Еліміздегі ең алғашқы автомобиль тоннелінің құрылысы кешеуілдеп жатыр скачать в хорошем качестве

Еліміздегі ең алғашқы автомобиль тоннелінің құрылысы кешеуілдеп жатыр

Оңтүстік Қазақстан облысында салынып жатқан еліміздегі ең алғашқы автомобиль тоннелінің құрылысы кешеуілдеп жатыр. Шақпақ асуындағы тау қойнауын тесіп өтетін жерасты өткелі жобада көрсетілгендей, пайдалануға биыл күзде емес, келесі жылдың жазында беріледі деп болжануда. Қыс кезінде Шақпақ асуынан көлікпен өтудің қиындығы көп. Бұрқасыны үздіксіз соғып тұратын жер. Талай рет тізіліп көліктер қар астында қалып қойған. «Батыс Еуропа-Батыс Қытай» жолының бойында тоннель салу жобасы сол себепті қолға алынған еді. Бүгінгі күнге құрылыс жұмыстарының 80 пайызы ғана атқарылыпты. Махмуд Тагизаде, мердігер компания басшысының орынбасары -Алдын ала жүргізілген геологиялық зерттеудің қорытындысы тоннельді қазу барысындағы кездескен жер қыртысының құрамымен сәйкес келмейді. Тау жынысын қопару кезінде бос топыраққа кез болдық. Өткелдің бұл тұсын бекіту, нығайту жұмыстарына көп уақыт кетті. «Батыс Еуропа-Батыс Қытай» көлік дәлізінің алғашқы жасалған жобасында жерасты өткелі жоқ болатын. Енді жылына мыңдаған көлікті әрі-бері өткізетін тоннельдің жалпы ұзындығы 840 метр, әр жолақтың ені 12, биіктігі 9 метрден асады. Сондықтан қауіпсіздік шарасын қатал сақтау керек. Мұхит Ахметов, «Оңтүстікжолзертханасы» РММ басшысы -Біз жобаны сараптамадан қайтара өткіздік. Ал нысан қатаң бақылауда болатындықтан, келісімін алатын мекемелер көп болды. Біз соған да уақытымызды көп жоғалтып алдық. Қазір жерасты өткелін қазуға 40 арнайы техника мен 200 маман жұмылдырылған. Жұмыс қарқыны жоғары. Құрылыс сапасы қатаң қадағаланып отырады.