Hmar version | Hmar Cultural Heritage Sites | Lungthulien | Parbung | Senvon | Pherzawl District. скачать в хорошем качестве

Hmar version | Hmar Cultural Heritage Sites | Lungthulien | Parbung | Senvon | Pherzawl District.

Hi documentary flim hi vawisuna Pherzawl District huom sunga Hmar hnamhai rohlu le pipu sulhnung Hmar hnam chanchin inṭanna bul ṭhenkhat hmu theia la umhai vawnghimna dinga Hmar Art and Culture Society huoihawtna hnuoia Pherzawl District sunga Hmar khuo hran hranah Cultural Heritage Protection Committee le Rural Women Upliftment Society ṭhangruola buotsai a nih. 1. Lungthulien khuo i) Lungthu lien pathum: Hi lungthu pathum hai hi Hmar pi le puhâ'n tuta Lungthulien kawtsuoa kum 1852 bawr vela an lo phun a nih. A tîr chun Hmar thlatuhai Khurpui khuo an hluo a, a khaw hnungin tuta Lungthulien khuoah hin an insawn a, a khuo hmingin Lungthulien a hung put tah a nih. ii) Vawmpalung: Hi Vawmpalung hi Vawmpa le Vawmnu hmangaina pâr tlâna an lo chêngna hlak hmun a nih. Vawisûn chena Vawmpa le Vawmnu inhmangaina inthûkzie puongtu a ni zing tah a nih. 2. Parbung khuo i) Pasalṭha Lungdaw: Hi hmunah hin sak le thlang indo lâia fam chang, Parbung mihrâng pasalṭha a zâl. Ziek le tiem an la hriet naw leiin, Thil lim ringawt ziekin, Hi hrietzingna lung hi phun a nih. ii) Lunglêng Lungpui: Hi lunglêng tlânga hin mi a kâi chun, A lung â'n lêng naw thei nawh. Chuleiin a thlanga lungpuiah hin, Ieng ieng amani an ziek ṭiel hlak, Chuong chu a ni leiin hi lung hi, Lunglêng lungpui an tih. 3. Senvon khuo i) Zawllung: Hi Zawllung hi Sikpui Lung ti khawm a nih. Khuongpu le Khuongpu Zâilâk (Sikpui hla insamtu) inṭhungna, kum 1897 kuma Zopui khuo mipui haiin Sikpui Kût an hmang ṭuma daw a nih. Sikpui Kût hi Hmar-hai kût pawimaw tak, Hmar-hai chauh hmang hlak a nih ii) Lungsum: Hi lungsum hi Zopui khaw hluia lung sakhata inthawka bu sukna dinga ker a nih. Hmar sungkuo pakhatin a nei zo lo lungsum hi Sikpui Kût hmangna dinga busukna dinga hmang dinga an ker nia hriet a nih. iii) Chawnlût Lungphun: Hi lungphun hi pasalṭha Chawnlût Lungṭâu, Thangsuo a ni hrietzingnaa phun a nih. Thangsuo chanvo hi mihrâng chungchuong bîk sahrâng lu kip kâptu le mi chung hnung bîk sesuna inchawng thei hai chauh nei thei a nih. Tienlâia Hmar hai ring dân chun Thangsuo hai chauh pielrâl an kâi thei ti a nih. Hi video hi a neitu phalna ṭhanglo a hmundanga hmang le upload phal ani nawh. Copyright ‪@RWUS_1990‬ and Hmar Art and Culture Society. #hmar #hmarculturalheritagesites #culturalheritage