Top Channel/ Merz pro Trump për luftën, zbulohen mesazhet në Shtëpinë e Bardhë скачать в хорошем качестве

Top Channel/ Merz pro Trump për luftën, zbulohen mesazhet në Shtëpinë e Bardhë

Gjermania mbështet Shtetet e Bashkuara të Amerikës dhe Izraelin në operacionin ushtarak të nisur prej katër ditësh ndaj Iranit. Nga Shtëpia e Bardhë, në të parin takim me Donald Trump pas nisjes së luftës në Lindjen e Mesme, Kancelari i Gjermanisë, Friedrich Merz, ofroi mbështetje, teksa u shpreh se qëndrimi i tij është në përputhje me atë të Presidentit amerikan sa i përket rrëzimit të regjimit iranian. “Jemi në të njëjtën linjë sa i përket rrëzimit të këtij regjimi të tmerrshëm në Teheran. Dhe do të flasim për të nesërmen, çfarë do të ndodhë. Ne të gjithë shpresojmë që kjo luftë të përfundojë sa më shpejt të jetë e mundur. Shpresojmë që ushtria izraelite dhe amerikane po bëjnë gjërat e duhura për ta përfunduar këtë dhe për të pasur një qeveri të re në vend”. Në takimin me Kancelarin gjerman, në Zyrën Ovale, Presidenti Donald Trump kritikoi ashpër Mbretërinë e Bashkuar dhe Spanjën, teksa tha se u treguan jo bashkëpunuese, duke mos lejuar përdorimin e bazave të tyre ushtarake. Duke folur për operacionin ushtarak, Trump tha se po e shkatërrojnë Iranin "Ne po i godasim shumë fort. Ata nuk kanë marinë, as mbrojtje ajrore. Ata nuk kanë më asnjë strukturë zbulimi. Radari i tyre është rrëzuar, dhe pothuajse gjithçka është shkatërruar. Po shkojmë shumë mirë. Këta njerëz të këqij do të vuajnë shumë”. Lufta në Lindjen e Mesme u përshkallëzua të martën. Pas vrasjes së Ajatollah Ali Khamenei dhe udhëheqësve më të lartë të Teheranit, ushtria amerikane dhe ajo izraelite goditën dhe shkatërruan ndërtesën që strehon Asamblenë e Ekspertëve të Iranit, organi që do të zgjedhë udhëheqësin e ardhshëm suprem të vendit. “Pothuajse gjithçka është shkatërruar në Iran, mbrojtja dhe udhëheqësit”, tha Trump, teksa shtoi se Shtetet e Bashkuara të Amerikës kanë furnizim të pakufizuar armësh për të fituar çdo konflikt të armatosur. “Stoqet e municioneve të SHBA nuk kanë qenë kurrë më të larta dhe më të mira. Ne kemi praktikisht një furnizim të pakufizuar të armëve. Me këto furnizime mund të përballojmë me sukses luftërat, edhe nëse vazhdojnë përgjithmonë. Unë rindërtova ushtrinë në mandatin tim të parë dhe vazhdoj ta bëj këtë. Shtetet e Bashkuara janë të pajisura me stoqe dhe gati për të fituar”. Ai mohoi që Shtetet e Bashkuara u detyruan nga Izraeli për të sulmuar Iranin, por tha se e ndërmori këtë hap, pasi Teherani do të godiste i pari. Pamjet: AFP Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Merz#Trump#TopChannelNews