ရုရှားထိုးစစ်ကိုဟန့်တားနိုင်ခဲ့တဲ့စစ်ဆင်ရေးအသေးစိတ်ရုပ်သံကိုယူကရိန်းထောက်လှမ်းရေးအဖွဲ့ ထုတ်ပြန် скачать в хорошем качестве

ရုရှားထိုးစစ်ကိုဟန့်တားနိုင်ခဲ့တဲ့စစ်ဆင်ရေးအသေးစိတ်ရုပ်သံကိုယူကရိန်းထောက်လှမ်းရေးအဖွဲ့ ထုတ်ပြန်

United24 ယူကရိန်းကာကွယ်ရေးဝန်ကြီးဌာနရဲ့ စစ်ဘက်ထောက်လှမ်းရေးအဖွဲ့ (HUR) ဟာ နယ်စပ်တပ်ဖွဲ့ဝင်တွေနဲ့ ပူးပေါင်းပြီး ဇာပိုရီရှားဘက်မှာ ရုရှားရဲ့ ထိုးစစ်ဆင်မှုကို အောင်အောင်မြင်မြင် ဟန့်တားနိုင်ခဲ့ပါတယ်။ သုံးလကြာ ခုခံစစ်ဆင်နွှဲခဲ့ပြီးတဲ့နောက် ရှေ့တန်းစစ်မျက်နှာကို တည်ငြိမ်အောင် ထိန်းထားနိုင်ပြီဖြစ်သလို ရုရှားတပ်တွေ ဇာပိုရီရှားမြို့တော်ဘက်ကို ရှေ့တိုးမလာနိုင်အောင်လည်း ထိထိရောက်ရောက် တားဆီးနိုင်ခဲ့တယ်လို့ မတ်လ ၇ ရက်နေ့က HUR က ထုတ်ပြန်ပါတယ်။ ဒီစစ်ဆင်ရေးကို HUR ရဲ့ အထူးတပ်ဖွဲ့တခုဖြစ်တဲ့ “Timur Special Unit” က ဦးဆောင်ခဲ့တာဖြစ်ပြီး သူတို့ဟာ ဒီစစ်မျက်နှာမှာ ရက်ပေါင်း ၉၀ တိတိ တိုက်ပွဲဝင်ခဲ့တာပါ။ အဲဒီ သုံးလအတွင်းမှာ ရုရှားဘက်က စစ်သား ၃၀၀ ကျော် သေဆုံး၊ ဒဏ်ရာရတာတွေ ရှိခဲ့သလို၊ ရုရှားစစ်သုံ့ပန်း ၃၉ ယောက်ကိုလည်း ဖမ်းဆီးရမိခဲ့တယ်လို့ အတည်ပြုထားပါတယ်။ ရုရှားတပ်တွေ ရှေ့မတိုးနိုင်အောင် လုပ်နိုင်ခဲ့တဲ့ အဓိကသော့ချက်ကတော့ ရန်သူ့ရဲ့ ရိက္ခာနဲ့ ထောက်ပံ့ရေးလမ်းကြောင်းတွေကို စနစ်တကျ ဖြတ်တောက်ပစ်ခဲ့တာဖြစ်ပါတယ်။ ယူကရိန်းကင်းထောက်တွေဟာ ဒရုန်းတွေနဲ့ အမြောက်တွေကို သုံးပြီး ရုရှားရဲ့ အရေးကြီးထောက်ပံ့ရေး လမ်းကြောင်းတွေကို ပစ်ခတ်တိုက်ခိုက်ခဲ့လို့ ရုရှားတပ်တွေရဲ့ တိုက်ခိုက်နိုင်စွမ်း သိသိသာသာ ကျဆင်းသွားခဲ့ပါတယ်။ “ကျွန်တော်တို့ရဲ့ ဒရုန်းတွေနဲ့ အမြောက်တွေက ရုရှားတပ်တွေရဲ့ ထောက်ပံ့ရေးကို အမြဲတမ်း ပစ်မှတ်ထား နှောင့်ယှက်နေတာပါ။ ရိက္ခာနဲ့ လက်နက်ခဲယမ်းတွေ ပြတ်လပ်လာတော့ ရုရှားစစ်သားတွေဟာ အထက်က ခိုင်းတဲ့ တိုက်ခိုက်ရေးတာဝန်တွေကို မလုပ်နိုင်တဲ့အထိ ဖြစ်လာတယ်” လို့ HUR က ပြောပါတယ်။ ဒီ “Timur Special Unit” ဆိုတဲ့ အထူးတပ်ဖွဲ့ထဲမှာတော့ အထူးတပ်စိတ်တွေနဲ့ စေတနာ့ဝန်ထမ်း တပ်ဖွဲ့တွေ အများကြီး ပါဝင်ပါတယ်။ အဲဒီအထဲမှာ Chimera၊ Aratta၊ Guardians of Darkness၊ Brotherhood၊ Stugna နဲ့ Paragon ဆိုတဲ့ အထူးတပ်ဖွဲ့တွေ ပါဝင်ပါတယ်။ ဒါ့အပြင် ရုရှားလူမျိုးတွေနဲ့ ဖွဲ့စည်းထားတဲ့ Russian Volunteer Corps (RDK)၊ Siberian Battalion နဲ့ ဘယ်လာရုစ်သားတွေပါတဲ့ Belarusian Volunteer Corps (BDK) တို့လည်း ပါဝင်တိုက်ခိုက်ပေးခဲ့ကြပါတယ်။ အခြား အထူးစစ်ဆင်ရေးတပ်ဖွဲ့တွေဖြစ်တဲ့ First Line၊ 1514၊ Raven Group၊ Art Division နဲ့ 6th Special Action Unit of the HUR အဖွဲ့တွေကလည်း နည်းဗျူဟာပိုင်းအရ ဝိုင်းဝန်းကူညီခဲ့ကြပါတယ်။ ယူကရိန်းဘက်က ထုတ်ပြန်တဲ့ မှတ်တမ်းတွေအရ သူတို့ကိုယ်တိုင် ထုတ်လုပ်ထားတဲ့ “Bohdana” ဟောင်ဝစ်ဇာအမြောက်တင်ယာဉ်လိုမျိုး အဆင့်မြင့်လက်နက်တွေကို သုံးပြီး ရန်သူ့နယ်မြေတွေကို ရှင်းလင်းခဲ့တာ တွေ့ရပါတယ်။ ဒီလို နည်းမျိုးစုံနဲ့ ပူးပေါင်းတိုက်ခိုက်ခဲ့လို့ ယူကရိန်းဟာ ခုခံစစ်မှာ အသာစီးရလာပြီး အချက်အချာကျတဲ့ နေရာတွေကို ပြန်စိုးမိုးနိုင်ခဲ့တာပါ။ ဇာပိုရီရှား စစ်မျက်နှာဟာ တောင်ပိုင်းစစ်ပွဲမှာ အရမ်းအရေးပါတဲ့ နေရာတခုဖြစ်ပါတယ်။ ရုရှားရဲ့ အဓိကရည်မှန်းချက်က စက်မှုနဲ့ အုပ်ချုပ်ရေးဗဟိုချက်ဖြစ်တဲ့ ဇာပိုရီရှားမြို့ကြီးကို သိမ်းပိုက်ဖို့ ဖြစ်ပေမဲ့ အခုတော့ အောင်မြင်ပုံမရသေးပါဘူး။ ဒါ့အပြင် ပြီးခဲ့တဲ့ ၂၀၂၆ ဖေဖော်ဝါရီလအတွင်းမှာလည်း ယူကရိန်းရဲ့ “Prymary” အထူးတပ်ဖွဲ့ဟာ ရုရှားသိမ်းပိုက်ထားတဲ့ ခရိုင်းမီးယားဒေသထဲက ရုရှားစစ်ဘက်ပိုင်ဆိုင်မှုတွေကို သွားရောက်တိုက်ခိုက်ခဲ့ပါသေးတယ်။ အဲဒီတိုက်ခိုက်မှုမှာ ရုရှားရဲ့ Project 22460 ကင်းလှည့်သင်္ဘော Okhotnik ၊ Ka-27 ရဟတ်ယာဉ် ၊ ထောက်ပံ့ရေးသင်္ဘောတွေ၊ Forpost ဒရုန်းနဲ့ S-400 လေကြောင်းရန်ကာကွယ်ရေးစနစ်ရဲ့ရေဒါစခန်းကိုပါ ဖျက်ဆီးနိုင်ခဲ့ပါတယ်။ United24 မှ Ukraine’s Intelligence Agency Reveals Exclusive Details of Operation to Halt Russian Push in Zaporizhzhia, Video အား Brownie ဘာသာပြန်သည်။ #ဇာပိုရီရှား #ရုရှားထိုးစစ် #ယူကရိန်းထောက်လှမ်းရေးအဖွဲ့ #မဇ္ဈိမသတင်းဌာန #MizzimaBurmeseNews ----------------------------------------- လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ Mizzima YouTube Channel တွင် မန်ဘာဝင်ခြင်း နှင့် ဖော်ပြပါလင့်များတွင် လှူဒါန်းခြင်းမှတဆင့် ထောက်ပံ့နိုင်ပါသည်။ https://bit.ly/2VhJ12U or https://tinyurl.com/donatemzm Subscribe Mizzima TV :    / @mizzimanewstv   One link to follow all Mizzima platforms: https://mizzima.carrd.co