«ព្រះបន្ទូលនៅក្នុងសាច់ឈាម» The Word In Flesh រៀបរៀងឡើងដោយ Pastor Chris скачать в хорошем качестве

«ព្រះបន្ទូលនៅក្នុងសាច់ឈាម» The Word In Flesh រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃអាទិត្យ ទី០៤ ខែកុម្ភៈ ឆ្នាំ២០២៤។ «ព្រះបន្ទូលនៅក្នុងសាច់ឈាម» The Word In Flesh #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» ព្រះ‌បន្ទូល​ក៏​ត្រឡប់​ជា​សាច់​ឈាម ហើយ​បាន​ស្នាក់​នៅ​ជា​មួយ​នឹង​យើង​រាល់​គ្នា យើង​រាល់​គ្នា​បាន​ឃើញ​សិរី‌ល្អ​ទ្រង់ គឺ​ជា​សិរី‌ល្អ​នៃ​ព្រះ‌រាជ‌បុត្រា​តែ​១ ដែល​មក​ពី​ព្រះវរ‌បិតា មាន​ពេញ​ជា​ព្រះ‌គុណ នឹង​សេចក្ដី​ពិត (យ៉ូហាន ១:១៤)។ ខគម្ពីរផ្ដើមរបស់យើងសំដៅទៅលើព្រះយេស៊ូវ ដែលជាព្រះបន្ទូលដែលចាប់កំណើត។ ពួក​គេ​បាន​ឃើញ​សិរី​ល្អ​របស់​ទ្រង់ ពេល​ទ្រង់បានធ្វើដំណើរ​តាម​ផ្លូវ​រហូត​ដល់​ទ្រង់​ត្រូវ​គេ​ធ្វើ​គុត។ ប៉ុន្តែ ព្រះ​បាន​លើក​ទ្រង់​ឡើង ហើយ​បង្ហាញ​ទ្រង់​ដោយ​ចំហ​ថា ទ្រង់​មាន​ព្រះជន្មរស់ ​ដោយ​មាន​ភស្ដុតាង​​ច្បាស់លាស់​ជា​ច្រើន។ ឥឡូវនេះ ទ្រង់គង់នៅក្នុងអ្នក។ សរសើរដំកើងព្រះ! ពួកគេបានរង់ចាំព្រះបន្ទូល រំពឹងថានឹងលើកដំកើងសិរីរុងរឿងរបស់ទ្រង់ ដែលពួកហោរាបានថ្លែង។ ប៉ុន្តែបន្ទាប់មកព្រះបន្ទូលបានមក គឺកើតពីស្ត្រីព្រហ្មចារី ហើយបានដើរលើផែនដីនេះ ប៉ុន្តែមនុស្សជាច្រើនមិនបានស្គាល់ទ្រង់ទេ។ ព្រះអង្គ​មាន​ព្រះបន្ទូល​សួរ​ពួក​សិស្ស​ថា៖ «តើ​មនុស្ស​ទាំង‌ឡាយ គេ​ថា​កូន​មនុស្ស​ជា​អ្នក​ណា?»។ គួរឱ្យស្តាយ ពួកគេមិនស្គាល់ទ្រង់ទេ។ ប៉ុន្តែ ពេត្រុស តាម​រយៈ​បើកសំដែង បាន​ពោលឡើង​ថា «ទ្រង់​ជា​ព្រះ‌គ្រីស្ទ ជា​ព្រះ‌រាជ‌បុត្រា​នៃ​ព្រះ​ដ៏​មាន​ព្រះ‌ជន្ម​រស់» (ម៉ាថាយ ១៦:១៦)។ យ៉ូហាន​ហៅ​ទ្រង់​ថា «ព្រះ‌បន្ទូលបានត្រឡប់ជាសាច់ឈាម»។ ទ្រង់ផ្តល់ឱ្យយើងនូវដើមកំណើតពិតប្រាកដនៃមនុស្ស គឺមកពីព្រះគ្រីស្ទយេស៊ូវ ទ្រង់ជាព្រះបន្ទូលដែលបានបង្កើតពីមុនមក ហើយដោយសារទ្រង់ដែលអ្វីៗទាំងអស់ត្រូវបានបង្កើតឡើង (យ៉ូហាន ១:១-៣)។ ដូច្នេះ វា​ជា​ការ​អស្ចារ្យ​ដ៏​បរិសុទ្ធ​ដែល​បាន​ឃើញ​ព្រះបន្ទូល​ដ៏​អស់កល្ប​របស់​ព្រះ​ ដែល​កើត​ពី​ស្ត្រី​ព្រហ្មចារី ហើយ​រុំ​ដោយសំពត់​ដែល​ព័ទ្ធជុំវិញ ធំធាត់ និង​ដើរ​ក្នុង​ចំណោម​មនុស្ស​ទាំងឡាយ! គ្មានអ្វីដែលគួរឱ្យឆ្ងល់ឡើយ ដែលពួកគេបានហៅទ្រង់ថា «អេម៉ាញូអែល» គឺ (ព្រះអង្គទ្រង់គង់ជាមួយយើងខ្ញុំ) (ម៉ាថាយ ១:២៣)។ ទ្រង់បានប្រសូតមកជា «អេម៉ាញូអែល» ប៉ុន្តែថ្ងៃនេះ ទ្រង់ជាព្រះបន្ទូលដែលរស់ នៅក្នុងអ្នក។ គ្រប់​ជំហាន​ដែល​ព្រះយេស៊ូវ​បាន​បោះចេញទៅ គឺ​ជា​ព្រះបន្ទូល​របស់​ព្រះ​ដែល​មាន​ចលនា។ ទ្រង់​ជា​ព្រះ​បន្ទូល​ជាអង្គ​បុគ្គល។ ហើយនៅថ្ងៃដែលអ្នកបានទទួលទ្រង់ដើម្បីរស់នៅក្នុងអ្នក អ្នកក៏បានក្លាយជាព្រះបន្ទូលដែលបានបង្កើតជាសាច់ឈាម ដោយបានកើតពីព្រះបន្ទូលរបស់ព្រះដូចគ្នា៖ «ដ្បិត​ព្រះ​បាន​បង្កើត​អ្នក​រាល់​គ្នា​ជា​ថ្មី មិន​មែន​ពី​ពូជ​ដែល​តែង‌តែ​ពុក‌រលួយ​នោះ​ទេ គឺ​ពី​ពូជ​ដែល​មិន​ចេះ​ពុក‌រលួយ​វិញ គឺ​ជា​ព្រះ‌បន្ទូល​ដ៏​រស់ ហើយ​នៅ​ជាប់‌លាប់» (១ពេត្រុស ១:២៣)។ ដូច្នេះ ដូច​ជា​ព្រះ​យេស៊ូវដែរ អ្នក​ជា​ព្រះ​បន្ទូល​ដែល​មាន​ចលនា ដ្បិត​យើង​នៅ​ក្នុង​លោក​នេះ​ក៏​ដូច​ជា​ទ្រង់​ដែរ (១យ៉ូហាន ៤:១៧)។ ឥឡូវនេះ​អ្នក​យល់​ពី​មូលហេតុ​ដែល​យើង​ត្រូវ​បាន​គេ​ហៅ​ថា សំបុត្រ (ព្រះបន្ទូល) នៃ​ព្រះគ្រីស្ទ (២កូរិនថូស ៣:៣)។ អ្នកគឺជាព្រះបន្ទូលនៅក្នុងសាច់ឈាម។ ហាលេលូយ៉ា! #សេចក្ដីអធិស្ឋាន ឱព្រះវរបិតាអើយ កូនសូមអរព្រះគុណចំពោះជីវិតដ៏វិសេសវិសាល ដែលកូនបានទទួល នៅពេលកូនជឿ និងទទួលព្រះបន្ទូល។ ឥឡូវនេះ កូនគឺជាសំណៅចម្លងនៃព្រះបន្ទូល។ ព្រះគ្រីស្ទយេស៊ូវ ជាព្រះបន្ទូលដ៏មានព្រះជន្មគង់នៅ រស់នៅក្នុងកូន និងតាមរយៈកូន! ជីវិតរបស់កូនគឺជាការបង្ហាញពីព្រះហឫទ័យ គំនិត និងទស្សនៈរបស់ទ្រង់។ សូមថ្វាយព្រះពរដល់ព្រះ! អេមែន! (សូមព្រះប្រទានពរ!) #ការសិក្សាបន្ថែម៖ យ៉ូហាន ១:១៤ AMPC និង យ៉ូហាន ១៤:១៦-១៧ (ការកើតជាថ្មីកម្ពុជា)