කීරවැල්ල නිළමෙට දෙවියන් සිහිනෙන් ඇවිත් කිවුවා.. මේක සත්‍ය සිදුවීමක් 💙🙏 скачать в хорошем качестве

කීරවැල්ල නිළමෙට දෙවියන් සිහිනෙන් ඇවිත් කිවුවා.. මේක සත්‍ය සිදුවීමක් 💙🙏

තිලක් කන්දෙගම මහතා හෙළිකරන සත්‍ය සිදුවීම 😟🙏 ඇත්තටම නිළමෙට දෙවියන් අණකලාද? පෙර රජදවස සිදුවුණු සත්‍ය සිදුවීමක් ඇසුරෙන් ද අපි මෙය විග්‍රහ කර සොයාබලමු. උතුම් දළදා වහන්සේ දන්ත කුමරු හා හේමමාලා කුමරිය විසින් ලංකා රාජ්‍යයට වැඩමවීමෙන් පසුව දළදා වහන්සේගේ භාරකාරත්වය, පවතින රාජ්‍යයේ රජුට හිමි වුවත්, දළදා වහන්සේ රජුටත් නොදන්වා රැගෙන යාහැකි බොහොම බලවත් තනතුරක් ද තිබුණා. ඒ දළදා වහන්සේගේ පාරම්පරික උරුමකරු වන දිව නිළමෙ තනතුරයි. ඉතින් මේ පාරම්පරික තනතුර වර්තමානයේ සෙනෙවිරත්න කීරවැල්ල දිව නිළමෙවරයා විසින් හෙබවුවත්, අතීතයේ ඔහුගේ මුතුන්මිත්තන් විසින් තමයි දළදා වහන්සේ මේ වනතෙක් දිවි දෙවැනිකොට රැකගෙන ඇවිත් තිබෙන්නෙ. ඔවුන් නොහිටින්න අද අපට දළදා වහන්සේ අහිමි වෙලා බොහෝ කල්. ඒ නිසා එම පරපුර ගෞරවයෙන් සිහිකරන අතර කෝට්ටේ රාජධානියේදී සිදුවූ මේ වගේම අපූරු සිදුවීමක් ගෙනහැර දැක්වීමට සිතුනා. ඒ තමයි, ආක්‍රමණිකයන් කෝට්ටේ රාජ්‍යයේ දළදා මාලිගාවට පහරදෙන්නට පැමිණෙන බව පෙර දිනයේම කීරවැල්ල හිරිපිටියෙ දිව නිළමෙතුමාට දෙවියන් විසින් සිහිනෙන් දැනුම්දුන් අපූරු සිදුවීම. "කෝට්ටේ කලාලේ කිසිල්ලේ දත මැදගන්න රාලේ" එනම්, "කෝට්ටේට කල ආලයෙන් පලක් නැත, දළදා වහන්සේ රැගෙන රට මැදට පලයන් රාලේ" යැයි දෙවියන් විසින් සිහිනයෙන් එවකට දාඨාරක්ඛක තනතුර හෙබවූ හිරිපිටියෙ දිව නිළමෙතුමාට දැනුම්දුන් විශ්මයජනක සිදුවීමයි. මෙම සිදුවීමත් සමඟම හිරිපිටියෙ රාල දළදාව රැගෙන බොහෝ දුෂ්කර මඟ ගෙවාගෙන සීතාවක රාජධානියට දළදා වහන්සේ නිරුපද්‍රිතව වැඩමකරනු ලැබුවා. මේ බව දුටු ආක්‍රමණිකයන් විශ්මයට පත්වූ අතර දළදාව රැකි පරපුරේ දිව නිළමෙතුමා ජාතික වීරවරයෙක් ලෙසද පිදුම් ලැබුවා. ඉතින් මෙවැනිම වූ සිදුවීමක් එම පරපුරේ වත්මන් උරුමකරු වන කීරවැල්ලේ සෙනෙවිරත්න කුමරුන්ට මෑතකදී අත්දකින්න ලැබුණු ආකාරය තමයි තිලක් කන්දෙගම මහත්මයා විසින් මේ විස්තර කරන්නේ. මෙය අතිශය පුද්ගලික කාරණාවක් වුවත්, මෙවන් සිද්ධීන් වර්තමානයෙත් සිදුවන බවට සමාජය දැනුවත් කළයුතු බව අපට හැඟුනා. මෙවැනි තවත් බොහෝ දේ දැනගැනීමට අප සමඟ එක්ව සිටින්න. තෙරුවන් සරණයි ! දළදා සමිඳු පිහිටයි !