Situatë emergjente në veri, kërkohet ndihmë mjekësore për gratë shtatzëna-(13 Shkurt 2012) скачать в хорошем качестве

Situatë emergjente në veri, kërkohet ndihmë mjekësore për gratë shtatzëna-(13 Shkurt 2012)

Lajme Arkiva 2012 Një ditë pas shpalljes nga qeveria të gjendjes së fatkeqësisë natyrore, situata në veri dhe juglindje të vendit po bëhet gjithmonë e më e vështirë. Në zonat e thella dëbora ka arritur deri në 3 metra, ndërsa gjatë paradites stuhitë e dëborës kanë përfshirë Kukësin dhe Tropojën. Bujar Muçmataj: “Përjashtuar aksin kombëtar nga Morini e deri në Kalimash i cili po kalohet me shumë vështirësi dhe është i ndaluar për makineritë e tonazhit të lartë mbi 4.5 ton, të gjithë automjetet e tjera kalojnë me shumë vështirësi me ndihmën e zinxhirëve.” Komunat Çaj dhe Arrën kërkuan ndihmë mjekësore për transportimin e dy grave shtatzëna drejt maternitetit të Kukësit, por kushtet e papërshtatshme të motit e bënë të pamundur operacionin nga ajri. Njësia e helikopterëve të shëndetësisë transportoi në mbrëmje drejt kryeqytetit një grua 30 vjeçare shtatzënë nga Lek Bibaj e Tropojës e cila është në muajin e 9 të shtatzanisë. Ajo tashmë është në maternitetin e ri në Tiranë nën kujdesin e plotë të mjekëve. Në Dibër, një 22-vjeçare humbi shtatzëninë teksa po transportohej nga komuna Sllovë drejt qytetit të Peshkopisë. Udhëtimi 5 orë me këmbë rezultoi fatal për lindjen e fëmijës. Gjatë mesditës, policia nisi operacionin për t’u ardhur në ndihmë edhe tre grave të tjera në komunën Fushë Lurë, dy prej të cilave në gjendje kritike si pasojë e shtatzënisë. Në komunën Shalë të qarkut të Shkodrës, dëbora shembi çatitë e dy shtëpive dhe dy shkollave 9-vjeçare, por pa shkaktuar viktima. Gjergj Figuri: “Reshjet e dëborës që kanë rinisur sërish ditën e djeshme në rrethin e Mirditës kanë bllokuar totalisht të gjitha segmentet rrugore që lidhin qendrat e komunave me qytetin e Rrëshenit. I vetmi aks i kalueshëm për momentin, por me vështirësi është autostrada e kombit, e cila po mbahet në mbikëqyrje të plotë nga drejtoria e Përgjithshme e Rrugëve.” “Probleme ka dhe shumë njerëz, unë jam me grip tash 3-4 ditë në spital dhe sot u detyrova të dilja sepse do jetë edhe më keq sipas njerëzve, sipas meteorologëve.” “Gjendja eshtë me thënë të drejtën e vështirë, dëborë ka, jemi drejtuar për ilaçe, kemi fëmijë të sëmurë. Edhe ça të bëjmë me makinë s’kalohet.” “Ka rreth 1 m e gjymë borë në komunën e Kaçinarit, gjendja është kritike ju që po e shikoni dhe vetë. Janë 3 fshatra që janë komplet të bllokuar.” Reshjet e vazhdueshme të dëborës kanë bërë që hapja e rrugëve rurale të jetë praktikisht një mision i pamundur për mjetet e drejtorive rajonale të rrugëve. Shtabet lokale të emergjencave kanë kërkuar ndërhyrjen e forcave të ushtrisë për të zhbllokuar rrugët drejt komunave më problematike, si dhe shpërndarjen e ndihmave për banorët në nevojë./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/