Aktrisa (2011) - bədii film (rej. Rövşən İsax) скачать в хорошем качестве

Aktrisa (2011) - bədii film (rej. Rövşən İsax)

18+ Gənc aktrisa Lalə onun gözəlliyinin və sənətinin vurğunu olan bank işçisi Səmədin köməyilə mono-tamaşasını əcnəbi səhnələrdə oynamaq üçün səxavətli sponsor tapır. Amma bu sponsorla – VEF Bankın prezidenti Vaqif Fətəliyevlə tanışlıq işgüzar münasibətlər çərçivəsindən kənara çıxır. Vaqif Fətəliyev vaxtilə atasının yaxın dostunun qızı ilə qurmalı olduğu məcburi ailə həyatına son qoyub Lalə ilə evlənir. Amma Vaqif Fətəliyevin “sözünün üstündə durmayaraq Laləni səhnədən ayırması, oğurlaması” uşaq vaxtdan anlaşılmamaq zərbələri görmüş bu qızın xarakterindəki maksimalistliyi ölçülüb-biçilməmiş avantüraya qədər inkişaf etdirir. O, aktyorluq potensialını həyat səhnəsində istifadə etməyə və özü də bilmədən, istəmədən iblisin “rejissorluğu” altında oynamağa başlayır. Oyunun yeganə tamaşaçısı olmaq “xoşbəxtliyi” isə yazıçı Rüfət Hüseynzadəyə nəsib olur. Bankir Vaqif Fətəliyev öz bağ evində qətlə yetirilir. Araşdırma zamanı bir-birinin ardınca daha iki qətl hadisəsi baş verir və bunlar qatilin tapılmasını daha da çətinləşdirir. Müstəntiq Eldar Əfəndiyev inanır ki, bu qətllərin üstünün açılması bir şifrənin tapılmasından asılıdır. Filmin çəkilişləri Bilgəhdə, Bakının küçələrində və Gəncədə 2009-cu ilin avqust-oktyabr aylarında aparılıb. Film İlqar Fəhminin “Aktrisa” romanının motivləri əsasında çəkilib. İstehsalçı: Pozitiv Mediya Prodüser Mərkəzi İlk baxış tarixi: 05.03.2011 Texniki göstəricilər: 16:9 Janr: psixoloji detektiv, kriminal dram, triller Mükafat: I Qızıl Pəri Mükafatları – “Ən yaxşı aktyor” Fuad Poladov (2015, Bakı) Rejissor: Rövşən İsax Ssenari müəllifləri: Rövşən İsax, İlqar Fəhmi Operator: Rövşən Quliyev Rəssam: Mustafa Mustafayev Bəstəkarlar: Vasif Arifoğlu, Nazim Əhmədov Rollarda: Fuad Poladov (bankir Vaqif Fətəliyev), Alesa Kaçer (Lalə Fətəliyeva), İlham Hüseynov (yazıçı Rüfət Hüseynzadə), Rövşən İsax (müstəntiq Eldar Əfəndiyev), Şövqi Hüseynov (Murad Babayev), Rəşad Səfərov (Səməd Orucov), Məlahət Əhməd (qulluqçu Zəhra Həsənova), Hicran Nəsirova (aşbaz Xədicə Qulamova), Salam İsmayıl (bağban Kərim Həsənov), Aydın Əliyev (kriminalist), Elay Xasıyev (Süleyman), Günel Məmmədova (Rəna), Natella Kərimova (katibə), Elnar Qarayev (əməliyyatçı), Yuri Baliyev (baş prokuror), Vaqif Şərifov (mühasib), Gülnarə Xəlilova (televiziya aparıcısı), Hüseyn Əzimzadə (fotoqraf) Prodüser: Rövşən İsax