devatā punarāvṛttyasambhavāttad-gatasyeti muktānāṃ paramā gatiḥ । 'māmupetya tu kaunteya punarjanma na vidyate ॥' (gītā 8। 16) iti bhagavadvacanam।