"LAMTUMIRË Z. "360 GRADË""/ Ylli Ndroqi mesazh për ndarjen nga jeta të gazetarit Artur Zheji скачать в хорошем качестве

"LAMTUMIRË Z. "360 GRADË""/ Ylli Ndroqi mesazh për ndarjen nga jeta të gazetarit Artur Zheji

#oranews #yllindroqi #arturzheji #360grade Presidenti i "Yldon Media Group", z. Ylli Ndroqi i bëri homazh të ndjerë gazetarit Artur zheji, që u nda nga jeta pa pritur këtë të shtunë. Ndroqi, kujtoi kohën kur Zheji nisi nga kjo familje mediatike rrugëtimin mediatik të emisionit 360 gradë "Tur Zheji, vëlla, ose Zoti 360 gradë, siç të quanim miqësisht, kur iu bashkove familjes mediatike Yldon Media Group, në vitin 2017, zemra më rrahu fort, kur mësova për ty. Shumëçka më kaloi ndër mend ashtu rrufeshëm, siç ishte edhe ikja jote e pakohë. Tamam si këto stuhitë e fundgushtit në detin e pamasë, që ti e doje aq shumë." Artur Zheji, orator dhe mendimtar i mprehtë, pa kompromise; një burrë që e deshi jetën dhe e jetoi atë me gjithë pasion. Por e sotmja, ishte një tradhti e zemrës në festimin e jetës së të birit. Sot Shqipëria ka humbur një personalitetet publik të rrallë dhe burrë të mençur! "E di, sot ishte ditë e rëndësishme për ty. Duhet të kesh qenë i gëzuar: festoje ditëlindjen e Patrikut. Ai tashmë është burrë. Kam qenë dëshmitar i shkëlqimit të syve dhe gëzimit të shpirtit që të jepte kjo ditë. Rrufeshëm mu kujtua festa e 15-vjetorit të tij, shtatë vite më parë, po atje buzë Jonit. Zoti të deshi pranë vetes në ditën dhe vendin që i kishe aq për zemër. U lidhët përjetësisht, në formën më sublime: dita e parë e jetës për tët bir, e fundit për ty. Një cikël 360 gradë." Duke vlerësuar bashkëpunimin disa vjeçar, Presidenti i "Yldon Media Group" e vlerësoi Zhejin, si gardian të së vërtetës dhe interssit publik përmes penës së fortë dhe argumentit gozhdues e kritik. "Thonë se zemra të “tradhtoi”. Paska qenë pika jote e dobët, përballë mendjes së ndritur, penës së fortë dhe argumentit logjik, gozhdues e kritik. I vërtetë dhe gardian i së vërtetës. Gazetar kalibri e gazetar “lufte”, siç thuhej dikur për vlerësim në tregun mediatik që na ndërthurte jetët." Ndroqi vlerëson se Zheji ishte një njeri shumëdimensional, një gazetar në 360 gradë e që do i mungojë botës mediatike shqiptare. "Përtej të gjithave, njeri! Mungesën tënde do ta ndjejmë. Prehu i qetë, Tur Zheji, përtej, krah familjarëve e paraardhësve të ndritur, që të gjithë bashkë bëtë shumë për një Shqipëri më të mirë. Gjetsh paqen e kërkuar" Për më shumë lexoni: https://www.oranews.tv/vendi/prehu-ne... Website: www.oranews.tv Youtube http://bit.ly/2DDddtL Facebook: http://bit.ly/2RkUN4s Instagram   / oranews.one   X https://x.com/oranews_one Follow Televizionin Ora News