မြန်မာ့ရိုးရာ ဘိန်းမုန့် လေးလုပ်စားမယ် скачать в хорошем качестве

မြန်မာ့ရိုးရာ ဘိန်းမုန့် လေးလုပ်စားမယ်

မြန်မာ့ရိုးရာ မုန့်လေး တခုဖြစ်တဲ့ ဘိန်းမုန့်ကို ဆိုင်မှာရောင်းတဲ့အတိုင်း မွမွအိအိလေး လုပ်စားပါမယ်။ ဆိုင်မှာရောင်းတဲ့ မုန့်နှစ်က ညလုံးပေါက် အချဉ်ဖောက်ပေမယ့် အိမ်မှာလုပ်စားတဲ့အခါ အချဉ်ဖောက်တာ လွန်သွားတာ မဖြစ်စေအောင် ညလုံးပေါက် အချဉ်ဖောက်စရာမလိုဘဲ ကျွန်တော်က ပေါင်မုန့်လုပ်တဲ့အခါ သုံးတဲ တဆေးနဲ့ပဲ အချဉ်ဖောက်ထားပါတယ်။ မုန့်နှစ်ဖောက်မှ ဇလုံတခုထဲမှာ တအေး (Instant dry yeast) - လက်ဖက်ရည်ဇွန်း တဝက် သကြား - အနည်းငယ် ကြက်သီးနွေး ရေနွေး - အနည်းငယ် ထည့်ပြီး ၁၅ မိနစ်လောက်အခန်းအပူချိန်မှာ ထားထားပေးပါ။ ပြီးရင် တဆေးဖောက်ထားတဲ့ ဇလုံထဲမှာဲ ဆန်မှုန့် - ချိန်ခွက် ၂ ခွက် (နို့ဆီဗူး ၂ ဗူး) ကြက်ဥ - ၂ လုံး နို့ဆီ - ၁ ဇွန်း (ထမင်းစားဇွန်း) ဆား - အနည်းငယ် ထန်းလျက်ရည် ခပ်ပျစ်ပျစ် - ၄ ဇွန်း ( ထမင်းစားဇွန်း) ရေအေး - ခွက် တဝက် (နို့ဆီဗူး တဝက်) ထည့်ပြီး အားလုံး မွှေပေးပါ။ နို့ဆီပျစ်ပျစ်အနေအထား ရအောင် ဖျော်ထားပေးပါ။ သေချာ မွှေပေးပြီး အဖုံးလေး တခုခုနဲ့ ဖုံးပြီးရင် အခန်းအပူချိန်မှာ ၁ နာရီ ထားပေးပါ။ ၁ နာရီကြာတဲ့အခါ မုန့်နှစ်ကို ဇွန်းနဲ့ မွှေကြည့်လိုက်ရင် ခပ်မွမွလေးဖြစ်နေတာကို သတိထားမိမှာပါ။ အချိန်ရရင် ၂ နာရီလောက်နှပ်ထားရင် မုန့်က ပိုပြီးပွပါတယ်။ ပြီးရင် မုန့်ပွဆေး (Baking powder) - လက်ဖက်ရည်ဇွန်း၄ပုံ၁ပုံ လောက်ထည့်ပြီးနှံ့စပ်အောင် မွှေပေးလိုက်ပါ။ မုန့်ကိုပိုပြီး ပွစေဖို့အတွက်ပါ။ ပြီးမှ မုန့်နှစ်ထဲကို ထောပတ် - ၂ ဇွန်း (စားပွဲတင်ဇွန်း) ထည့်ပါ။ ဘိန်းမုန့်ပေါ်တင်ဖို့အတွက် ဘိန်းစေ့ အုန်းသီး မြေပဲ စပျစ်သီးခြောက် အနည်းငယ်လိုပါတယ်။ မုန့်လုပ်မယ့် အိုးလေးထဲမှာ ထောပတ် ၁ ဇွန်းထည့်ပါ။ ဆီပူလာရင် မုန့်နှစ်ကို မုန့်တခုစာထည့်မယ်။ အပေါ်မှာ ဘိန်းစေ့ အုန်းသီး မြေပဲ စပျစ်သီးခြောက် ထည့်ပြီး အဖုံးလေးပိတ်မယ်။ ၂ မိနစ်လောက် ကြာရင် နောက်တဖက်လှန်ပြီး အပူပြန်ပေးရင် မွှေးပြီး အိအိမွမွလေးနဲ့ စားကောင်းတဲ့ ဘိန်းမုန့်ကို ရပြီဖြစ်ပါတယ်။ သူငယ်ချင်းအားလုံး ကျန်းမာပျော်ရွှင်ကြပါစေ။