Pagpapalitang tao-sa-tao, isusulong pa ng Pilipinas at Tsina скачать в хорошем качестве

Pagpapalitang tao-sa-tao, isusulong pa ng Pilipinas at Tsina

Pagpapalitang tao-sa-tao, isusulong pa ng Pilipinas at Tsina   Ipinahayag kamakailan ng Kagawaran ng Ugnayang Panlabas ng Pilipinas (DFA), na mula Enero 16, 2026, sinimulang ipatupad ng Pilipinas ang visa-free policy para sa mga sibilyang Tsino.   Ang naturang polisiya ay para sa mga Tsinong turista o mga bumibisita para sa negosyo, na mananatili sa Pilipinas nang hindi hihigit sa 14 na araw, at kailangang pumasok sa bansa sa pamamagitan ng Ninoy Aquino International Airport (NAIA) o sa Mactan-Cebu International Airport (MCIA).   Sa eksklusibong panayam ng CGTN Filipino kay Myca Magnolia M. Fischer, Konsul Heneral ng Pilipinas sa Shanghai, sinabi niyang sa ilalim ng visa-free na polisiya, ang mga turista at negosyanteng Tsino ay makakabisita sa Pilipinas nang mas madali at kumbenyente.   Ito ang paraan para ipakita sa mga Tsino na winewelkam sila ng Pilipinas, tungo sa pagpapalalim ng ugnayang tao-sa-tao sa pagitan ng dalawang bansa, dagdag pa niya.   Ani Fischer, humigit-kumulang 5,000 mga Pilipino ang namumuhay sa Shanghai at mga kalapit na lugar.   Bukod sa mga Pilipinong bahay-kalakal na namumuhunan at nagtatamo ng tagumpay sa Shanghai, na gaya ng Liwayway, Dai-ichi, at mga indibidwal na negosyante, mayroon ding mga Pilipinong restawran na nagpapakilala sa mga Tsino ng natatanging pagkain ng Pilipinas sa Shanghai, isang lunsod na may bukas na atmospera, saad ni Fischer.   Binigyang-diin ni Fischer na ang mga Pilipino at Tsino ay nag-uugnay at nagpapalitan sa isa’t-isa nang daan-daang taon.   Hangad niya ang mas malalim na ugnayang mapapaunlad at mas maraming tulay na itatayo sa pagitan ng dalawang bansa. https://filipino.cgtn.com/2026/01/20/...