Mehnat kodeksiga “Ish vaqti rejimi” tushunchasi kiritildi скачать в хорошем качестве

Mehnat kodeksiga “Ish vaqti rejimi” tushunchasi kiritildi

Mehnat kodeksiga “Ish vaqti rejimi” tushunchasi kiritildi. Bu bilan amaldagi Mehnat kodeksida mavjud boʻlmagan, lekin huquqiy amaliyotda qoʻllanilayotgan tushunchalarga huquqiy maqom va taʼrif berildi. Hujjat bilan ish vaqti rejimining turli xil variantlarini belgilash mexanizmlari joriy etiladi. Bu tartib mikrofirmalar, yakka tartibdagi tadbirkorlik subyektlarida mehnat qonunchiligining soddalashtirilishi, ish beruvchilarga muddatli mehnat shartnomasini tuzish asoslarini sezilarli darajada kengaytirilishi, xizmat tekshiruvlarini oʻtkazish va ishdan chetlashtirish tartibga solinishidagi faoliyatlarini olib borish uchun qoʻshimcha qulayliklar yaratadi. Mehnat kodeksiga koʻra, xodimlar uchun ish vaqtining meʼyoriy muddati haftasiga 40 soatdan ortiq boʻlmasligi, 6 kunlik ish haftasida har kungi ishning muddati — 7 soatdan, 5 kunlik ish haftasida — 8 soatdan ortib ketmasligi shart. Shuningdek, ishning tugashi bilan keyingi kuni ish boshlanishi oʻrtasidagi kundalik dam olish vaqtining muddati 12 soatdan kam boʻlishi mumkin emas. Ayrim toifadagi xodimlar uchun ular yoshi, sogʻligʻi, mehnat shartlari, mehnat vazifalarining oʻziga xos xususiyatlari va oʻzga holatlarni inobatga olib, mehnat toʻgʻrisidagi qonunlar va boshqa meʼyoriy hujjatlarga, shuningdek, mehnat shartnomasi shartlariga binoan mehnat haqini kamaytirmasdan, ish vaqtining qisqartirilgan muddatlari belgilanadi. Xalqaro mehnat statistikasi hujjatlarida ish vaqtini meʼyordagi ish vaqti, haqiqiy ish vaqti hamda haq toʻlanadigan ish vaqtiga ajratish tavsiya etiladi. Maʼlumot uchun, yangi tahrirdagi Mehnat kodeksi rasmiy eʼlon qilingan kundan eʼtiboran 6 oy oʻtgach kuchga kiradi. Qonun kuchga kirishi bilan 1995-yilda qabul qilingan “Oʻzbekiston Respublikasining Mehnat kodeksi” oʻz kuchini yoʻqotadi. Eslatib oʻtamiz, avvalgi videolarimizda Oʻzbekistonda ish beruvchi maosh kechiktirilgan har bir kun uchun xodimiga kompensatsiya toʻlashi haqida maʼlumot bergan edik. Nashrimizni ijtimoiy tarmoqlar orqali kuzatib boring: Telegram: https://t.me/bugunrasmiy Facebook: https://fb.com/bugunuzrasmiy Instagram:   / bugunuzrasmiy   TikTok:   / bugun.rasmiy   Reklama bo‘limi: 👉 +998 99 791 91 30 👉 @temur_uzb