Abakobwa n'abahungu bose bemerewe kotsa Runonko скачать в хорошем качестве

Abakobwa n'abahungu bose bemerewe kotsa Runonko

Taraki ya 17 Kanama 2019, ni bwo abantu batandukanye berekeje I Mayunzwe ho mu Karere ka Ruhango mu ntara y'Amajyepfo mu bikorwa by'imyidagaduro bitandukanye nko kotsa Runonko/ Nyirankono, kwenga ibitoki no Gucunda. Umuyobozi w'Itorero ry'Igihugu, Bwana Bamporiki Edouard usanzwe rwose ari Intore izi gutarama neza, nawe yitabiriye iki gikorwa. Kotsa Runonko, Kwenga no Gucunda bigira amabwiriza menshi, imigenzo n'imiziro ku buryo abantu baba bishimye kuko hari abica amwe mu mambwiriza n'iyo migenzo bigatuma abandi babaseka ugasanga bibyaye imyidagaduro ishingiye kuri ibi bikorwa. Aha dutanze nk'urugero, kirazira guca inyuma ya Runonko, kirazira kurya runonko utabanje guhamba amseeke, kirazira kotsa runonko zirenze 1 ukazarura nta nimwe yibwemo. Mu kwenga ibitiki, kirazira gutangira kwenga utaratsirika inzuki. Mu gikorwakinini cyinubashywe cyane cyo gucunda, kirazira gucunda utabanje gusuhuza igisabo, kirazira ko umugabo acunda, kirazira ko umukobwa yaresa agahaguruka akgenda adasezeye igisabo. Abitabiriye iki gikorwa bishimiye ko bamyenye byinshi mu turimo two ku isoko bajyaga bumva mu biganiro, bakabisoma mu nyandiko batazi uko ibyo bihe byabaga bimeze. Iki gikorwa kibaye ku nshuro ya 2, kuko ubushize cyabaye hari mu kwezi kwa 8 mu w'2018. Iki gikorwa kizwi ku izina rya Runonko Day I Mayunzwe cyatangijwe na Karoli Habonimana afatanyije n'abantu b'ingeri zose batuye kuri uyu musozi w' i Kangoma na Mayunzwe.  Byaitangiye bjgamije kuzajya bibitsa imirimo imwe n'imwe ikomokaho inganzo ngari n'ubuvanganzo bukomeye mu banyarwanda, ariko nyir'izina bari bagamije kongera kwimakaza by'umwihariko ubumwe n'ubusabane byahoze biranga abanyamayunzwe mu bihe bya kera mbere y'uko Abakoroni babacamo amacakubiri yaje no kubyara Jenoside yahitanye Abatutsi basaga Miliyoni harimo abasaga 1.000 bari batuye aha i Mayunzwe no mu nkengero zayo. Runonko Day I Mayunzwe ni igikorwa ngaruka mwaka kandi giha ikaze buri wese.