Құран тәпсірі. 1. «Әғузу» мен «Биссмилләнің» мағыналары - Ерсін Әміре Абу Юсуф скачать в хорошем качестве

Құран тәпсірі. 1. «Әғузу» мен «Биссмилләнің» мағыналары - Ерсін Әміре Абу Юсуф

Жаратушы Иеміз Алла Тағаланың адамзатқа басшылық етіп жіберген Қасиетті Құранның әр-бір мұсылман адамның өмірінде ерекше орын алатындығы айдан анық. Теңдесі жоқ ұйқастығымен бойды баурап алатын Сөздерді оқыған кездегі сезім неткен ғажап болса, сол Сөздерге салынған терең мағынаны ұғына отыру – күмәнсіз, Аллаға жақындауды қалағандар үшін иманының артып, шыңдалуына бірден бір себеп болмақ. Ұстаз Ерсін Әміре Әбу Юсуф Ливандағы Ислам университетінің шариғат факультетінің түлегі. Жоғары білімінен өзге Ерсін Әміре Қасиетті Құранды жатқа білетін хафиз, сондай- ақ Құран оқудың он түрлі қырағатының бес түрін: шейх Асим, Әбу Амр әл- Басри, Халафул Әшир, Әбу Жағфар әл- Мәдәни және Яқұб қырағаттарын жетік меңгерген. Сонымен қатар, белгілі мухаддис Абдул- Фаттах Әбу Ғудданың шәкірті шейх Мәжид Дәруиштен хадис ілімі бойынша ижәзәсі бар. Бүгінгі заманның үлкен ғалымы Уахба әз-Зухайлидің шәкірті болып табылатын Ислам экономикасы ілімдерінің докторы Алауддин Заттаридің шәкірті. Хадис ілімі саласында Ерсін ұстаз шариғат ілімдерінің докторы Әли Букоъидан дәріс алған. Өз кезегінде Әли Букоъи белгілі мухаддис Нуриддин Итрдің шәкірті. Сондай- ақ ұстаз Ерсін Әміре көптеген атақты әрі құрметті ғалымдардан ілім алған. Ұсынылып отырған жоба еліміздің баршама мұсылман қауымы үшін маңызды білім қайнары болатынын сезіне отырып, оны іске асыру мақсатында көптеген іс-шаралар өткізіліп, ойымыз еліміздегі және шет мемлекеттегі мұсылман бауырларымыздан қолдау тапты. Атап айтқанда, сабақтарды бейнетаспаға түсіру, өңдеу, аудармаларын жасау жұмыстарын жергілікті бауырларымыз атқарған болса, бейнесюжеттерді өңдеп, кіріспе роликтерімен әрлендіру жұмыстарына «Garib Media» порталының қол үшін берген еңбегі өте зор. Жобаның ұзақ және ауқымды болуына байланысты, сіздерден ұстазымыз Әміре Ерсін Абу Юсуф үшін, ат салысып еңбек жасап, қаражаттай жәрдем беріп жатқан бауырларымызға Алла Тағаладан дұға тілеп қоюларыңызды сұраймыз.