កុលាបកោះកែវ - លោក អ៊ិន យ៉េង | Kolap Koh Keo - En Yeng скачать в хорошем качестве

កុលាបកោះកែវ - លោក អ៊ិន យ៉េង | Kolap Koh Keo - En Yeng

ប្រវត្តិចម្រៀង ------- បទ "កុលាបកោះកែវ" គឺជាសំនៀងរបស់ លោក អ៊ិន យ៉េង ដែលខុសពី បទ "បុប្ផាកោះកែវ" ដែលជាសំនៀងរបស់ លោក ស៊ីន ស៊ីសាមុត។ បទ "កុលាបកោះកែវ" បានប្រសូត្រចេញពីស្នាដៃនិពន្ធទំនុកច្រៀងរបស់ កវី សេកមាស លោក ម៉ា ឡៅពី ហើយ លោក ស៊ីន ស៊ីសាមុត គឺជាម្ចាស់ស្នាដៃនិពន្ធបទភ្លេងនៃបទនេះ និងមាន លោក មែរ ប៊ុន គឺជាម្ចាស់ស្នាដៃសម្រួលតន្ត្រី។ មូលហេតុដែល លោក ស៊ីន ស៊ីសាមុត បាននិពន្ធបទភ្លេងនៃបទនេះ ប៉ុន្តែលោកមិនបានបកស្រាយបទនេះដោយខ្លួនលោកផ្ទាល់ គឺដោយសារតែលោកបានបកស្រាយចម្រៀងមួយបទដែលមានចំណងជើងស្រដៀងទៅនឹងបទនេះ គឺ បទ "បុប្ផាកោះកែវ" រួចទៅហើយ ហេតុនេះ លោក ម៉ា ឡៅពី យល់ឃើញថា ប្រសិនបើឲ្យ លោក ស៊ីន ស៊ីសាមុត ជាអ្នកបកស្រាយ បទ "កុលាបកោះកែវ" ទៀត អ្នកស្ដាប់អាចនឹងយល់ច្រឡំចំពោះចម្រៀងទាំងពីរបទនេះ។ ណាមួយទៀតប្រហែលជា លោក ម៉ា ឡៅពី ចង់ប្រគល់បទខ្លះឲ្យទៅ លោក អ៊ិន យ៉េង ច្រៀង ព្រោះតែទំនុករបស់លោក លោកបានប្រគល់ជូន លោក ស៊ីន ស៊ីសាមុត ច្រៀងច្រើនណាស់មកហើយ។ បទនេះបានថតដាក់នៅក្នុងថាសនៅកំឡូងចុងទសវត្សរ៍ឆ្នាំ ១៩៦០ គឺនៅក្នុងកំឡុងឆ្នាំ ១៩៦៩។ លើសពីនេះទៅទៀត បទនេះគឺជាប្រវត្តិស្នេហាពិតរបស់ លោក ម៉ា ឡៅពី ផ្ទាល់តែម្ដង នៅពេលដែលលោកទៅលេងនៅភូមិកោះកែវ។ ភូមិកោះកែវ គឺជាភូមិមួយដែលស្ថិតនៅក្នុង ស្រុកល្វាឯម ខេតកណ្ដាល ដែល លោក ម៉ា ឡៅពី បានទៅដល់ និងមានអនុស្សាវរីយ៍នៅទីនោះ។ សូមបញ្ជាក់ថា លោក ម៉ា​​ ឡៅពី តែងតែចូលចិត្តទៅបាញ់សត្វ ហើយលោកបានទៅបាញ់សត្វនៅឯភូមិកោះកែវនោះ នឹងបានជួបនាងម្នាក់មានឈ្មោះ ថា "កែវ" ដូចមាននៅក្នុងទំនុកច្រៀង ហើយលោកក៏ជាប់ចិត្តនឹងនារីម្នាក់នោះតែម្ដង។ ហេុតនេះហើយ ទើប លោក ម៉ា ឡៅពី បាននិពន្ធបទនេះឡើងដោយភ្ជាប់ជាមួយនឹងទិដ្ឋភាពដែលមាននៅក្នុង ភូមិកោះកែវ នោះ និងលាយឡំជាមួយនឹងមនោសញ្ចេតនាដែលលោកមានលើនារីឈ្មោះ "កែវ" នាភូមិកោះកែវ នោះ។ ------ ស្រាវជ្រាវដោយ ៖ លោក សេង តារា