എന്താണ് പൾമണറി ഹൈപ്പർ ടെൻഷൻ ? -Amrita Hospitals скачать в хорошем качестве

എന്താണ് പൾമണറി ഹൈപ്പർ ടെൻഷൻ ? -Amrita Hospitals

പൾമണറി ഹൈപ്പർ ടെൻഷൻ അഥവാ ശ്വാസകോശത്തിലെ അമിത രക്തസമ്മർദ്ദം എന്നത് അപൂർവമായി കാണപ്പെടുന്ന ഒരു രോഗമാണ്. രക്തപരിശോധന കൊണ്ടോ മറ്റോ ഈ രോഗം പെട്ടെന്ന് കണ്ടുപിടിക്കാൻ ബുദ്ധിമുട്ടാണ്. അതു കൊണ്ടു തന്നെ രോഗം മൂർഛിച്ച് രോഗിയ്ക്ക് കാര്യമായ ശ്വാസം മുട്ടലോ കിതപ്പോ അനുഭവപ്പെടുമ്പോഴാണ് ഈ രോഗത്തിന്റെ ലക്ഷണങ്ങളാണെന്ന് മനസ്സിലാകുക. പൾമണറി ഹൈപ്പർ ടെൻഷനെപ്പറ്റിയും ഇതിന്റെ ചികിത്സയെപ്പറ്റിയുമാണ് ലോക പൾമണറി ഹൈപ്പർ ടെൻഷൻ ദിനത്തിൽ കൊച്ചി അമൃത ആശുപത്രിയിലെ പീഡിയാട്രിക് കാർഡിയോളജി വിഭാഗം പ്രൊഫസർ ഡോ. കെ.എച്ച് ഷൈൻ കുമാർ സംസാരിക്കുന്നത്. ഹൃദയത്തിലെ തകരാറുകൾ, ശ്വാസകോശ രോഗങ്ങൾ, രക്തത്തിലെ വ്യത്യാസം തുടങ്ങിയ പല കാരണങ്ങൾ കൊണ്ട് പൾമണറി ഹൈപ്പർ ടെൻഷൻ ഉണ്ടാകാം. ഈ രോഗത്തെ മരുന്നുകളിലൂടെയും, ജീവിതശൈലീ നിയന്ത്രണങ്ങളിലൂടെയും, കൃത്യമായ പരിശോധനകളിലൂടെയും നിയന്ത്രിച്ച് നിർത്താവുന്നതാണ്. മുൻകാലങ്ങളിൽ ഈ രോഗത്തിന് കൃത്യമായ രോഗനിർണയ രീതികളോ ചികിത്സകളോ ലഭ്യമായിരുന്നില്ല. എന്നാൽ ഇന്ന് മികച്ച രീതിയിലുള്ള രോഗനിർണയ, ചികിത്സാ രീതികൾ ലഭ്യമാണ്. എക്കോകാർഡിയോഗ്രാം പരിശോധനയിലൂടെയാണ് പൾമണറി ഹൈപ്പർ ടെൻഷൻ നിർണയിക്കുന്നത്. പൾമണറി ഹൈപ്പർ ടെൻഷൻ ഉള്ളവർ അമിതമായ കായികാധ്വാനം ഒഴിവാക്കാൻ ശ്രദ്ധിക്കണം. ഫ്‌ളൈറ്റ് യാത്രകൾക്ക് മുമ്പ് ഡോക്ടറുടെ ഉപദേശം തേടേണ്ടതാണ്. നല്ല രീതിയിലുള്ള ജീവിതശൈലി പുലർത്തേണ്ടതും പ്രധാനമാണ്. #Pulmonary_Hypertension #world_pulmonary_hypertension_day #worldphday #world_pulmonary_hypertension_day_2022 #AmritaHospitals #CompassionateCare #ExceptionalTechnology