У нас вы можете посмотреть бесплатно 【深水埗美食】有料到手工粵菜｜平價高質私房菜！隱世餐廳「名煌金閣」驚喜推介！｜六頭鮑魚｜雞煲翅｜鮑汁花膠扣鵝掌｜裝潢典雅中菜館 или скачать в максимальном доступном качестве, видео которое было загружено на ютуб. Для загрузки выберите вариант из формы ниже:
Если кнопки скачивания не
загрузились
НАЖМИТЕ ЗДЕСЬ или обновите страницу
Если возникают проблемы со скачиванием видео, пожалуйста напишите в поддержку по адресу внизу
страницы.
Спасибо за использование сервиса ClipSaver.ru
餐廳地址： 名煌金閣 長沙灣元州街162-168號天悦廣場地下A6號舖 今日我就黎介紹一間超值得推薦嘅深水埗隱世餐廳 - 「名煌金閣」。好多時大家都會覺得要食好嘢一定要用好貴嘅價錢，又或者要去五星級酒店先食到，但係而家咁嘅市道，邊有咁多人餐餐揼本話要食好嘢啊？唔通我無咁多錢就食唔到好嘢？我覺得呢個說法唔係好啱。 前兩日有個朋友就介紹我去長沙灣同深水埗交界嘅一間餐廳，話係以平民嘅價錢，但可以食到私房菜嘅質素！你會feel到佢哋嘅廚師係有用心研究每一道菜，我都好想試下究竟係咪真係平民價都可以食到咁優質嘅小菜。 一嚟到，我就即刻問清楚邊啲係必食嘢。首先係雞煲翅，$198就有2-3人份量，平均每人都唔使$100，仲有六頭鮮鮑魚，每隻只係$58蚊！介紹我嚟嘅朋友同我講，呢度嘅鮑汁花膠扣鵝掌一定要食，話嗰啲鵝掌已經燜到好腍，嗦曬啲鮑汁，所以佢就強烈建議我一定要嗌。另外仲有鹹蛋黃金莎骨，佢話味道一啲都唔漏，叫我一定要試下。 我哋仲嗌咗個秘製牛肋骨，本身都諗過食咕嚕肉，但覺得咕嚕肉好似普通啲，所以今次試下個秘製牛肋骨先。最後再加多個菜，即係瑤柱扒豆苗，就差唔多啦！ 第一道上嚟嘅係鹹蛋黃金莎骨，一放低已經聞到勁香嘅鹹蛋黃味！你睇下，啲鹹蛋黃醬唔會漏咗出嚟，係實實在在包實每件金莎骨。食落去，有好香嘅鹹蛋黃包住，但唔會覺得好油冧冧好膩，廚師整得好乾身。同埋唔會覺得肉好韌，師傅炸得啱啱好，呢個真係必食嚟㗎！ 接著到雞煲翅上場！每一碗分到有好多翅，我覺得百零蚊都算抵食，個雞湯煲到好奶白色。一啖落肚，哇！好濃郁嘅雞味，飲得出應該係熬咗好多個鐘頭先至熬到咁濃。飲呢啲湯，我都好鍾意食埋啲湯渣，啲肉好滑，唔係鞋口，都幾好食！ 呢個六頭鮮鮑魚，我哋睇下佢個size都唔細。你可以望到呢個鮑魚表面有薄薄嘅粉，因為佢係用油爆嘅方式處理。食落去有兩種口感，首先食到表面係脆嘅，之後咬到入便又會食到鮑魚軟腍腍嗰種鮮味，外脆內軟，超正嘅食法！ 今日最大推薦就係呢個鮑汁花膠扣鵝掌！真係好吸引，啲花膠有半隻手咁長，你睇下啲鮑汁係咁滴，同埋呢碟有幾條花膠，條條都咁大條。花膠一入口就即刻溶，係軟腍腍超腍入口即溶嘅口感。再睇下另一個主角 - 鵝掌，完全企都企唔直，可想而知幾入味，仲不斷出煙添。 講真，女人最緊要就係補充膠原蛋白啊！呢碟餸食完呢兩樣嘢，簡直天下無敵！相信女人無時無刻都要同啲膠原蛋白作戰，佢一路流失我一路補充！食落去，鵝掌好腍啊，真係好入味，佢每一個皮每一個位都浸透咗啲鮑汁。 你睇我連中間佢條骨都唔見咗，條骨都唔知去咗邊！鵝掌最緊要睇佢燜得夠唔夠腍，燜得唔夠腍佢啲皮同啲骨係會黐埋一齊，完全唔好似呢個咁嘅效果。燜得夠腍，你先食到嗰種膠質張住係個口嗰種口感。總之呢個一定要食，你哋嚟我一定叫你哋記得試下！ 到咗呢碟秘製牛肋骨，都係另外一個推薦菜式。但係佢嚟到，我覺得望落去好似無咩特別，純粹似黑椒汁燜牛腩，我見佢有啲肥嘅感覺，唔知點解會推薦我食。食落先知，原來佢唔係黑椒汁，佢個汁係有少少輕輕酸酸甜甜嘅感覺，唔會話好heavy嘅味道，有少少開胃。 佢個牛肋肉燜到好腍，我發覺呢度嘅菜式全部都好似背後製作嘅時間用咗好長時間先整得出。好似雞湯要好長時間去熬，先熬到咁入味；又好似呢個牛肋骨，應該又要用咗好長時間去燜，先可以燜到咁腍同埋咁入味。雖然啲牛肉望落有啲疑似肥膏嘅位，本身以為佢會好肥同埋好膩，但係食落又唔會覺得好油膩，啲筋膜位仲有少少爽口嘅口感，配埋佢酸酸甜甜嘅汁，令到你更加唔會覺得好膩。 食咗咁多碟肉，終於有碟菜畀我食下！頭先食咁多碟全部都係豬牛雞，就知我啲朋友一定都係食肉獸嚟。呢個瑤柱扒豆苗係我比較鍾意食嘅菜之一，豆苗係要冬天先有得食，我通常都比較鍾意出街食。我覺得呢種菜本身都比較濃味啲，屋企好難煮得好食。 要辟到陣味，再加埋整得好睇嘅醬汁，嗰啲瑤柱扒或者蟹粉撈豆苗啊呢啲，個醬好難煮得好。加上我自己廚藝麻麻哋，我就一定會出街先食。 最後埋單每人大約$150-$200，呢個價錢係而家香港嘅消費，其實你去是但一間大排檔或者食小菜嘅地方都係差唔多，甚至可能仲貴啲。但係呢度環境都幾舒適，唔使搭枱又唔係坐得好迫。 每一碟餸你都食到佢哋係有用心機去配搭嗰啲味道。講真，雖然佢哋唔係用啲好名貴嘅食材，但我覺得佢煮出嚟嘅效果其實都可以拍得住好多私房菜畀你嘅味道，誠意係好有。 唔知你哋又會唔會鍾意呢間餐廳呢？如果想知多啲超抵食嘅平民美食，就記得Comment、Like、Share同Subscribe我嘅Channel，記得㩒個鐘仔開通知啊！有咩想知嘅話，就係樓下留言話畀我知！ ■-------------------------------------------------- 【深水埗美食】有料到手工粵菜｜平價高質私房菜！隱世餐廳「名煌金閣」驚喜推介！｜六頭鮑魚｜雞煲翅｜鮑汁花膠扣鵝掌｜裝潢典雅中菜館 -【時間線】： 00:00 精華及開場白 00:58 點餸環節 01:42 鹹蛋黃金莎骨 02:13 雞煲翅 02:46 六頭鮮鮑 03:12 鮑汁花膠扣鵝掌 04:34 秘製牛肋骨 05:45 瑤柱扒豆苗 #香港美食 #深水埗美食 #平民私房菜 #隱世餐廳 #必吃美食 #深水埗必食 #平價高質 #鮑魚 #花膠 #鵝掌 #雞煲翅 #港式美食 #美食推介 #抵食推薦 #港式料理 #香港本地菜 #香港餐廳 #平價私房菜 #街坊美食 #老闆推薦菜 #必食推介 #深水埗隱世餐廳